Ubwandilo 12:9 - IBAYIBOLO 2024

⁹ Po u Abulamu akendelela nu bulendo bwache ubwakwimakwima ukwikila ku Negebu muchigaba icha kuntende.

Ubwandilo 12:9 Iomraidhean Croise

Ubwandilo 13:1

Bo u Abulamu nu muchi wache epamo muchisu icha Ijiputi, poka nu katundu wache wesi, akakwela ku Negebu, wepe u Loti akabuka poka nawe.

Ubwandilo 13:3

Akendelela nu bulendo bwache ubwakwimakwima pakubuka kukaya aka Beteli, kuko kale akazengako ivisakasa vyache pakasi pa kaya aka Beteli naka Ayi.

Ubwandilo 20:1

U Abulahamu akasamila ku Negebu chicho chikaba chigaba icha kuntende. Akikalagha pakasi pa kaya akakulu nkani aka Kadeshi naka Shuli muchisu icha Gelala.

Ubwandilo 20:13

Bo u Chala anyefya munyumba iya tata wane nukunyembezya muchisu ichiyeni, nkamubuzya umuchi wane ukuti, ‘Umu momumo ningamanyila ukuti unganite, nanti wamubuzya umuntu wesi kosi kuko tukubuka ukuti ane ne muyemba wako.’ ”

Ubwandilo 24:62

U Yisaki akiza munkolongo iya ichiziba chicho chikitiziwanga ukuti, “Ichiziba icha Mumi yuyo Akunyennya Ane”, pakuti akikalagha muchigaba icha Negebu.

Masalimo 105:13

bakendendekagha bulo, ukufuma ku inko izi ukubuka ku inko izinji. Ukufuma kubumwene ubu ukubuka kubumwene ubunji.

Yesaya 30:6

Agha gho mazyu aghabulaghuzi ghagho ghakunena nizya vinyamana ivya munkolongo iya Negebu, muchisu icha ntamyo nicha mayimba, ichisu icha nkalamu inyanavuli ninkolo zizyo zikubuluma, uchipili ni nyivwila, intumi zikanyamula ubukabi bwabo panyuma pampunda inyanavuli, sona bakanyamula ivyuma vyabo panyuma pangamila, ukubuka navyo ku luko ulwa bantu babo batangabavwa,

Ukubelengiwa 13:17

Bo u Mozesi akubatuma abantu bala pakutendela ichisu icha Kenani akabalamula akati, “Bukagha ku Negebu, sona nukukwela ichisu icha maghamba.

Ukukumbusya Amalamulo 1:7

Losi ulu nyamuka ubulendo bwinyu. Bukagha kuchisu icha mumaghamba icha ba Amoli sona na kuchigaba ichipalamani nicha Alaba na mumaghamba, na muntende mumaghamba kubwinjililo bwizuba na ku Negebu poka na mulubazu ulwanyanja mupaka kuchisu icha ba Kenani na ku Lebanoni nukumalila kulusoko ulukulu ulwa Yufuleti.