Ubwandilo 11:4 - IBAYIBOLO 2024

⁴ Po bakati, “Zagha twizengele akaya akakulu nkani, ni chitembe ichitali ichakufika kumwanya. Pakubomba bunubu itabwa lyitu likwiza pakumanyikwa, sona tutakwiza pakunyampana pachisu chosi ichapasi.”

Ubwandilo 11:4 Iomraidhean Croise

Ubwandilo 6:4

Mumasiku ghalaghala na pisinda bulo kukabako abantu abatalitali abamaka nkani pachisu ichapasi, babo bakapapiwa mubakolo babo bakasendwa na bana aba Chala bala. Banaba bakaba bantu abamaka abakali, sona bamanyikwe.

2 Samuweli 8:13

Itabwa ilya Devedi likamanyikwa posi na posi, bo anyokako pakubapota aba Edomu 18,000 mwikombe ilya Mbeya.

Masalimo 107:26

Bakakwela mumwanya nukwika sona pasi, po ubujivu bwabo bukamala, pachifukwa icha ntamyo yabo.

Masalimo 92:9

Naloli abalwani bako bakwiza pakuzimila, po ababomba imbibi bosi bope banyampanaye.

Ivyili 10:7

Umuntu umugholosu akukumbukiwanga ngati lusayo, loli itabwa ilya muntu umubibi likwiza pakuba ngati chintu ichibozu.

Yelemiya 51:53

“ ‘Napapo aba Babiloni bangafika kumwanya, nukughazenga amalinga ghabo, pope bulo nkwiza pakutuma abakughanangannya.’ ”

Daniyeli 4:11

Ikwi lila likakulilaghakulilagha nukuba lyamaka nkani mupaka likapalamasya kumwanya, umwakuti likabonekagha pachisu chosi ichapasi.

Daniyeli 4:22

Wee mwene, ikwi lila wewe. Awe waba we mukulu sona wamaka nkani, ubukulu bwako bwafika mupaka kumwanya, sona ubulaghili bwako bwasata pachisu chosi ichapasi.

Daniyeli 4:27

Polelo wee mwene, itika bulo zizyo nkukubuzya. Zileke imbibi zyako, ubombaye ingolosu pakubapelela ichisa abapina. Po ivintu vyosi vikwiza pakukwendelagha akiza akabalilo kosi.”

Daniyeli 4:30

akalalusya akati, “Nkimba kanaka te kaya akakulu nkani aka Babiloni, kako nkakazenga na maka aghane na ghane pakuba kaya aka bumwene sona nukuba kaya aka buchindamu ubukulu nkani?”

Luka 1:51

Abomba ivintu ivikulu nkani ni nyobe yache nukunyampannya abamituvyo ni mbatiko zyabo zyosi.

Yohani 5:44

Nkimba mungasubila bulibuli, nanti mukuchindinkana mwebenebene, loli mutakwiyula pakuba nu muchizi uwakufuma kwa Chala mwene na mwene bulo?

Ukukumbusya Amalamulo 1:28

Nkimba tungabukako bulibuli? Tukunyila. Abakamu bitu babo tukabatuma pakuchitendela ichisu chila bakatuwisya amaka pakunena ukuti, abantu aba muchisu chila bamaka nkani, sona batalibatali bene ukutuchila. Utwaya twabo tukulu nkani, sona tuli nu lupaso na malinga ghagho ghafikite kumwanya. Kulakula tukabennya sona abantu abamaka nkani aba Anaki.”

Ukukumbusya Amalamulo 4:27

U Mwene akwiza pakubanyampanikizya pakasi pabantu aba inko izinji, sona abantu banandi bulo pakasi papinyu, bo babo bakwiza pakupona.

Ukukumbusya Amalamulo 9:1

Mwee ba Izilayeli, ivwa kuno! Ilelo muli papipi pakuloboka ulusoko ulwa Yolodani pakubachimbizya abantu abamaka nabakulu ukubachila. Utwaya twabo utukulu nkani tuli ni mpaso izyakufika kumwanya.