Ubwandilo 13:10 - IBAYIBOLO 2024

¹⁰ U Loti akatalankannya nukwennya ukuti ikombe lyosi ilya Yolodani mupaka ku Zowala likaba na mizi aminji nkani. Ikombe lila likayana nu mughunda uwa Mwene pamo ichisu icha muvundo icha Ijiputi. Zinizi zikabombiwa pakabalilo kako bo nu Mwene achili atazimizizye akaya aka Sodomu naka Gomola.

Ubwandilo 13:10 Iomraidhean Croise

Ubwandilo 11:27

Abaluko ulwa Tela bo aba: U Tela akapapa u Abulamu nu Naholi nu Halani. U Halani akapapa u Loti.

Ubwandilo 13:11

Po u Loti akasala ikombe lyosi ilya Yolodani. Akanyamuka nukubuka ichakubufumilo bwizuba. Umu momumo abantu babili banaba bakapaghunkanilana.

Ubwandilo 13:9

Zagha tupaghunkane, usale ichigaba chosi icha chisu chicho ukuchilonda. Nanti ukubuka kumitu, ane nkwiza pakubuka kuntende. Nanti ukwinjilila kuntende, ane nkwiza pakwinjilila kumitu.”

Ubwandilo 14:2

bakabuka pakulwa ubwite na bamwene abanji fayivi aba: U Bela u mwene wamu Sodomu nu Bilisha u mwene wamu Gomola nu Shinabu u mwene wamu Adima nu Shemebeli u mwene wamu Zeboyimu, sona nu mwene wamu Bela. Bela kokuti Zowala.

Ubwandilo 14:8

Po abamwene fayivi aba: U mwene wamu Sodomu nuwa mu Gomola nuwa mu Adima nuwa mu Zeboyimu nuwa mu Bela, bakababika poka abasilikali babo mwikombe ilya Sidimu pakulwa ubwite

Ubwandilo 3:6

Bo umukolo ennya ivikomwa ivya likwi lila ukuti vikaba vyiza pakulya nukuboneka akiza, sona nukuti vingamupa amahala, akayabamo ivikomwa vimo nukulya. Akamupako vimo umulume wache, po wepe akalya.

Ubwandilo 47:6

Ichisu icha Ijiputi chili munyobe zyinyu, mwikazye ughuso na bawamwinyu pabuzilo ubwiza nkani muchisu ichi, baleke bikalaye muchigaba icha Gosheni. Sona nanti abantu bamo pakasi pabawamwinyu bamenye pakudima ivitekwa babanje balaghili aba kwenelezya ivitekwa vyane.”

Ubwandilo 6:2

Abana abalumendo aba Chala bakennya ukuti abana abalindu aba bantu bakabonekagha akiza, po bakanda pakubasenda babo bakabaghana.

1 Abamwene 7:46

U mwene akapangisya vyosi vinivi mwikombe ilya Yolodani, pakasi pa kaya akakulu aka Sukoti naka Zaletani.

Yobu 40:23

Nanti ulusoko lwavundumuka, atakunyila napo panandi; napapo amizi agha mulusoko ulwa Yolodani ghafike pamulomo wache, loli atakutetema.

Masalimo 107:34

Ichisu icha muvundo pakuba chisu icha mbeya, pachifukwa icha bantu ababibi, babo bakwikala mulamula.

Yesaya 15:5

Umoyo wane ghukuchililila ichisu icha Mowabu; bo abantu bache bakuchimbilila kukaya aka Zowala, mupaka Egilati Shelishiya. Bakukwela ichikwezya icha izila iya ku Luhiti, bo bali pakulila mumusebo uwaku Holonayimu bakulila inkuta iya kunanganika.

Yesaya 51:3

Naloli u Mwene akwiza pakumusangalusya u Ziyoni, sona akwiza pakuba nawe ni chililizi, pachifukwa ichakuti aba chisami. Akwiza pakukapela pakuba nkolongo ngati iya Edeni, sona nukukapela pakuba ngati mughunda uwa Mwene. Ukusekela poka nukwimba inyimbo, kukwiza pakwaghiwa mulamula, kokuti ivyakwiyipa ivyakupalizya nukwivwika ukwa nyimbo izyakupalizikizya.

Yelemiya 48:34

“Ukulila kwabo kukwivwika ukufuma mu Heshiboni namu Eleyale, namu Yahazi, namu Zowala, namu Holonayimu, sona namu Egilati Shelishiya, pakuti ghope amizi agha Nimulimu ghakamukite.

Ezekiyeli 16:46

“ ‘Umukulu wako umulindu akaba mu Samaliya, yuyo akikalagha kumitu kukwako na bana bache abalindu. Yuyo akikalagha kuntende na bana bache abalindu, akaba we Sodomu.

Ezekiyeli 16:49

Iyi yikaba mbibi iya muyemba wako u Sodomu, umwene na bana bache bakwituvya pachifukwa icha vyakulya ivyinji, bo abapina na bakusobelwa bakuyimba.

Ezekiyeli 28:13

Ukikalagha mu Edeni mumughunda uwa Chala, ichakuvwala chako chosi chikayaniziwa nibwe ilya mutengo, ilya lubi nilya topazi nilya emeladi nilya kilisolite nilya onikisi nilya yasipala nilya safile nilya tukoyizi sona nilya belili. Ivyakubikamo amabwe ghanagha vikaba vya golide. Pisiku lilyo ukapeliwanga ivintu vinivi vikayaniziwa.

Ezekiyeli 31:8

Litakabapo nalimolimo ikwi ilya mwale mumughunda uwa Chala, lilyo likayana nikwi lila, pamo ukuvwinka ukwa samba izya payini, pamo amakwi aghanji agha kuyana nikwi lila. Litakabamo nalimolimo ikwi mumughunda uwa Chala, lilyo akabonekele akiza likayana nalyo.

Ezekiyeli 31:9

Nkalipela ilyakuboneka akiza nkani, nisamba inyinji nkani, po amakwi ghosi mu Edeni mumughunda uwa Chala ghakanyonywanga pakuba ngati lyo lilyo.

Ezekiyeli 47:18

“Kulubazu ulwakubufumilo bwizuba impaka yikwiza pakwenda pakasi pa Haulani nu Damasika, mulubazu mulusoko ulwa Yolodani pakasi pa Giliyadi ni chisu icha Izilayeli, kubufumilo bwizuba ubwa Nyanja Imfwe mupaka ku Tamala. Yiniyi yikwiza pakuba mpaka iyakubufumilo bwizuba.

Yoweli 2:3

Kuntazi kukwabo umoto ghukulungulizya ivintu vyosi, sona kwisinda kukwabo indimi izya moto zikocha vivyo vyasyala. Kuntazi kukwabo ichisu chila chili ngati mughunda uwa Edeni, sona kwisinda kukwabo chikanduka pakuba nkolongo, patakabapo nachimochimo ichakusyalamo.

Ukukumbusya Amalamulo 34:3

ni chigaba icha Negebu sona ni chigaba chosi ukwandila mwikombe ilya Yeliko nakaya akakulu nkani aka makwi agha mabale mupaka ku Zowala.