Ubwandilo 15:18 - IBAYIBOLO 2024

¹⁸ Pisiku lilalila, u Mwene akafinga ulufingo nu Abulamu akati, “Nkwiza pakubapa abaluko lwako ichisu chinichi, ukwandila ko kumpaka iya chisu icha Ijiputi mupaka kulusoko ulukulu nkani ulwa Yufuleti.

Ubwandilo 15:18 Iomraidhean Croise

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 13:15

Nkwiza pakukupa awe na baluko lwako ichisu chosi chicho ukuchennya, po chikwiza pakuba chako ni chako bwila na bwila.

Ubwandilo 2:14

Ulusoko ulwabutatu we Tigilisi, lukwenda kubufumilo bwizuba ubwa chisu icha Asiliya, po ulusoko ulwafolo we Yufuleti.

Ubwandilo 24:7

U Mwene u Chala uwakumwanya, yuyo akanyefya kunyumba iya bapapi bane, sona ni chisu chicho nkapapiliwako, akandapizya ukuti akwiza pakubapa abaluko lwane ichisu chinichi. Akwiza pakumutuma uwantumi wache kuntazi kukwako, kulakula ko kuko umusendele umukolo umwana wane.

Ubwandilo 26:4

Nkwiza pakukupa abaluko abinji nkani ngati zyo ntondwa, sona nkwiza pakubapa ichisu chosi chinichi. Abantu aba inko zyosi bakwiza pakundaba ukuti imbasaye ukuyana namumo nkabasayila abaluko lwako.

Ubwandilo 28:4

Akusaye awe poka na baluko lwako ukuyana namumo akamusayila u Abulahamu, umwakuti ufyule ichisu chicho ukwiza pakwikalaghamo pakuba we muyeni, ichisu chicho u Chala akamupa u Abulahamu.”

Ubwandilo 35:12

Nkwiza pakukupa nawe ichisu chicho nkamupa u Abulahamu nu Yisaki, nukubapa sona abaluko lwako babo bakwiza pisinda papako.”

Ubwandilo 50:24

Po u Yosefu akababuzya abawamwabo akati, “Indi papipi pakufwa; loli u Chala akwiza pa pakubasungilila nukubefyamo muchisu ichi ukubuka kuchisu chicho akamulayizya u Abulahamu nu Yisaki, sona nu Yakobo.”

2 Samuweli 23:5

“U Chala akwiza pakubasaya abaluko lwane, pachifukwa ichakuti afingana nane ulufingo ulwa bwila na bwila, ulufingo lulo lubatikiwe akiza nkani, sona lutakwanduka. Ivi vyo vivyo nkunyonywa vyosi, ukuti vikwiza pakuba bupoti bwane, sona naloliloli u Chala akwiza pakuzibomba.

2 Samuweli 8:3

U Devedi akamupota sona u Hadadezeli umwana uwa Lehobu, yuyo akaba we mwene uwamu Zoba, bo u Hadadezeli akubuka mulubazu ulwa lusoko ulwa Yufuleti pakubwikazya ubumwene bwache.

1 Abamwene 4:21

U mwene u Solomoni akalaghilagha mubumwene bosi bunubu ukwandila kulusoko ulwa Yufuleti mupaka kuchisu icha ba Filisiti nukufika kumpaka iya chisu icha Ijiputi. Abantu aba muvyisu vinivi bakamupa umusonko u Solomoni, sona bosi bakaba pasi pabulaghili bwache mubumi bwache bosi.

1 Abamwene 5:1

Bo u mwene u Hilamu uwamu Tile ivwa ukuti u Solomoni apakaziwa amafuta pakuba we mwene pakumupyana uwise u Devedi, akatuma intumi kwa Solomoni, pachifukwa ichakuti akamanyana nkani nu Devedi.

1 Imbili 16:16

Akwiza pakulukumbukagha ulufingo lulo akafingana nu Abulahamu, sona ni chilapo chicho akalapa kwa Yisaki.

1 Imbili 5:9

Abantu banaba bakaba ni vitekwa ivyinji nkani, umwakuti ichisu chabo chikandila kubufumilo bwizuba mulubazu ulwa nkolongo mupaka kulusoko ulwa Yufuleti nukufika ku Giliyadi.

2 Imbili 7:8

Pakabalilo kalakala u Solomoni poka naba Izilayeli bosi, babo bakaba palapala bakaba nu lusekelo ulwa amasiku seveni. Lukaba lukomano ulukulu nkani umwakuti abantu aba ku Lebo Hamati mupaka kukasoko kumpaka iyakumitu iya Ijiputi bakiza.

