Ubwandilo 12:8 - IBAYIBOLO 2024

⁸ Pisinda pache akakwela kuchisu icha maghamba kubufumilo bwizuba ubwa Beteli nukuzenga ivisakasa vyache pakasi pa Beteli kubwinjililo bwizuba nu Ayi kubufumilo bwizuba. Kulakula akazenga sona ichighemo nukumwiputa u Mwene.

Ubwandilo 12:8 Iomraidhean Croise

Ubwandilo 13:18

Po u Abulamu akasamya ivisakasa vyache nukuzenga papipi na makwi agha mupandapanda pabuzilo ubwa Mamule mukaya aka Hebuloni. Kulakula akamuzengela ichighemo u Mwene.

Ubwandilo 13:3

Akendelela nu bulendo bwache ubwakwimakwima pakubuka kukaya aka Beteli, kuko kale akazengako ivisakasa vyache pakasi pa kaya aka Beteli naka Ayi.

Ubwandilo 13:4

Panapo po papo kale akazengapo ichighemo. Kulakula u Abulamu akamwiputa u Mwene.

Ubwandilo 21:33

Po mu Belisheba mulamula u Abulahamu akabyalamo ikwi ilya mupandapanda nukumwiputa u Mwene, u Chala uwa bwila na bwila.

Ubwandilo 22:9

Bo bafika pabuzilo bubo u Chala akamubuzya, u Abulahamu akazenga ichighemo nukuzilambalika inkwi pachighemo pala. Akamupinya umwana wache yula nukumughoneka pamwanya pankwi zila.

Ubwandilo 26:25

Po u Yisaki akazenga ichighemo kulakula nukumwiputa u Mwene. Akazenga ichisakasa chache, kulakula abambombo bache bakakumbako ichiziba.

Ubwandilo 28:19

Ubuzilo bula akabwita ukuti Beteli, Pakwanda akaya kala kakitiziwanga ukuti Luzi.

Ubwandilo 31:25

U Labani akamwagha u Yakobo azengite ivisakasa vyache muchisu icha maghamba chila. Po wepe u Labani na bakamu bache akazenga ivisakasa vyache muchisu icha maghamba icha Giliyadi chilachila.

Ubwandilo 33:20

Palapala akazengapo chighemo nukuchita ukuti Eli Elohi Izilayeli chicho chikung'anamula ukuti u Chala, we Chala uwa Izilayeli.

Ubwandilo 35:3

Tukwiza pakwepamo muno nukubuka ku Beteli, kuko nkwiza pakumuzengela ichighemo u Chala, yuyo akanyavwa muntamyo zyane, sona yuyo akaba nane kosi kuko nkabukagha.”

Ubwandilo 35:7

Kulakula akazenga ichighemo nukubwita ubuzilo bula ukuti Eli Beteli pachifukwa ichakuti bukaba buzilo bubo u Chala akivumbulila mwene kwa Yakobo, bo akumuchimbila umukulu wache.

Ubwandilo 4:26

U Seti akapapa umwana umulumendo nukumwita ukuti we Enoshi. Aka kakaba kabalilo kako abantu bakanda pakumwiputa u Mwene.

Ubwandilo 8:20

Po u Nowa akamuzengela ichighemo u Mwene. Akasendapo ichinyamana choka pa vinyamana vyosi, sona ichiyuni choka pa viyuni vyosi vivyo vikitikiziwa nu Chala ukuti vibanje vyakwiyipa ivyakocha pachighemo palapala.

Nehemiya 11:31

Abaluko ulwa Benjamini aba mu Geba bakikalagha mukaya akakulu aka Mikimashi naka Aya naka Beteli poka nutwaya twache

Masalimo 116:4

Po nkamwitizya u Mwene nkati, “Wee Mwene mpoka!”

Ukufuma 17:15

U Mozesi akazenga ichighemo nukuchita ukuti u Mwene we Ndembela yane.

Yesaya 10:28

Bakwinjila mu Ayiti nukudumusannya mu Miguloni, nukubunganika ukatundu wabo pa Mikimashi.

Yoweli 2:32

Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Imbombo 2:21

Umuntu wesi yuyo akulabila mwitabwa ilya Mwene akwiza pakupokiwa.’

1 Aba Kolinti 1:2

Tukuchisimbila ichipanga icha Chala icha mu Kolinti, abantu babo bakapaghuliwa mwa Kilisitu Yesu, sona babo bitiziwe pakuba bantu bazelu, poka na bantu bosi kosi na kosi, babo bakulichindika itabwa ilya Mwene witu u Yesu Kilisitu, u Mwene wabo nu Mwene witu.

Aba Hebeli 11:9

Lukaba lwitiko lulo lukamupela ukwikala ngati muyeni muchisu chicho u Chala akamulayizya. Akikalagha muchisakasa. Wepe u Yisaki nu Yakobo bakikalagha muvisakasa ukuyana namumo u Abulahamu akabombelagha, napapo ichilingo chicho u Chala akabalayizya chikaba chabo.

Yoshwa 18:22

naka Beti Alaba naka Zemalayimu naka Beteli

Yoshwa 22:10

Bo abantu bala bafika mu Geliloti papipi nu lusoko ulwa Yolodani mu Kenani, bakazengako ichighemo ichikulu nkani, sona ichiza mulubazu lwalusoko ulwa Yolodani.

Yoshwa 7:2

U Yoshwa bo ali mu Yeliko akabatuma abantu bamo ukubuka kukaya akakulu nkani aka Ayi kako kali papipi nakaya aka Beti Aveni, kubufumilo bwizuba ubwa Beteli, po akabalamula akati, “Bukagha mukatendele akaya aka Ayi.” Po abantu bakabuka nukukatendela akaya aka Ayi kala.

Yoshwa 8:12

U Yoshwa akabasendapo abasilikali 5,000 ukuti bavwamilile pakasi pa kaya aka Beteli naka Ayi, kubwinjililo bwizuba.

Yoshwa 8:17

Atakabapo nayumoyumo umuntu uwakusyalikila mu Ayi pamo mu Beteli ukusita ukubuka pakubachimbizya aba Izilayeli. Po bakakaleka bwazi akaya akakulu nkani kala nukubuka pakubachimbizya aba Izilayeli.

Yoshwa 8:3

Po u Yoshwa poka na basilikali bosi bakabuka ku Ayi pakulwa ubwite. U Yoshwa akabasenda abasilikali abajivu nkani 30,000 nukubatuma pabusiku.

Yoshwa 8:30

Po u Yoshwa akamuzengela ichighemo u Mwene, u Chala uwa ba Izilayeli pighamba ilya Ebala.

Yoshwa 8:9

U Yoshwa akabatuma abasilikali bala, po bakabuka pakuvwamilila mubuzilo bwabo, pakasi pa kaya aka Beteli naka Ayi. Loli u Yoshwa akasyalikila poka na basilikali bache muvisakasa mulamula ubusiku bula.

Abalongi 6:24

Po u Gidiyoni akamuzengela ichighemo u Mwene pabuzilo bulabula nukuchita ukuti, “U Mwene we Mutende.” Ichighemo ichi chichili chilimo mu Ofula, mukaya akakulu nkani aka Abiyezeli mupaka nilelo bulo.

1 Samuweli 30:27

Akabatumila ivyabupi vila abantu aba mu Beteli naba mu Lama kuntende kuchisu icha Yuda naba mu Yatili