Ubwandilo 12:7 - IBAYIBOLO 2024

⁷ U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 12:7 Iomraidhean Croise

Ubwandilo 12:8

Pisinda pache akakwela kuchisu icha maghamba kubufumilo bwizuba ubwa Beteli nukuzenga ivisakasa vyache pakasi pa Beteli kubwinjililo bwizuba nu Ayi kubufumilo bwizuba. Kulakula akazenga sona ichighemo nukumwiputa u Mwene.

Ubwandilo 13:15

Nkwiza pakukupa awe na baluko lwako ichisu chosi chicho ukuchennya, po chikwiza pakuba chako ni chako bwila na bwila.

Ubwandilo 13:17

Nyamuka endela ichisu chosi chinichi pakuti nakupacho.”

Ubwandilo 13:18

Po u Abulamu akasamya ivisakasa vyache nukuzenga papipi na makwi agha mupandapanda pabuzilo ubwa Mamule mukaya aka Hebuloni. Kulakula akamuzengela ichighemo u Mwene.

Ubwandilo 13:4

Panapo po papo kale akazengapo ichighemo. Kulakula u Abulamu akamwiputa u Mwene.

Ubwandilo 15:18

Pisiku lilalila, u Mwene akafinga ulufingo nu Abulamu akati, “Nkwiza pakubapa abaluko lwako ichisu chinichi, ukwandila ko kumpaka iya chisu icha Ijiputi mupaka kulusoko ulukulu nkani ulwa Yufuleti.

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 17:3

U Abulamu akafughama, po u Chala akamubuzya akati,

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

Ubwandilo 18:1

U Mwene akamubonekela u Abulahamu mumakwi agha mupandapanda agha Mamule, bo u Abulahamu ikaye pamulyango uwa chisakasa chache pamusanya bo kupiye nkani.

Ubwandilo 22:9

Bo bafika pabuzilo bubo u Chala akamubuzya, u Abulahamu akazenga ichighemo nukuzilambalika inkwi pachighemo pala. Akamupinya umwana wache yula nukumughoneka pamwanya pankwi zila.

Ubwandilo 24:7

U Mwene u Chala uwakumwanya, yuyo akanyefya kunyumba iya bapapi bane, sona ni chisu chicho nkapapiliwako, akandapizya ukuti akwiza pakubapa abaluko lwane ichisu chinichi. Akwiza pakumutuma uwantumi wache kuntazi kukwako, kulakula ko kuko umusendele umukolo umwana wane.

Ubwandilo 26:25

Po u Yisaki akazenga ichighemo kulakula nukumwiputa u Mwene. Akazenga ichisakasa chache, kulakula abambombo bache bakakumbako ichiziba.

Ubwandilo 26:3

Ikala tasi muchisu chinichi, po nkwiza pakuba nawe sona nkwiza pakukusaya. Pakuti nkwiza pakukupa awe sona na baluko lwako ichisu chosi chinichi. Nkwiza pakusunga ichilapo chicho nkalapa kwa ghuso u Abulahamu.

Ubwandilo 28:13

Po u Mwene akimilila mulubazu lwache nukuti, “Ane ne Mwene u Chala uwa Abulahamu, sona nuwa Yisaki. Nkwiza pakukupa awe na baluko bako pachisu chicho ughonitepo.

Ubwandilo 28:4

Akusaye awe poka na baluko lwako ukuyana namumo akamusayila u Abulahamu, umwakuti ufyule ichisu chicho ukwiza pakwikalaghamo pakuba we muyeni, ichisu chicho u Chala akamupa u Abulahamu.”

Ubwandilo 32:30

U Yakobo akati, “Namwennya u Chala pamaso na pamaso, loli pope bulo indi nubumi.” Po akabwita ubuzilo bula ukuti Penuweli.

Ubwandilo 33:20

Palapala akazengapo chighemo nukuchita ukuti Eli Elohi Izilayeli chicho chikung'anamula ukuti u Chala, we Chala uwa Izilayeli.

Ubwandilo 35:12

Nkwiza pakukupa nawe ichisu chicho nkamupa u Abulahamu nu Yisaki, nukubapa sona abaluko lwako babo bakwiza pisinda papako.”

Ubwandilo 35:7

Kulakula akazenga ichighemo nukubwita ubuzilo bula ukuti Eli Beteli pachifukwa ichakuti bukaba buzilo bubo u Chala akivumbulila mwene kwa Yakobo, bo akumuchimbila umukulu wache.

Ubwandilo 50:24

Po u Yosefu akababuzya abawamwabo akati, “Indi papipi pakufwa; loli u Chala akwiza pa pakubasungilila nukubefyamo muchisu ichi ukubuka kuchisu chicho akamulayizya u Abulahamu nu Yisaki, sona nu Yakobo.”

