Ubwandilo 15:13 - IBAYIBOLO 2024

¹³ Po u Mwene akamubuzya akati, “Naloli uzimanye ukuti abaluko lwako bakwiza pakuba bayeni muchisu chicho chite chabo. Kulakula bakwiza pakuba bazya, sona bakwiza pakuyiviwa amaka 400.

Ubwandilo 15:13 Iomraidhean Croise

Ubwandilo 15:16

Bo zyachilapo inkulilo folo, abaluko lwako bakwiza pakunyokela sona kuno, pachifukwa ichakuti ntakwiza pakubachimbizyamo nalumolumo aba Amoli mupaka ububibi bwabo bwabala nkani umwakuti bafundiwanje.”

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

Ubwandilo 47:4

Twiza pakwikala muchisu chinichi, pachifukwa ichakuti muchisu icha Kenani muwiye izala inkulu nkani sona litalimo nisote ilya ing'ozi ni mbuzi zyitu. Po tukukulaba ukuti ubitikizye ababombi bako ukuti twikale muchisu ichi.”

Masalimo 105:42

Pakuti akalikumbuka ilayizyo lyache izelu, lilyo akamulayizya umubombi wache u Abulahamu.

Ukufuma 1:11

Po aba Ijiputi bakabika abakapitawa pakubabombezya imbombo inkafu nkani. Aba Izilayeli bakamuzengela u Falabo utwaya utukulu nkani utwa Pitomu nu Lamesesi, kuko aba Ijiputi bakasungaghako ivyakulya vyabo.

Ukufuma 1:13

sona bakababombezyanga nkani imbombo iya buzya.

Ukufuma 1:14

Ubumi ubwa ba Izilayeli bukaba bwakubaba pachifukwa icha mbombo inkafu iyakukoma injelwa ni mbombo izyakulekanalekana izya mumaghunda. Aba Ijiputi bakabafyengagha bulo pakubomba imbombo ukwa kabalilo akatali nkani.

Ukufuma 2:24

U Chala akivwa ukukoloma kwabo nukukumbuka ulufingo lwache, lulo akafingana nu Abulahamu nu Yisaki sona nu Yakobo.

Ukufuma 22:21

“Mutakamuyivyanje pamo ukumukanyilila umuyeni, pakuti namwe bulo mukabapo mwe bayeni muchisu icha Ijiputi.

Ukufuma 23:9

“Mutakamuyivyanje umuntu umuyeni, pakuti amwe mwebene muzimenye ukuti pakuba muntu umuyeni cho choni, pachifukwa ichakuti namwe bulo mukabapo mwe bayeni muchisu icha Ijiputi.

Ukufuma 3:10

Losi ulu nkukutuma kwa Falabo u mwene wamu Ijiputi, umwakuti ubefye abantu bane aba Izilayeli muchisu chila.”

Ukufuma 3:17

Nadumula ukuti nkwiza pakubefyamo mu Ijiputi muchisu icha mayimba nukubuka nabo kuchisu icha mboto, mumo aba Kenani naba Hiti naba Amoli naba Pelezi naba Hivi sona naba Yebusi bakwikalamo.’

Ukufuma 3:8

Po nika pakubapoka munyobe izya bantu aba mu Ijiputi nukubefyamo muchisu chilachila nukubinjizya muchisu ichikulu nkani icha mboto mumo mukwikala aba Kenani naba Hiti naba Amoli naba Pelezi naba Hivi sona naba Yebusi.

Aba Levi 19:34

Umuyeni yuyo akwikala pakasi papinyu, abanje ngati po mwenekaya. Mubaghanaye ukuyana namumo mwiyighaniye mwebenecho, pakuti namwe bulo mukaba mwe bayeni muchisu icha Ijiputi. Ane ne Mwene, u Chala winyu.

Ukubelengiwa 20:15

Abanyenya bitu bakabuka mu Ijiputi, sona tukikala mulamula amaka aminji nkani. Aba Ijiputi bakatuyivya nkani, aswe poka na banyenya bitu.

Imbombo 7:17

“Bo akabalilo kakwana akakuti u Chala abombe zizyo akamulayizya u Abulahamu, abantu bitu mu Ijiputi bakabala nkani.

Aba Galatiya 3:17

Chicho nkung'anamula chakuti u Chala akafingana nu Abulahamu nukumulayizya ukuti akwiza pakusungilila ilayizyo lyache. Indaghilo izya Mozesi, zizyo zikiza pisinda pamaka 430 zitanganangannya ulufingo ulwa Chala.

Ukukumbusya Amalamulo 10:19

Po mubaghanaye abayeni, pakuti namwe bulo mukaba mwe bayeni mu Ijiputi.

Ukukumbusya Amalamulo 5:15

Mukumbukaye ukuti namwe bulo mukaba mwe bazya mu Ijiputi. Mukumbukaye sona ukuti Ane ne Mwene u Chala winyu nkabefyamo mu Ijiputi na maka ghane amakulu, sona ni nyobe ingolosu. Ichi cho chifukwa u Mwene akabalamula ukuti mulikumbukaye Isiku Ilyakutuzya.