Ubwandilo 11:9 - IBAYIBOLO 2024

⁹ Akaya akakulu nkani kalakala kakitiziwanga ukuti Babiloni, pachifukwa ichakuti u Mwene akavulungannya ineno iya bantu bosi. Po ukwandila palapala u Chala akabanyampanizizya abantu pachisu chosi ichapasi.

Ubwandilo 11:9 Iomraidhean Croise

Ubwandilo 10:10

Pakwanda impaka iya ubumwene bwache yikafika mupaka ku Babiloni, naku Eleki sona naku Akadi. Utwaya tosi tutatu tunutu tukaba mu Babiloni.

Ubwandilo 10:20

Banaba bo baluko ulwa Hamu babo bakikalagha muvyisu ni vigaba vyabo ukuyana ninko zyabo izyakulekanalekana. Uluko losi lukaba ni neno iyabo ni yabo.

Ubwandilo 10:25

U Ebeli akapapa abana abalumendo babili. Weka akaba we Pelegi. Bakamwita itabwa ili pachifukwa ichakuti pakabalilo kache kukaba ukugabinkana pakasi pabantu bosi aba muchisu ichapasi. Umuzuna wache akaba we Yokotani.

Ubwandilo 10:5

Banaba bakaba banyenya aba bantu bosi babo bakikalagha mulubazu ulwa nyanja na mutusungo utwa nyanja. Banaba bo baluko ulwa Yafeti. Uluko lwabo lukaba lwakulekanalekana, po bakikalagha muvyisu ivyakulekanalekana. Uluko losi lukaba ni neno iyabo ni yabo.

Masalimo 55:9

Wee Mwene ubavulungannye abantu ababibi, pakuti nkwennya ivyongo nu buvulungane mukaya akakulu nkani.

Imbombo 17:26

Mu munyenya weka u Chala akapela inko izya bantu ukuti bikalaye pachisu chosi ichapasi. Umwene akabikila zila akabalilo akakwikalila, sona ni mpaka zyabo.

1 Aba Kolinti 14:23

Polelo nanti ichipanga chosi chikukomana poka, sona nanti umuntu wesi akwanda pakunenela mundimi injeni, sona buli nanti abantu babo batakwivwisya, sona na babo bate nu lusubilo, bakwinjila mulamula, nkimba batakwiza pakunena ukuti mupenite?