Ubwandilo 8:20

Po u Nowa akamuzengela ichighemo u Mwene. Akasendapo ichinyamana choka pa vinyamana vyosi, sona ichiyuni choka pa viyuni vyosi vivyo vikitikiziwa nu Chala ukuti vibanje vyakwiyipa ivyakocha pachighemo palapala.

2 Samuweli 24:25

U Devedi akamuzengela u Mwene ichighemo palapala nukubika ivyakwiyipa ivyakocha, nivyakwiyipa ivyabupoka. Po u Mwene akivwa ulwiputo lulo akachiputilagha ichisu, po ichiwaya chila chikamala mu Izilayeli.

1 Abamwene 18:32

Akaghabombezya amabwe ghala pakuzengela sona ichighemo icha Mwene, po akakumba ichiliba umwakuzyungulila ichighemo chila chicho chingizula amalita 15 agha mizi.

1 Imbili 16:16

Akwiza pakulukumbukagha ulufingo lulo akafingana nu Abulahamu, sona ni chilapo chicho akalapa kwa Yisaki.

1 Imbili 16:18

Po akati, “Nkwiza pakukupa ichisu icha Kenani, pakuba mpyana yako.”

2 Imbili 20:11

Ilelo ennya namumo bakututanizizya pakutuchimbizyamo muchisu chicho ukatupa pakuba mpyana yitu.

2 Imbili 20:7

Wee Chala witu, nkimba te wewe ukabachimbizyamo abantu aba muchisu chinichi pamaso pabantu bako aba Izilayeli, nukubapa ichisu chinichi abaluko ulwa mumanyani wako u Abulahamu?

Ezila 3:2

U Yeshuwa umwana uwa Yozadaki nu muputi uwamwabo nu Zelubabeli umwana uwa Sheyalitiyeli poka na bamwabo bakanda pakuzenga sona ichighemo icha Chala uwa Izilayeli ukuti babikaye ivyakwiyipa ivyakocha ukuyana ni Ndaghilo izya Mozesi umubombi uwa Chala.

Ukufuma 17:15

U Mozesi akazenga ichighemo nukuchita ukuti u Mwene we Ndembela yane.

Ukufuma 24:4

U Mozesi akasimba amazyu ghosi ghagho u Mwene akanena. Pandabindabi nkani akazenga ichighemo muntende mwighamba nukusimika impanda izya mabwe 12 pakwimilila inko 12 izya ba Izilayeli.

Ukufuma 32:13

Kumbuka ukuti ukalapa ku mubombi wako u Abulahamu nu Yisaki nu Izilayeli ukuti, ‘Nkwiza pakubalizya abaluko lwinyu ngati zyo ntondwa, sona nkwiza pakubapa abaluko lwabo ichisu chosi chinichi ukuti chibanje chabo ni chabo bwila na bwila.’ ”

Ukufuma 33:1

Po u Mwene akamubuzya u Mozesi akati, “Epapo pabuzilo ubu poka na bantu babo ukabefya mu Ijiputi mubuke kuchisu chicho nkamulayizya u Abulahamu nu Yisaki nu Yakobo, poka na baluko lwako.

Ukufuma 6:3

Ane ne Chala Uwamaka Ghosi. Nkamubonekela u Abulahamu nu Yisaki sona nu Yakobo, loli intakitambula itabwa lyane ukuti ne Mwene.

Ukufuma 6:4

Nkafingana nabo ulufingo nukubalayizya pakubapa ichisu icha Kenani, mumo bakikalagha ngati bayeni.

Yelemiya 3:18

Mumasiku ghalaghala ubumwene ubwa Yuda bukwiza pakuba poka nu bumwene ubwa Izilayeli, bosi poka bakwiza pakufuma kuchisu icha kumitu nukubasendela kuchisu chicho nkabapa abanyenya binyu pakuba mpyana yabo.”

Ukubelengiwa 26:53

“Ubagabile abantu ichisu chinichi ukuti chibanje mpyana yabo ukuyana namumo ubwinji ubwa luko lwabo lubeleye.

Ukubelengiwa 32:11

‘Pachifukwa ichakuti atalipo nayumo umuntu uwakwepamo mu Ijiputi, ukufuma abamaka 20 pamo ukuchilapo, babo bakwiza pakuchennya ichisu chicho nkafinga ukumupa u Abulahamu nu Yisaki, sona nu Yakobo, pakuti batankonkite nu moyo ghosi.

Imbombo 7:5

U Chala atakamupako u Abulahamu na kabuzilo nakamokamo ukuti kabanje kache na kache, napapo imita lyoka, loli u Chala akamulayizya pakumupako ichisu ichi, sona ukuti kabanje kache na kache nuluko lwache. Pakabalilo kako u Chala akamulayizyanga, u Abulahamu atakaba na bana.