2 Imbili 8:7

Loli pakabapo abantu aba inko izyakulekanalekana babo bakasyala muchisu chila. Abantu banaba bakaba ba Hiti naba Amoli naba Pelezi naba Hivi sona naba Yebusi, babo batakaba ba Izilayeli,

2 Imbili 9:26

Akabalaghilagha abamwene bosi ukwandila kulusoko ulwa Yufuleti mupaka kuchisu icha ba Filisiti nukufika kumpaka iya chisu icha Ijiputi.

Ezila 4:20

Mu Yelusalemu mwame abamwene abamaka babo balaghilagha kwisila ilya lusoko ulwa Yufuleti sona abantu batakasonkagha umusonko nukubika ivyabupi sona ni vintu ivinji.

Nehemiya 9:8

U Abulahamu akaba muntu umusubiliwa pamaso papako, umwakuti ukafingana nawe pakubapa abaluko lwache ichisu icha ba Kenani nicha ba Hiti nicha ba Amoli nicha ba Pelezi nicha ba Yebusi sona nicha ba Giligashi. Awe ukabomba zizyo ukabalayizya pachifukwa ichakuti we mugholosu.

Masalimo 105:11

Po akati, “Nkwiza pakukupa ichisu icha Kenani, pakuba mpyana yako.”

Ukufuma 13:11

“Bo u Mwene abinjizya muchisu icha ba Kenani, ichisu chicho akalapa ku banyenya binyu,

Ukufuma 2:24

U Chala akivwa ukukoloma kwabo nukukumbuka ulufingo lwache, lulo akafingana nu Abulahamu nu Yisaki sona nu Yakobo.

Ukufuma 23:23

Uwantumi wane akwiza pakubalongolela nukubinjizya muchisu icha ba Amoli nicha ba Hiti nicha ba Pelezi nicha Kenani nicha ba Hivi sona nicha ba Yebusi sona nkwiza pakubanangannya bosi.

Ukufuma 3:8

Po nika pakubapoka munyobe izya bantu aba mu Ijiputi nukubefyamo muchisu chilachila nukubinjizya muchisu ichikulu nkani icha mboto mumo mukwikala aba Kenani naba Hiti naba Amoli naba Pelezi naba Hivi sona naba Yebusi.

Ukufuma 32:13

Kumbuka ukuti ukalapa ku mubombi wako u Abulahamu nu Yisaki nu Izilayeli ukuti, ‘Nkwiza pakubalizya abaluko lwinyu ngati zyo ntondwa, sona nkwiza pakubapa abaluko lwabo ichisu chosi chinichi ukuti chibanje chabo ni chabo bwila na bwila.’ ”

Ukufuma 34:11

“Mukonkaye amalamulo ghagho nkubapa ilelo. Nkwiza pakubachimbizya pantazi papinyu aba Amoli naba Kenani naba Hiti naba Pelezi naba Hivi sona naba Yebusi.

Ukufuma 34:24

Nkwiza pakubachimbizya abantu aba inko izyakulekanalekana pantazi papinyu nukukuzya impaka iya chisu chinyu, sona atalipo nayumo umuntu uwakubapota, bo mukwiza katatu pamwaka pakunyiputa ane ne Mwene u Chala winyu.

Ukufuma 6:4

Nkafingana nabo ulufingo nukubalayizya pakubapa ichisu icha Kenani, mumo bakikalagha ngati bayeni.

Ukufuma 6:8

Nkwiza pakubinjizya muchisu chicho nkalapa nu Abulahamu nu Yisaki, sona nu Yakobo. Nkwiza pakubapacho pakuba chisu chinyu ni chinyu. Ane ne Mwene.’ ”

Yesaya 27:12

Pisiku lilalila u Mwene akwiza pakubabungannya abantu weka na weka ukwanda kulusoko ulwa Yufuleti mupaka kulusoko ulwa Ijiputi ngati muntu yuyo akupeta ingano pakwefyamo ilyelelo.

Yesaya 55:3

Munteghelezye nkani nukwiza kukwane, munyivwe, ukuti mubanje nubumi. Nkwiza pakufingana namwe, ulufingo ulwa bwila na bwila, nukubapa ulusayo lulo nkamulayizya u Devedi.

