Ubwandilo 13:16 - IBAYIBOLO 2024

¹⁶ Nkwiza pakukupa abaluko abinji nkani umwakuti atalipo nayumoyumo yuyo angababelenga. Nanti umuntu angabelenga ulufumbi ulwa muchisu ichapasi, kokuti angababelenga abaluko lwako.

Ubwandilo 13:16 Iomraidhean Croise

Ubwandilo 15:5

U Mwene akamusendela kuzi nukumubuzya ukuti, “Inusya amaso ghako kumwanya, yezya pakubelenga intondwa, nanti naloli ungazibelenga. Abaluko lwako bakwiza pakuba binji nkani ngati zyo ntondwa.”

Ubwandilo 16:10

Nkwiza pakukupa abaluko abinji nkani abasita ukubelengiwa.”

Ubwandilo 17:16

Nkwiza pakumusaya, sona akwiza pakukupapila umwana umulumendo. Nkwiza pakumusaya umwakuti akwiza pakuba we mayi uwa baluko abinji. Pakasi pa baluko lwache bakwiza pakufumamo abamwene.”

Ubwandilo 17:2

Nkwiza pakufinga nawe ulufingo nukukupa abaluko abinji.”

Ubwandilo 17:20

Pakunena nizya Ishimayeli, nkwiza pakumusaya nukumupa abana abinji, sona na baluko abinji. Akwiza pakuba we tata uwa bamwene 12, sona abaluko lwache bakwiza pakuba luko ulukulu nkani.

Ubwandilo 17:6

Nkwiza pakukupa abaluko abinji nkani, sona abanji bakwiza pakuba bamwene. Ukwiza pakuba na baluko abinji nkani umwakuti bakwiza pakuba inko inyinji nkani.

Ubwandilo 18:18

Abaluko lwache bakwiza pakuba luko ulukulu nkani, sona ulwamaka. Inko zyosi pachisu ichapasi nkwiza pakuzisaya ukwendela mumwache.

Ubwandilo 21:13

Nkwiza pakumupa sona abana abinji nkani umwana uwa muchi wako umuzya yula, umwakuti bakwiza pakuba luko. Pakuti wepe u Ishimayeli mwana wako.”

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

Ubwandilo 26:4

Nkwiza pakukupa abaluko abinji nkani ngati zyo ntondwa, sona nkwiza pakubapa ichisu chosi chinichi. Abantu aba inko zyosi bakwiza pakundaba ukuti imbasaye ukuyana namumo nkabasayila abaluko lwako.

Ubwandilo 28:14

Abaluko lwako bakwiza pakuba binji nkani ngati lufumbi ulwa pachisu ichapasi. Impaka zyabo zikwiza pakufika kunkuto zyosi. Ukwendela mumwako na baluko lwako nkwiza pakubasaya abantu aba inko zyosi.

Ubwandilo 28:3

U Chala Uwamaka Ghosi ayisaye isendwa yako, nukukupa abana abinji nkani, umwakuti ubanje we munyenya uwa inko inyinji nkani.

Ubwandilo 32:12

Kumbuka, ukandayizya ukati, ‘Nkwiza pakukupela ukuti ivintu vikwendelaye akiza nukukupa abaluko abinji nkani ngati musesenga uwa mulubazu ulwa nyanja.’ ”

Ubwandilo 32:13

Bo aghona kulakula ubusiku bula, u Yakobo akamusabulila umukulu wache u Esabu ivintu ivi pakuba chabupi:

Ubwandilo 35:11

U Chala akamubuzya akati, “Ane ne Chala Uwamaka Ghosi. Papa abana abinji, sona inko izya bantu inyinji nkani bakwiza pakufuma mumwako, sona ukwiza pakuba we munyenya uwa bamwene.

Ubwandilo 46:3

Po akati, “Ane ne Chala, u Chala uwa ghuso, utakanyilaye pakubuka ku Ijiputi, pakuti kulakula nkwiza pakukupela pakuba we luko ulukulu nkani.

