Ubwandilo 13:11 - IBAYIBOLO 2024

¹¹ Po u Loti akasala ikombe lyosi ilya Yolodani. Akanyamuka nukubuka ichakubufumilo bwizuba. Umu momumo abantu babili banaba bakapaghunkanilana.

Ubwandilo 13:11 Iomraidhean Croise

Ubwandilo 13:10

U Loti akatalankannya nukwennya ukuti ikombe lyosi ilya Yolodani mupaka ku Zowala likaba na mizi aminji nkani. Ikombe lila likayana nu mughunda uwa Mwene pamo ichisu icha muvundo icha Ijiputi. Zinizi zikabombiwa pakabalilo kako bo nu Mwene achili atazimizizye akaya aka Sodomu naka Gomola.

Ubwandilo 13:12

U Abulamu akikala muchisu icha Kenani, loli u Loti akikala pakasi pa twaya utukulu nkani utwa mwikombe, po akazenga ivisakasa vyache papipi nu Sodomu.

Ubwandilo 13:14

Bo u Loti abuka, u Mwene akamubuzya u Abulamu akati, “Talankannya akiza nkani, kumitu na kuntende, sona kubufumilo na kubwinjililo bwizuba.

Ubwandilo 13:9

Zagha tupaghunkane, usale ichigaba chosi icha chisu chicho ukuchilonda. Nanti ukubuka kumitu, ane nkwiza pakubuka kuntende. Nanti ukwinjilila kuntende, ane nkwiza pakwinjilila kumitu.”

Ubwandilo 19:17

Bo babefyamo bulo mukaya mula, weka uwa bantumi bala akati, “Chimbila ukuti mwipoke! Mutakennyanje kwisinda, sona mutakimaye na napamopamo mwikombe. Chimbilila kumaghamba ukuti mutakaghoghiwe!”

Masalimo 119:63

Ne mumanyani uwa bosi babo bakukunyila, kokuti bosi babo bakughakonka amalamulo ghako.

Masalimo 16:3

Pakuti abantu abazelu babo bali pachisu ichapasi, bo bantu bachindikiwa babo nkuhoboka nabo.

Ivyili 27:10

Utakamusulaye umumanyani wako pamo umumanyani uwa ghuso, sona utakabukaye kunyumba iya wamwinyu nanti intamyo zyakuwila. Chizapo ukubuka ku mupalamani wako, nukuchila nu wamwinyu yuyo ali kubutali.

Ezekiyeli 47:18

“Kulubazu ulwakubufumilo bwizuba impaka yikwiza pakwenda pakasi pa Haulani nu Damasika, mulubazu mulusoko ulwa Yolodani pakasi pa Giliyadi ni chisu icha Izilayeli, kubufumilo bwizuba ubwa Nyanja Imfwe mupaka ku Tamala. Yiniyi yikwiza pakuba mpaka iyakubufumilo bwizuba.

Aba Hebeli 10:25

Tutakanyokayenyokaye kunkomano zyitu ukuyana namumo abantu bamo bakizubilila, loli aswe tukazannyanje, nkaninkani bo tukwennya ukuti Isiku ilyakwiza kwa Mwene lili papipi.

1 Pitala 2:17

Mumuchindikaye umuntu wesi, sona mubaghanaye abitiki abamwinyu. Mumunyilaye u Chala, sona mumuchindikaye umulaghili uwa chisu.