Ubwandilo 12:10 - IBAYIBOLO 2024

¹⁰ Loli muchisu icha Kenani mukawa izala inkulu nkani. Pachifukwa icha zala yilayila u Abulamu akabukagha kuntende mupaka akafika muchisu icha Ijiputi nukwikala kulakula akabalilo akanandi bulo.

Ubwandilo 12:10 Iomraidhean Croise

Ubwandilo 41:56

Bo izala yawa muchisu chosi icha Ijiputi, u Yosefu akighula intamba nukwanda pakubaghulizizya ivyakulya, pachifukwa ichakuti kukawa nkani izala muchisu chosi chila.

Ubwandilo 41:57

Ivyisu vyosi vikizagha mu Ijiputi pakughula ivyakulya kwa Yosefu, pachifukwa ichakuti izala yikawa muchisu chosi ichapasi.

Ubwandilo 42:5

Abana aba Yakobo, poka na bantu abanji bakiza pakughula ivyakulya, pachifukwa ichakuti muchisu icha Kenani mukaba izala.

Ubwandilo 43:1

Izala yikendelela pakukula nkani muchisu icha Kenani.

Ubwandilo 47:13

Izala yikawa posi na posi muchisu icha Ijiputi nicha Kenani, umwakuti abantu bakadedebala nizala.

2 Samuweli 21:1

Pakabalilo aka mwene u Devedi, kukabako izala amaka matutu. U Devedi akamubuzikizya u Mwene. Po u Mwene akamubuzya akati, “U Sabuli na bamunyumba yache bali ninongwa iyakughogha, pakuti akabaghogha aba Gibeyoni.”

2 Abamwene 4:38

Pisinda pache u Elisha akanyokela sona ku Giligali. Pakabalilo kalakala muchigaba chilachila mukaba izala inkulu nkani. Bo akabukatila aka balaghuzi kali pakukomana nu Elisha, akamubuzya uwambombo wache akati, “Ikazya isonta inkulu nkani pamoto, ubapiyile ichakulya abayeni aba.”

2 Abamwene 6:25

Mu Samaliya mukaba izala inkulu nkani bo aba Siliya bakazyungulila akaya akakulu nkani kala, umwakuti umutu uwa mpunda ghukaghuliziwanga isalabazya 80 izya siliva. Sona amagalamu 200 agha masusu agha nkunda ghakaghuliziwanga isalabazya fayivi izya siliva.

Masalimo 105:13

bakendendekagha bulo, ukufuma ku inko izi ukubuka ku inko izinji. Ukufuma kubumwene ubu ukubuka kubumwene ubunji.

Masalimo 107:34

Ichisu icha muvundo pakuba chisu icha mbeya, pachifukwa icha bantu ababibi, babo bakwikala mulamula.

Masalimo 34:19

Umugholosu angaba nintamyo inyinji nkani, loli u Mwene akumupoka muntamyo zyosi zinizi.

Yelemiya 14:1

Agha gho mazyu agha Mwene kwa Yelemiya pakunena nizya lulanga aghakuti,

Yohani 16:33

Nababuzya zinizi ukuti mubanje nu mutende pakuba poka nane. Ichisu ichapasi chikwiza pakubavwima, loli mujimbe nkani umoyo pakuti nachipota kale ichisu ichapasi!”

Imbombo 14:22

Bakabakazya abamanyili bala, sona bakababuzya ukuti bendelele pakuba nu lwitiko mwa Kilisitu. Bakamanyisya bakati, “Tubaghiye twende muntamyo inyinji ukuti twinjile mu Bumwene ubwa Chala.”

Imbombo 7:11

Po izala yikawa muchisu chosi icha Ijiputi nicha Kenani, yiyo yikapela amayimba amakulu nkani, umwakuti abanyenya bitu bakapotwa pakuchagha ichakulya.

Luti 1:1

Pakabalilo aka balongi, muchisu icha Yuda mukawa izala. Po umuntu yumo wamu Betelehemu muchisu chila, poka nu muchi wache, na bana bache babili bakabuka kuchisu icha Mowabu ukuti bikaleko akabalilo akapimpa bulo.