Ubwandilo 13:14 - IBAYIBOLO 2024

¹⁴ Bo u Loti abuka, u Mwene akamubuzya u Abulamu akati, “Talankannya akiza nkani, kumitu na kuntende, sona kubufumilo na kubwinjililo bwizuba.

Ubwandilo 13:14 Iomraidhean Croise

Ubwandilo 13:10

U Loti akatalankannya nukwennya ukuti ikombe lyosi ilya Yolodani mupaka ku Zowala likaba na mizi aminji nkani. Ikombe lila likayana nu mughunda uwa Mwene pamo ichisu icha muvundo icha Ijiputi. Zinizi zikabombiwa pakabalilo kako bo nu Mwene achili atazimizizye akaya aka Sodomu naka Gomola.

Ubwandilo 28:14

Abaluko lwako bakwiza pakuba binji nkani ngati lufumbi ulwa pachisu ichapasi. Impaka zyabo zikwiza pakufika kunkuto zyosi. Ukwendela mumwako na baluko lwako nkwiza pakubasaya abantu aba inko zyosi.

Yesaya 49:18

Talankannya nukwennya kosi na kosi, abana binyu abalumendo bosi, bakubungana nukwiza kukwinyu. Naloliloli ane ne Mwene umumi nkulapa nkuti, “Mukwiza pakuvwala vyosi ngati ivyakwibonesekezya akiza, mukwiza pakuvwala ngati mwenesendwa.

Yesaya 60:4

Inusya amaso ghako nukwiyenelezya wemwene; Bosi bakubungana poka nukwiza kukwako, abana bako abalumendo bakwiza pakufuma kubutali, nabana bako abalindu bakwiza pakunyamuliwa munyobe.

Ukukumbusya Amalamulo 3:27

Kwela pighamba ilya Pisiga, ughalabukile kumitu na kuntende, sona ughalabukile kubufumilo bwizuba, na kubwinjililo bwizuba. Uchitalankannye akiza ichisu chinichi pakuti awe utakwiza pakulobokapo nalumolumo ulusoko ulwa Yolodani.

Ukukumbusya Amalamulo 34:1

Po u Mozesi akakwela pighamba ilya Nebo ukufuma mwikombe ilya Mowabu. Akakwela pamwanya nkani pighamba ilya Pisiga kubufumilo bwizuba ubwa Yeliko. Kulakula u Mwene akamulanjizya ichisu chosi, ukwandila ku Giliyadi mupaka ku Dani