Ubwandilo 14:12 - IBAYIBOLO 2024

¹² Bakamulema sona nu mwipwa uwa Abulamu u Loti, yuyo akikalagha mukaya aka Sodomu nu katundu wache wesi.

Ubwandilo 14:12 Iomraidhean Croise

Ubwandilo 11:27

Abaluko ulwa Tela bo aba: U Tela akapapa u Abulamu nu Naholi nu Halani. U Halani akapapa u Loti.

Ubwandilo 11:31

U Tela akamusenda umwana wache u Abulamu nu Loti umwizukulu wache, yuyo akaba mwana uwa Halani. Akamusenda sona u Salayi umulasagha wache yuyo akaba muchi uwa Abulamu nukufumamo mukaya akakulu nkani aka Uli, muchisu icha Babiloni. Bakabuka ku Kenani muchisu icha Halani nukwikala kulakula.

Ubwandilo 12:5

U Abulamu akamusenda umuchi wache u Salayi nu Loti umwana uwa muzuna wache. Akasenda ni chuma chache chosi, na bambombo babo akikalagha nabo muchisu icha Halani. Bakanyamuka ubulendo ubwakubuka ku Kenani. Bo bafika mu Kenani,

Ubwandilo 14:11

Abamwene folo bala bakafyula ukatundu wesi uwamu Sodomu nu Gomola poka ni vyakulya vyabo nukubuka.

Ubwandilo 14:14

Bo u Abulamu ivwa ukuti bamulema u Loti, akabitizya abantu bache pakulwa ubwite. Abantu bosi poka bakabapo 318, po bakabachimbizya abamwene folo bala mupaka mukaya aka Dani.

Ubwandilo 14:16

Akabanyosezya ukatundu wesi yuyo abamwene bala bakafyula. Akiza sona nu Loti poka nu katundu wache wesi, na bakolo, sona na bantu abanji.

Yobu 9:23

Nanti umuntu umusita nongwa afwa umwakuchenusya bulo u Chala akumobezya umuntu yulayula.

Ukubelengiwa 16:26

U Mozesi akachibuzya ichilundilo chila akati, “Muvitantame ivisakasa ivya bantu ababibi banaba, sona mutakachipalamasyanje nachimo ichintu ichinyazu icha bantu banaba lumo mungazimila poka nabo pachifukwa icha mbibi zyabo.”

Ubuvumbuli 18:4

Pisinda pache nkivwa izyu ilinji kumwanya likuti, “Mwee bantu bane, epamo mukaya kache, umwakuti mutakagabane nawe imbibi zyache ukuti mutasendepo ichigaba muviwaya vivyo vikwiza pakumuwila.

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.