Yelemiya 32:22

Ukabapa ichisu ichi chicho ukalayizya abanyenya babo, ichisu icha mboto nkani.

Yelemiya 32:40

Nkwiza pakufingana nabo ulufingo ulwa bwila na bwila, ntakwiza pakuleka pakubabombela inyiza. Nkwiza pakubapa u moyo uwakunnyila umwakuti batakansambukile sona.

Aba Levi 26:42

po ane nkwiza pakulukumbuka ulufingo lwane lulo nkafingana nu Yakobo nu Yisaki nu Abulahamu, sona nkwiza pakuchikumbuka ni chisu chinyu.

Aba Levi 26:45

Loli pachifukwa icha chisa, nkwiza pakukumbuka ulufingo lwane lulo nkafingana na banyenya, babo nkabefya mu Ijiputi, bo abantu aba inko injeni bakwennya, umwakuti imbanje ne Chala wabo. Ane ne Mwene.”

Ukubelengiwa 34:5

Kulakula yikwiza pakupetukila ko kukasoko kumpaka iyakumitu iya Ijiputi nukufika ku Nyanja iya Medeteleniya.

Imbombo 7:5

U Chala atakamupako u Abulahamu na kabuzilo nakamokamo ukuti kabanje kache na kache, napapo imita lyoka, loli u Chala akamulayizya pakumupako ichisu ichi, sona ukuti kabanje kache na kache nuluko lwache. Pakabalilo kako u Chala akamulayizyanga, u Abulahamu atakaba na bana.

Ukukumbusya Amalamulo 11:24

Ichisu chosi chicho mukwiza pakukanyamo chikwiza pakuba chinyu. Impaka yinyu yikwiza pakwandila ko kuntende kunkolongo mupaka kumitu kumaghamba agha Lebanoni, sona ukwandila ko kulusoko ulwa Yufuleti kubufumilo bwizuba mupaka ku Nyanja iya Medeteleniya.

Ukukumbusya Amalamulo 12:20

Bo u Mwene u Chala winyu akuchonjelezya ichisu chinyu ukuyana namumo akabalayizizya, sona nanti mwaba nikwilu nukuti, “Mwebaya, indi nikwilu,” mungalya inyama nukwikuta ukuyana namumo mukulondela.

Ukukumbusya Amalamulo 19:8

U Mwene u Chala winyu akachikuzya ichisu chinyu, ukuyana namumo akabalayizizya abanyenya binyu, nukubapa ichisu chosi chicho akabalayizya.

Ukukumbusya Amalamulo 34:4

Po u Mwene akamubuzya u Mozesi akati, “Ichi cho chisu chicho nkamulayizya u Abulahamu nu Yisaki, sona nu Yakobo ukuti nkwiza pakubapa abaluko lwako. Nakwitikizya ukuti uchennye bulo na maso ghako, loli utakwiza pakwinjilamo.”

Ukukumbusya Amalamulo 7:1

Bo u Mwene u Chala winyu akubafisya muchisu chicho mukwiza pakwikalamo, sona nanti abachimbizyamo aba Hiti naba Giligashi naba Amoli naba Kenani naba Pelezi naba Hivi sona naba Yebusi, inko zizyo zyamaka akaseveni ukubachila amwe,

Aba Hebeli 13:20

U Chala wemwenecho uwa mutende yuyo akamuzyusya kubufwe u Mwene witu u Yesu ukwendela mwibanda ilya lufingo ilya bwila na bwila, sona yuyo we Mudimi usongo nkani uwa ng'ozi.

Yoshwa 13:3

ukwandila ko kulusoko ulwa Sihoni kubufumilo bwizuba ubwa Ijiputi mupaka muchigaba icha Ekiloni kumitu kokuti ichisu chosi icha ba Kenani, chicho abamwene fayivi aba Filisiti bakalaghilagha mu Gaza, na mu Ashidodi namu Ashikeloni namu Gati namu Ekiloni sona na mu Avimu.

Yoshwa 15:4

Po yikendelela ku Azimoni mupaka ku kasoko kumpaka iyakumitu iya Ijiputi mupaka ku Nyanja iya Medeteleniya. Iyi yo yikaba mpaka iyakuntende ukwa Yuda.

Ubuvumbuli 9:14

Izyu lilalila likamubuzya uwantumi uwasikisi yula likati, “Basatule abantumi folo bala babo bapinyiwe pa lusoko ulukulu ulwa Yufuleti!”