Ubwandilo 14:10 - IBAYIBOLO 2024

¹⁰ Ikombe ilya Sidimu likizula ni viliba ivya mpula. Polelo u mwene wamu Sodomu nuwa mu Gomola bakapotwa nukuchimbila, po bakawila muviliba vila, loli abamwene abanji batatu bala bakachimbilila kumaghamba.

Ubwandilo 14:10 Iomraidhean Croise

Ubwandilo 11:3

Bakanenezannya benebene bakati, “Zagha tukome injelwa nukuzyocha akiza.” Bakabombezya injelwa mubuzilo ubwa mabwe, ni mpula mubuzilo ubwa litope.

Ubwandilo 14:11

Abamwene folo bala bakafyula ukatundu wesi uwamu Sodomu nu Gomola poka ni vyakulya vyabo nukubuka.

Ubwandilo 14:17

Bo u Abulamu abwelako kubwite kuko akamupota u mwene u Kedololabomeli na bamwene abanji babo akapanga nabo ubumanyani, u mwene uwamu Sodomu akiza pakukomana nawe mwikombe ilya Shave (kokuti Ikombe ilya mwene).

Ubwandilo 14:21

U mwene wamu Sodomu akamubuzya u Abulamu akati, “Sunga ukatundu wesi yuyo ukafyula, unyosezye bulo abantu bane.”

Ubwandilo 14:3

Abamwene fayivi banaba bakapanga akabukatila koka poka na basilikali abanji bosi mwikombe ilya Sidimu ku Nyanja Imfwe.

Ubwandilo 14:9

na bamwene folo aba: U mwene wamu Elamu nuwa mu Goyimu nuwa mu Babiloni nuwa mu Elasali.

Ubwandilo 19:17

Bo babefyamo bulo mukaya mula, weka uwa bantumi bala akati, “Chimbila ukuti mwipoke! Mutakennyanje kwisinda, sona mutakimaye na napamopamo mwikombe. Chimbilila kumaghamba ukuti mutakaghoghiwe!”

Ubwandilo 19:30

Pachifukwa ichakuti u Loti akanyila pakwikala mukaya aka Zowala, yuyo na bana bache abalindu babili bala bakakwela amaghamba nukwikala mumpako.

Masalimo 83:10

babo ukabanangannya pa Endoli, amabili ghabo ghabolela mwitope.

Yesaya 24:18

Wesi yuyo akuchimbila ivyakoghofya, akwiza pakuwila muchibwina, wesi yuyo akufumamo muchibwina, akwiza pakulemiwa muchitegho. Imilyango iya kumwanya yighukite, ulwalo ulwa pachisu ichapasi lukuneng'ena.

Yelemiya 48:44

“Umuntu wesi yuyo akuchimbila ichakoghofya, akwiza pakuwila muchiliba, wesi yuyo akwepamo muchiliba, akwiza pakulemiwa muchipingo, pakuti zinizi nkwiza pakumuwisizya u Mowabu, pakabalilo aka lufundo lwache. Ane ne Mwene nanena.

Yoshwa 8:24

Bo aba Izilayeli bamala pakubaghogha abalwani babo mwikombe na munkolongo kuko bakabachimbizizyako, bosi bakanyokela ku Ayi nukubaghogha abantu bosi babo bakasyalikila mulamula.