Ubwandilo 14:13 - IBAYIBOLO 2024

¹³ Loli umuntu yumo yuyo akapona, akiza kwa Abulamu umu Hebeli nukumupangila vyosi. U Abulamu, yuyo akikalagha papipi na makwi agha mupandapanda agha Mamule, yuyo akaba wamu Amoli, umukamu uwa Eshikolo nu Aneli. Bosi banaba bakapanga akabukatila koka nu Abulamu.

Ubwandilo 14:13 Iomraidhean Croise

Ubwandilo 10:16

U Kenani akaba sona munyenya uwa ba Yebusi nuwa ba Amoli nuwa ba Giligashi

Ubwandilo 13:18

Po u Abulamu akasamya ivisakasa vyache nukuzenga papipi na makwi agha mupandapanda pabuzilo ubwa Mamule mukaya aka Hebuloni. Kulakula akamuzengela ichighemo u Mwene.

Ubwandilo 14:24

Ntakwiza pakusenda nachimochimo chicho chako. Ane nkwiza pakupokela vyene vivyo abantu bane bakalya nukugabana na bantu babo nkaba nabo. Loli u Aneli nu Eshikolo nu Mamule bo babo bangasendako ichigaba chabo.”

Ubwandilo 18:1

U Mwene akamubonekela u Abulahamu mumakwi agha mupandapanda agha Mamule, bo u Abulahamu ikaye pamulyango uwa chisakasa chache pamusanya bo kupiye nkani.

Ubwandilo 21:24

U Abulahamu akati, “Nkulapa.”

Ubwandilo 21:27

Po u Abulahamu akamupa u Abimeleki ing'ozi ni ng'ombe, sona abantu babili aba bakafingana ulufingo.

Ubwandilo 21:32

Bo bamala pakufingana ulufingo lula pa Belisheba, u Abimeleki nu Fikolo bakabwela kuchisu icha ba Filisiti.

Ubwandilo 39:14

akabitizya abambombo abanji munyumba yila nukubabuzya ukuti, “Ennya zizyo umu Hebeli, yuyo umulume wane akiza nawe munyumba muno pakutusamula! Injiye kuchipinda chane ukuti ingone nawe, loli nakolomokite.

Ubwandilo 40:15

Pakuti naloli nkibiwa muchisu icha ba Hebeli, sona na kuno bulo intanangitepo nachimo ichakuti banyighalile nacho mujele.”

Ubwandilo 41:12

Munyumba mulamula mukaba umulumendo uwa Chihebeli yuyo akaba wambombo uwa songo uwa balindilili, sona bo twamubuzya ivilota vyitu akatung'anamulila, pakutubuzya iching'anamulo icha chilota icha uyu pamwene na pamwene.

Ubwandilo 43:32

Bakamupa ichakulya pamwene, na bope pabene, sona bope aba Ijiputi babo bakalyanga nawe pabene, pachifukwa ichakuti aba Ijiputi batakaba bakuti bangalya naba Hebeli, pakuti chikaba chintu chamwiko.

Yobu 1:15

po aba Seba bakiza pakulwa ubwite nukufyula ing'ombe ni mpunda. Babaghoghite abambombo bako, umwakuti nene bulo ne napona ukuti nize pakukubuzya!”

Ukufuma 2:11

Isiku limo bo u Mozesi akula, akabuka pakubendela abantu abaluko lwache, aba Hebeli nukubennya namumo bakayimbilagha ni mbombo inkafu. Akamwennya umu Ijiputi yumo akumukoma umu Hebeli, umuntu uwaluko lwache.

Ukufuma 2:6

Akachighula nukwennyamo umwana. Umwana yula akalilagha, umwakuti akamupelela ichitima. Akati, “Uyu abaghiye pakuba mwana uwa ba Hebeli.”

Ukufuma 3:18

“Abalongozi aba ba Izilayeli bakwiza pakukuteghelezya. Po awe na balongozi mubuke kwa mwene uwamu Ijiputi mumubuzye ukuti, ‘U Mwene u Chala uwa ba Hebeli ivumbula mwene kukwitu. Losi ulu tukukulaba ukuti utwitikizye twende ubulendo ubwa masiku matatu munkolongo pakubika ivyakwiyipa kwa Mwene u Chala witu.’

Yelemiya 34:9

Umuntu wesi abaghiye pakubasatula abazya aba Chihebeli abakolo na banavuli umwakuti atakabepo nayumoyumo uwakuba pasi pabulaghili ubwa mu Hebeli uwamwabo.

Yona 1:9

U Yona akamula akati, “Ane ne mu Hebeli sona nkumwiputa u Mwene u Chala uwakumwanya, yuyo akapela inyanja ni chisu ichapasi.”

Ukubelengiwa 13:23

Bo bafika mwikombe ilya Eshikolo, bakapyolako ulusamba lulo lukaba nulukose ulwakung'wama na mampesya, umwakuti abantu babili bakatembana. Bakasenda sona amanyele na makuyu.

Ukubelengiwa 21:21

Po aba Izilayeli bakatuma intumi kwa mwene u Sihoni, uwa ba Amoli na mazyu aghakuti,

2 Aba Kolinti 11:22

Nkimba abene Bahebeli? Po nane ne mu Hebeli. Nkimba abene ba Izilayeli? Po nane ne mu Izilayeli. Nkimba abene baluko ulwa Abulahamu? Po nane ne waluko ulwa Abulahamu.

Aba Filipi 2:5

Mubanje nu moyo ghugho u Kilisitu u Yesu akaba nagho.

1 Samuweli 29:3

Abasongo aba basilikali aba ba Filisiti bakalalusya bakati, “Nkimba aba Hebeli aba bakulonda ichoni pano?” U Akishi akabamula akati, “Yunuyu we Devedi, ikambala ilya Sabuli, u mwene uwa Izilayeli. Ikalagha nane akabalilo akatali nkani, sona ntamwaghite ni chifukwa nachimochimo ukwandila pisiku lilyo akafikilagha kuno.”

1 Samuweli 4:12

Pisiku lilalila umu Benjamini yumo akachimbila kubwite nukufika ku Shilo, bo azepuye amenda ghache, sona akikupulila ulufumbi pamutu pachifukwa icha chitima.