Ubwandilo 14:14 - IBAYIBOLO 2024

¹⁴ Bo u Abulamu ivwa ukuti bamulema u Loti, akabitizya abantu bache pakulwa ubwite. Abantu bosi poka bakabapo 318, po bakabachimbizya abamwene folo bala mupaka mukaya aka Dani.

Ubwandilo 14:14 Iomraidhean Croise

Ubwandilo 12:16

U Falabo akamusungilila akiza nkani u Abulamu pachifukwa icha Salayi. Akamupa ing'ozi, ni mbuzi, ni ng'ombe, ni mpunda, na bazya, sona ni ngamila.

Ubwandilo 12:5

U Abulamu akamusenda umuchi wache u Salayi nu Loti umwana uwa muzuna wache. Akasenda ni chuma chache chosi, na bambombo babo akikalagha nabo muchisu icha Halani. Bakanyamuka ubulendo ubwakubuka ku Kenani. Bo bafika mu Kenani,

Ubwandilo 13:8

Po u Abulamu akamubuzya u Loti akati, “Awe nane twe banamuntu, polelo patakabe ivyongo pakasi papako nane, sona na pakasi pa badimi bako na badimi bane.

Ubwandilo 14:12

Bakamulema sona nu mwipwa uwa Abulamu u Loti, yuyo akikalagha mukaya aka Sodomu nu katundu wache wesi.

Ubwandilo 14:16

Akabanyosezya ukatundu wesi yuyo abamwene bala bakafyula. Akiza sona nu Loti poka nu katundu wache wesi, na bakolo, sona na bantu abanji.

Ubwandilo 15:3

Utampiye nu mwana nayumoyumo, po weka pakasi pa bazya bane weyuyo akwiza pakuba wampyana yane.”

Ubwandilo 17:12

Umwana wesi umwanavuli asilimuliwanje, bo ghachilapo amasiku eyiti. Umwanavuli wesi munkulilo yinyu, manyi mwana yuyo apapiwa mo munyumba yako, pamo umuzya yuyo aghuliwa pakasi pa bayeni.

Ubwandilo 17:23

Pisiku lilalila u Abulahamu akakumbuka zizyo u Chala akamubuzya, po akamusilimula umwana wache u Ishimayeli, poka na banavuli bosi, sona na bazya bosi babo bakapapiliwa munyumba yache, sona na bosi babo bakaghuliwa.

Ubwandilo 17:27

poka na banavuli bosi babo bakapapiliwa munyumba yache, sona na bosi babo akabaghula. Bosi banaba bakasilimuliwa poka nawe.

Ubwandilo 18:19

Namusala umwakuti angabalamula abana bache na baluko ukuti banyivwilaye nukubomba chicho chanaloli ni chigholosu. Nanti bakubomba bunubu, nane nkwiza pakumubombela zyosi zizyo nkamulayizya.”

Ubwandilo 23:6

“Wee mwene, ivwa kuno awe we mwene uwamaka nkani pakasi papitu. Kamusyile mwipumpa ilyiza nkani mumapumpa ghitu ghagho wasala wemwenecho. Nayumo umuntu pakasi papitu yuyo angakwima ipumpa ilyakuti umusyile umuchi wako.”

1 Abamwene 15:20

U Beni Hadadi akivwana nu mwene u Asa nukubatuma abasongo aba basilikali pakulwa ubwite nutwaya utukulu utwa mu Izilayeli. Po akakapota akaya aka Iyoni naka Dani naka Abeli Beti Maaka, poka ni chigaba chosi icha Nyanja iya Galileya, poka ni chisu icha Nafutali.

Masalimo 68:12

Bakati, “Mwebaya, abamwene na basilikali bakuchimbila, sona muvisakasa abantu bakugabana ivintu vivyo bakafyula.

Ivyili 17:17

Umumanyani wako weyuyo akughanite akabalilo kosi, sona uwamwinyu akapapiwa ukuti akwavwanje muntamyo.

Umulumbilili 2:7

Nkaghula abazya abanavuli na bakolo, sona nkaba na bazya abanji, babo bakapapiliwa munyumba yane. Nkaba sona ni midimo imyinji iya ng'ombe ni ng'ozi ukubachila abantu bosi babo bakabapo kale mu Yelusalemu.

Yelemiya 41:12

bakabasenda abantu babo bosi nukubuka nabo pakulwa nu Ishimayeli umwana uwa Netaniya. Bakamulema kuchiziba ichikulu nkani icha mu Gibeyoni.

Ukukumbusya Amalamulo 34:1

Po u Mozesi akakwela pighamba ilya Nebo ukufuma mwikombe ilya Mowabu. Akakwela pamwanya nkani pighamba ilya Pisiga kubufumilo bwizuba ubwa Yeliko. Kulakula u Mwene akamulanjizya ichisu chosi, ukwandila ku Giliyadi mupaka ku Dani

1 Yohani 2:18

Bana bane ubumalilo buli papipi! Amwe mukivwa ukuti umulwani uwa Kilisitu akwiza. Losi ulu abalwani abinji aba Kilisitu baboneka kale, po zinizi zikutusimikizya ukuti ubumalilo buli papipi.

Abalongi 18:29

Akaya akakulu nkani kala bakakita itabwa ilya Dani, itabwa ilya munyenya wabo u Dani umwana umulumendo uwa Yakobo. Loli akaya akakulu nkani kala pakwanda bakatinji Layishi.

Abalongi 20:1

Aba Izilayeli bosi aba mu Dani mupaka ku Belisheba, sona naba mu Giliyadi bakabungana poka pamaso pa Mwene mu Mizipa.

1 Samuweli 30:19

Chitakabapo nachimochimo ichintu chicho chikasobelapo. Abana abanandi pamo abasongo, abalumendo pamo abalindu, pamo ivintu vyosi vivyo u Devedi bakavifyula bakiza navyo.