Ubwandilo 14:20 - IBAYIBOLO 2024

²⁰ U Chala Uwakumwanya Nkani, yuyo akakupa amaka aghakubapotela abalwani bako, apaliwanje.” Po u Abulamu akabika kwa Melekizediki ichigaba choka pavigaba 10 ivya katundu wesi yuyo akafyula.

Ubwandilo 14:20 Iomraidhean Croise

Ubwandilo 14:21

U mwene wamu Sodomu akamubuzya u Abulamu akati, “Sunga ukatundu wesi yuyo ukafyula, unyosezye bulo abantu bane.”

Ubwandilo 24:27

Akati, “Apaliwanje u Mwene, u Chala uwa mwene wane u Abulahamu, yuyo akusunga umwakusubiliwa zizyo akamulayizya u mwene wane. U Mwene andongolela ane kunyumba iya bakamu abamwene wane.”

Ubwandilo 28:22

Ibwe ili lilyo nalyimika pakuba chikumbusyo, likwiza pakuba Nyumba iya Chala, sona nkwiza pakukupa ichigaba choka pa vigaba 10 ivya vintu vyane vyosi vivyo ukwiza pakumpa.”

Ubwandilo 47:24

Loli pakabalilo akakwinulila mukwiza pakumupa u Falabo ichigaba choka pa vigaba vyosi fayivi, po ivigaba vyosi folo vikwiza pakuba vyinyu ngati mbeyu iya mumaghunda, sona ngati vyakulya amwe poka na babo mukwikala nabo, sona ngati chakulya icha bana binyu.”

Ubwandilo 47:26

U Yosefu akalupela pakuba lulaghilo muchisu icha Ijiputi, sona nilelo bulo luliko, ulwakuti u Falabo asendayeko ichigaba choka pa vigaba vyosi fayivi; chene ichisu cha baputi chitakaba icha Falabo.

Ubwandilo 9:26

Apaliwanje u Mwene, u Chala uwa Shemu! U Kenani akwiza pakuba muzya uwa Shemu.

2 Samuweli 18:28

Po u Ahimazi akakolomoka nukumubuzya u mwene ukuti, “Kwiza bulo!” Akafughama pamaso pa mwene, bo icheni chache chikotamiye pasi nukuti, “U Mwene u Chala wako apaliwanje, yuyo ababika munyobe zyako abantu babo bakakusambukila awe we mwene wane.”

2 Imbili 31:12

Po bakasubiliwa nkani nukwiza navyo vyakwiyipa vyabo, ni chigaba choka pavigaba teni ni vyabupi ivipaghuliwa. U Konaniya umu Levi akaba mulaghili uwakwenelezya ivintu vinivi sona uwamwabo u Shimeyi akaba wabubili wache.

Nehemiya 10:37

“Ukonjelezyapo, tukwiza pakusangula ivyakwiyipa ivyakwanda pakutona ivya malezi, ni vyakwiyipa ivya busu nivya seke zyitu nu vinyo umupya sona na mafuta ghitu agha misyunguti nukwiza navyo kunyumba izyakusungilamo ivintu mu Nyumba iya Chala witu sona na ku baputi. Aswe tukwiza pakubapa aba Levi ichigaba choka pavigaba teni, pakuti aba Levi bo babo bakusonkezyanga ichigaba choka pavigaba teni mutwaya twitu tosi utukulu.

Nehemiya 13:12

Po abantu bosi aba mu Yuda bakanda sona pakusangula ichigaba choka pavigaba teni ivya ngano nu vinyo umupya sona na mafuta agha misyunguti nukwiza navyo kuvipinda ivyakusungilamo ivintu.

Masalimo 144:1

U Mwene apaliwanje, pakuti we lyalabwe lyane, yuyo azimanyisya inyobe zyane pakulwa ubwite, sona utufingwi twane pakulwa.

Masalimo 44:3

Batakachifyula ichisu pakubombezya abapanga babo, pamo ukupota ubwite na maka ghabo. Loli bakapota na maka ghako amakulu nkani agha nyobe yako indilo, sona nukulama ukwa cheni chako pakuti ukabaghana nkani.

