Ubwandilo 11:30 - IBAYIBOLO 2024

³⁰ U Salayi atakaba na bana pachifukwa ichakuti akaba mughumba.

Ubwandilo 11:30 Iomraidhean Croise

Ubwandilo 11:31

U Tela akamusenda umwana wache u Abulamu nu Loti umwizukulu wache, yuyo akaba mwana uwa Halani. Akamusenda sona u Salayi umulasagha wache yuyo akaba muchi uwa Abulamu nukufumamo mukaya akakulu nkani aka Uli, muchisu icha Babiloni. Bakabuka ku Kenani muchisu icha Halani nukwikala kulakula.

Ubwandilo 25:21

Pachifukwa ichakuti u Labeka umuchi uwa Yisaki akaba mughumba, u Yisaki akamwiputila kwa Mwene. U Mwene akivwa inyiputo zyache, po u Labeka akamela ulwanda.

Ubwandilo 29:31

Bo u Mwene ennya ukuti u Yakobo atamughanite nkani u Leya, akighula impapo yache, loli u Lakelo akaba mughumba.

Masalimo 113:9

Umukolo umughumba akumupa impapo, po akumupela pakuba we nyina uwakuhoboka nkani uwa bana bache. Mumupalaye u Mwene.

Luka 1:36

Ennya, umukamu wako u Elizabeti, yuyo akaneniwa ukuti mughumba, loli ilelo ali nu lwanda ulwa mezi sikisi, napapo mughosi nkani.

Luka 1:7

Batakaba na bana pachifukwa ichakuti u Elizabeti akaba mughumba, sona yuyo nu Zekaliya bakaba baghosi.

Abalongi 13:2

Kukabako umuntu yumo ku Zola uwa luko ulwa Dani, yuyo akaba we Manowa. Umuchi akaba mughumba.

1 Samuweli 1:2

U Elikana akaba na bachi babili, umuchi usongo akaba we Hana, sona umunandi akaba we Penina. U Penina akaba na bana, loli u Hana atakaba na bana nabamobamo.

1 Samuweli 1:5

U Elikana akamugabilagha u Hana inyama inyinji nkani, pachifukwa ichakuti akamughana nkani, napapo u Mwene akamupela pakuba mughumba.