Ubwandilo 15:16 - IBAYIBOLO 2024

¹⁶ Bo zyachilapo inkulilo folo, abaluko lwako bakwiza pakunyokela sona kuno, pachifukwa ichakuti ntakwiza pakubachimbizyamo nalumolumo aba Amoli mupaka ububibi bwabo bwabala nkani umwakuti bafundiwanje.”

Ubwandilo 15:16 Iomraidhean Croise

Ubwandilo 10:16

U Kenani akaba sona munyenya uwa ba Yebusi nuwa ba Amoli nuwa ba Giligashi

Ubwandilo 15:13

Po u Mwene akamubuzya akati, “Naloli uzimanye ukuti abaluko lwako bakwiza pakuba bayeni muchisu chicho chite chabo. Kulakula bakwiza pakuba bazya, sona bakwiza pakuyiviwa amaka 400.

Ubwandilo 48:21

Po u Yakobo akamubuzya u Yosefu akati, “Ukunyennya, indi papipi pakufwa, loli u Chala akwiza pakuba nawe, sona akwiza pakukunyosezya awe kuchisu icha banyenya bako.

Ubwandilo 50:24

Po u Yosefu akababuzya abawamwabo akati, “Indi papipi pakufwa; loli u Chala akwiza pa pakubasungilila nukubefyamo muchisu ichi ukubuka kuchisu chicho akamulayizya u Abulahamu nu Yisaki, sona nu Yakobo.”

1 Abamwene 21:26

Akabomba ichintu ichamwiko nkani pakwiputa ivifwani ukuyana namumo bakabombela aba Amoli, babo u Mwene akabachimbizyapo pamaso paba Izilayeli.

2 Abamwene 21:11

“U mwene u Manase wamu Yuda abomba inyiho imbibi ukubachila aba Amoli, babo bakabako kwisinda nukubapela aba Yuda ukuti bope banangaye pakuvyiputa ivifwani vyache.

Masalimo 105:43

Akabefya abantu bache nulusekelo abasaliwa bache bakwimba nukusekela nkani.

Ukufuma 12:40

Aba Izilayeli bakikala mu Ijiputi amaka 430.

Ukufuma 13:3

Po u Mozesi akababuzya abantu akati, “Mulikumbukilaye isiku linili, lilyo mukepelamo muchisu ichabuzya icha Ijiputi. Pisiku linili u Mwene akababefya na maka ghache amakulu. Mutakalyanje nachimochimo ichibama icha chilungo.

Ukufuma 13:4

Pisiku linili, mumwezi uwa Abibu, lyo lisiku lilyo mukepelamo muchisu icha Ijiputi.

Daniyeli 8:23

“Mumasiku aghabumalilo agha bulaghili ubwa bamwene banaba, bo ukusambuka kwabo kwaba kubibi nkani, akwiza pakubanangannya abantu sona po pakwiza pakuboneka u mwene umukali nkani umuzimbuli.

Aba Levi 18:24

Mutakinyazyanje mwebene ni vintu vinivi, pakuti umu momumo bakinyazizya bene abantu aba inko babo nkubachimbizya pantazi papinyu.

Ukukumbusya Amalamulo 9:4

Bo u Mwene u Chala winyu abachimbizya, mutakanenaye ukuti, u Mwene u Chala atupiye ukuti tuchifyule ichisu chinichi umwakuti twikalayemo pachifukwa ichakuti twe bagholosu. Awe, te momumo, loli pachifukwa ichakuti abantu balabala babibi nkani.

Ukukumbusya Amalamulo 9:5

U Mwene u Chala winyu abitikizya pakubachimbizyamo nukwikalamo muchisu chabo, te pachifukwa ichakuti mwe bagholosu, pamo mwe biza awe, loli pachifukwa ichakuti abantu balabala babibi nkani, sona pachifukwa ichakuti akulonda pakukwanilisya ilayizyo lilyo akamulayizya umunyenya winyu u Abulahamu nu Yisaki, sona nu Yakobo.

1 Aba Tesalonika 2:16

Bakayezya pakutuzigha ukuti tuleke pakulumbilila amazyu pakasi pabantu babo bate ba Yuda umwakuti bangapokiwa. Bunubu akabalilo kosi biyonjelezyanga bulo imbibi zyabo, umwakuti ubukali ubwa Chala bwabawila.