Ubwandilo 13:2 - IBAYIBOLO 2024

² U Abulamu akaba muntu umukabi nkani. Akaba ni ng'ozi, ni mbuzi ni ng'ombe nu siliva, sona nu golide.

Ubwandilo 13:2 Iomraidhean Croise

Ubwandilo 12:16

U Falabo akamusungilila akiza nkani u Abulamu pachifukwa icha Salayi. Akamupa ing'ozi, ni mbuzi, ni ng'ombe, ni mpunda, na bazya, sona ni ngamila.

Ubwandilo 13:6

Loli ubuzilo ubwakudimapo ivitekwa vyabo bukaba bunandi ukuti abantu babili banaba bikalaye poka.

Ubwandilo 24:1

Pakabalilo kalakala u Abulahamu akaghosipa nkani, sona u Mwene akamusaya muvyosi vivyo akabombagha.

Ubwandilo 24:35

U Mwene amusaya nkani u mwene wane, sona muntu umukabi nkani. Amupa ing'ozi ni ng'ombe nu siliva nu golide, na bambombo abanavuli na bakolo, ni ngamila, sona ni mpunda.

Ubwandilo 26:14

Pachifukwa ichakuti akaba ni midimo imyinji nkani, sona na bambombo abinji, aba Filisiti bakanda pakumubikila akabini.

Ubwandilo 30:43

Pakubomba bunubu u Yakobo akaba muntu mukabi nkani. Akaba ni vitekwa ivyinji nkani, na bazya abanavuli na bakolo abinji nkani, ni ngamila, sona ni mpunda.

Yobu 1:10

Nkimba te pachifukwa ichakuti ukumuzighilila yuyo poka na bamunyumba yache sona ni vintu vyache vyosi vivyo ali navyo? Awe umusayite nkani pazyosi zizyo akubomba, umwakuti ing'ozi ni ng'ombe zyache zinyamite pachisu chosi ichapasi.

Yobu 1:3

Akaba sona ni ng'ozi 7,000 ni ngamila 3,000 ni nkambaku izya kulima 1,000 ni mpunda 500 sona akaba na bambombo abinji nkani. Akaba mukabi nkani ukubachila abantu bosi aba muvyisu ivya kubufumilo bwizuba.

Ivyili 10:22

Ulusayo ulwa Mwene lo lulo lukupa ubukabi, sona atakonjelezyapo ichitima.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Ukukumbusya Amalamulo 8:18

Loli mukumbukaye ukuti we Mwene u Chala winyu yuyo akubapa amaka aghakuti mubanje nu bukabi. Akabomba bunubu pachifukwa ichakuti atakalondagha pakulunangannya ulufingo lwache, lulo akalapa kubanyenya binyu ukuyana namumo vibeleye nilelo.

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.

1 Samuweli 2:7

U Mwene akubapela bamo pakuba bapina, sona abanji pakuba bakabi. Akubisya bamo, sona abanji akubakwezya.