1 Abamwene 3:8

Po ane ne mubombi wako nkwikala pakasi pabantu babo ukabasala, lulo luko ulukulu nkani, sona na basita kubelengiwa.

1 Abamwene 4:20

Abantu aba muchisu icha Yuda nicha Izilayeli bakaba binji nkani ngati musesenga uwa mulubazu ulwa nyanja. Bakaba bantu abakuhoboka nkani pachifukwa ichakuti bakaba ni vyakulya, sona ni vyakung'wela ivyinji nkani.

2 Abamwene 13:23

Loli u Mwene akabapelela ichisa aba Izilayeli, sona akabapasikizyanga nkani pachifukwa icha lufingo lulo akafingana nu Abulahamu nu Yisaki, sona nu Yakobo. Ichi cho chifukwa mupaka nilelo bulo atakulonda ukuti abanangannye pamo ukubefya pamaso papache.

1 Imbili 21:5

U Yowabu akamupa u Devedi ubwinji bosi ubwa bantu babo bangalwa ubwite. Muchisu chosi icha Izilayeli mukabamo abantu 1,100,000, sona na mope mu Yuda bakabamo 470,000.

1 Imbili 27:23

U Devedi atakababelenga abantu abamaka 20 pamo babo ghatakwanite amaka 20, pachifukwa ichakuti u Mwene akalayizya pakubabalizya nkani aba Izilayeli ngati zyo ntondwa.

2 Imbili 1:9

Wee Mwene u Chala wane, polelo kwanilisya zizyo ukamulayizya utata wane u Devedi, pakuti wanyimika pakuba ne mwene uwa bantu babo binji nkani ngati lufumbi ulwa pachisu ichapasi.

Yobu 5:25

Ukwiza pakumanya ukuti abana bako binji, sona bope abaluko lwako binji ngati lisote ilya pachisu ichapasi.

Ukufuma 1:7

Loli abaluko lwabo, aba Izilayeli bakapapana nkani sona bakaba binji, na bamaka, umwakuti bakizulana posi na posi muchisu icha Ijiputi.

Ukufuma 32:13

Kumbuka ukuti ukalapa ku mubombi wako u Abulahamu nu Yisaki nu Izilayeli ukuti, ‘Nkwiza pakubalizya abaluko lwinyu ngati zyo ntondwa, sona nkwiza pakubapa abaluko lwabo ichisu chosi chinichi ukuti chibanje chabo ni chabo bwila na bwila.’ ”

Yelemiya 33:22

Nkwiza pakubapela abaluko ulwa Devedi umubombi wane naba Levi abaputi babo bakumbombela akabalilo kosi pakuba ngati zyo intondwa sona ngati musesenga uwa mulubazu ulwa nyanja ghugho ghutangabelengiwa.”

Ukubelengiwa 23:10

Nkimba wewenu angababelenga abaluko ulwa Yakobo, babo ubwinji bwabo buyanite nu lufumbi? Leka imfwe ukuyana namumo abantu abagholosu bakufwila, buleke ubumalilo bwane buyane nu bwabo!”

Ukukumbusya Amalamulo 1:10

U Mwene u Chala winyu abanyamizya nkani, umwakuti ilelo mwaba mwe binji ngati zyo ntondwa.

Aba Hebeli 11:12

Po mwa Abulahamu, umuntu weka uyu yuyo akaba ngati afuye, mukapapiwa abaluko abinji nkani ngati zyo ntondwa izya kumwanya, sona na basita ukubelengiwa ngati gho musesenga uwa mulubazu ulwa nyanja.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.

Abalongi 6:3

Akabalilo kosi nanti aba Izilayeli babyala imbeyu, aba Midiyani naba Amaleki poka na bantu abakubufumilo bwizuba bakizagha nukulwa nabo ubwite.

Abalongi 6:5

Aba Midiyani bakizagha ni vitekwa vyabo ni visakasa ngati we kanta, umwakuti abantu bala bakaba basita ukubelengiwa, poka ni ngamila zyabo. Bakiza nukuchinangannya ichisu chila.