Masalimo 68:19

U Mwene u Chala Umupoki witu apaliwanje, yuyo akunyamula intamyo isiku ni siku.

Ukufuma 18:10

Akati, “U Mwene apaliwanje, yuyo akabapoka munyobe izya ba Ijiputi nizya Falabo, sona yuyo akabapoka abantu bache munyobe izya Ijiputi.

Amosi 4:4

“Buka ku Beteli nukubomba imbibi, sona buka ku Giligali, nukubomba imbibi inyinji. Zagha ni vyakwiyipa vyinyu pandabindabi posi, sona mubikaye ichigaba choka icha vigaba 10, pisiku ilyabutatu.

Malaki 3:10

Mwizaye munyumba yane iyakusungulamo ivyabupi vyinyu ivya chigaba choka pavigaba teni ukuti munyumba yane mubanje ivyakulya ivyinji.” U Mwene Uwamaka Ghosi akuti, “Munjele umwakuti mwennye nanti inte nighule imilyango iyakumwanya nukubawisizya ulusayo ulwinji nkani umwakuti mutakwiza pakuba navyo ivyinji nkani.”

Malaki 3:8

“Nkimba umuntu angamwibila u Chala? Loli pope bulo mukunyibila. “Mukulalusya mukuti, ‘Nkimba tukukwibila bulibuli?’ “Mukunyibila ichigaba choka pavigaba teni ni ivyakwiyipa.

Ukubelengiwa 28:26

Pisiku ilyakwanda ilya Lusekelo ulwa Nyinulo, bo mukubika kwa Mwene ivikomwa vyinyu ivyakwanda pakutona, mubanje nulukomano ulupaghuliwa ulwa chiputo, sona mutakabombaye imbombo izya isiku ni siku.

Luka 18:12

Ane nkutuzya pakulya amasiku mabili mwasabata weka, sona nkubika ichigaba choka pa vigaba 10 ivya vyosi vivyo nkupokela.’

Aba Loma 15:16

pakunsala ukuti imbanje ne mubombi uwa Kilisitu u Yesu pakasi pabantu babo bate ba Yuda. Ampiye imbombo iyakulumbilila Amazyu Amiza agha Chala ngati ne muputi, umwakuti abantu babo bate ba Yuda babanje chakwiyipa ichakumuhobosya u Chala, sona ni chakupaghuliliwa kukwache nu Muzimu Umuzelu.

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.

Ukukumbusya Amalamulo 12:17

Mutwaya tosi tuto mukwikalamo, mutakalyanje choka pavigaba 10 ivya ngano ni vya vinyo umupya sona ni vya mafuta agha misyunguti pamo ivya mwana wesi uwakwanda pakupapiwa uwa ng'ombe nuwa ng'ozi pamo ichintu chosi chicho mukamulayizya u Mwene pamo ivyakwiyipa vyinyu ivya bwighane pamo ivyabupi ivinji ivipaghuliwa.

Ukukumbusya Amalamulo 14:23

Po bukagha kubuzilo boka ubwakwiputilapo bubo u Mwene u Chala winyu abusalite sona kulakula mulyanje ichigaba choka pavigaba 10 icha ngano ni cha vinyo ni icha mafuta agha misyunguti ni cha ng'ombe sona ni icha ng'ozi umwakuti mungamanyila pakumunyila u Mwene u Chala winyu akabalilo kosi.

Ukukumbusya Amalamulo 14:28

Kubumalilo bosi ubwa mwaka wabutatu mwizaye ni chigaba choka pavigaba 10 icha nyinulo yinyu yosi iya mwaka ghulaghula nukuchisunga mutwaya twinyu,

Yoshwa 10:42

U Yoshwa akabapota abamwene banaba poka ni vyisu vyabo pakabalilo koka, pachifukwa ichakuti u Mwene u Chala uwa ba Izilayeli akabalwilagha ubwite aba Izilayeli.