Aba Loma 9:8

Ichi chikung'anamula ukuti bate bana bosi aba Abulahamu babo bana ba Chala, awe. Loli abana babo bakapapiwa pachifukwa icha layizyo ilya Chala bakupimiwa ngati bo baluko ulwenecho.

Aba Galatiya 3:16

U Chala akamulayizya u Abulahamu nu waluko lwache. Amasimbo ghatakunena ukuti, “Abaluko lwako,” chicho chitakung'anamula ukuti abantu abinji, awe. Loli ghakuti, “Sona nu waluko lwako,” chicho chikung'anamula ukuti umuntu weka yuyo we Kilisitu.

Aba Galatiya 4:28

Ilelo bakamu bane, mwe bana bilayizyo ilya Chala ukuyana namumo u Yisaki akabela.

Ukukumbusya Amalamulo 1:8

Nkubapa ichisu chosi chinichi. Bukagha pakuchifyula ichisu nukwikalamo muchisu chicho u Mwene akamulayizya umunyenya winyu u Abulahamu nu Yisaki nu Yakobo sona na baluko lwabo.’ ”

Ukukumbusya Amalamulo 30:20

Mumughanaye u Mwene u Chala winyu, mumwivwilaye nukumukakatila. Pakuti u Mwene bo bumi bwinyu. Po akwiza pakubitikizya amwe na baluko lwinyu ukuti mwikalaye nubumi ubutali muchisu, chicho akamulayizya umunyenya winyu u Abulahamu nu Yisaki, sona nu Yakobo.

Ukukumbusya Amalamulo 34:4

Po u Mwene akamubuzya u Mozesi akati, “Ichi cho chisu chicho nkamulayizya u Abulahamu nu Yisaki, sona nu Yakobo ukuti nkwiza pakubapa abaluko lwako. Nakwitikizya ukuti uchennye bulo na maso ghako, loli utakwiza pakwinjilamo.”

Ukukumbusya Amalamulo 6:10

Losi ulu u Mwene u Chala winyu akubinjizya muchisu chicho akabalayizya abanyenya binyu, u Abulahamu nu Yisaki nu Yakobo. Ichisu chinichi chili nutwaya utukulu nkani, sona tukabi tuto amwe mutakatuzengapo nalumo.

Ukukumbusya Amalamulo 9:5

U Mwene u Chala winyu abitikizya pakubachimbizyamo nukwikalamo muchisu chabo, te pachifukwa ichakuti mwe bagholosu, pamo mwe biza awe, loli pachifukwa ichakuti abantu balabala babibi nkani, sona pachifukwa ichakuti akulonda pakukwanilisya ilayizyo lilyo akamulayizya umunyenya winyu u Abulahamu nu Yisaki, sona nu Yakobo.

Aba Hebeli 11:13

Abantu bosi banaba bakendelela pakuba nu lwitiko mupaka nukufwa kwabo. Abene batakapokela zizyo u Chala akabalayizya, loli bakazyenezya pabutali bulo nukuhoboka. Bakitika pabuzelu ukuti bakaba bayeni na bendazila pachisu ichapasi.

Aba Hebeli 11:8

Lukaba lwitiko lulo lukamupela u Abulahamu ukwivwila, bo u Chala akumwitizya ukuti asamile kuchisu ichinji chicho akamulayizya pakuba mpyana yache, napapo u Abulahamu atakamanya kuko akabukagha.

Yoshwa 1:6

“Ubanje nu lweke, sona ujimbaye, pakuti wewe ukwiza pakubalongolela abantu banaba pakuchifyula ichisu chicho nkabalayizya abanyenya babo.

Yoshwa 22:10

Bo abantu bala bafika mu Geliloti papipi nu lusoko ulwa Yolodani mu Kenani, bakazengako ichighemo ichikulu nkani, sona ichiza mulubazu lwalusoko ulwa Yolodani.

Yoshwa 8:30

Po u Yoshwa akamuzengela ichighemo u Mwene, u Chala uwa ba Izilayeli pighamba ilya Ebala.

Abalongi 6:24

Po u Gidiyoni akamuzengela ichighemo u Mwene pabuzilo bulabula nukuchita ukuti, “U Mwene we Mutende.” Ichighemo ichi chichili chilimo mu Ofula, mukaya akakulu nkani aka Abiyezeli mupaka nilelo bulo.

1 Samuweli 7:17

Loli akabalilo kosi akabwelagha ku Lama kukaya kache. Kulakula kope akabalongagha aba Izilayeli, sona ko kuko akamuzengela ichighemo u Mwene.