Ubwandilo 1:9 - IBAYIBOLO 2024

⁹ Po u Chala akati, “Amizi ghagho ghali pasi ghabungane pabuzilo boka, umwakuti ichisu ichumizu chibonekaye.” Po naloli ichi chikabombiwa.

Ubwandilo 1:9 Iomraidhean Croise

Ubwandilo 1:8

Ichakulesannya ichi akachita ukuti, “Kumwanya.” Ubusiku bukamala, po indabindabi yikafika. Ili likaba lisiku lyabubili.

Nehemiya 9:6

Awe we Mwene mpela. Ukapela kumwanya sona na kumwanya nkani ni ntondwa zyosi ni chisu ichapasi poka na vyosi vivyo vili mulamula ni nyanja poka na vyosi vivyo vili mulamula. Awe ukavipa ubumi ivintu vyosi, sona vyosi ivya kumwanya vikukwiputa.

Yobu 26:10

U Chala akughabikila amizi impaka yiyo yili ngati bwele, nukulesannya ulukozyo ni chisi.

Yobu 26:7

Kumwanya kumitu akakuzulilako papo patakabapo ichintu nachimochimo. Akachipayika ichisu ichapasi papo patakabapo akantu nakamokamo.

Masalimo 104:3

Alambalika imitaliko iya nyumba yache pamizi kumwanya. Akughapela amabingu pakuba ngolo yache iya bwite, sona akwenda pavipapande ivya mpepo.

Masalimo 33:7

Akaghabungannya amizi agha munyanja nukughabika impaka, sona amizi amibizu akighalila munyumba izyakusungilamo ivintu.

Masalimo 95:5

Inyanja yache, pakuti weyuyo akayipela, sona inyobe zyache zyo zizyo zikachimata ichisu ichapasi.

Umulumbilili 1:7

Isoko zyosi zikupungulila amizi munyanja, loli inyanja yitakwizula nalumolumo. Kuko amizi ghakufumila, ghakunyokela sona kulakula.

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Yona 1:9

U Yona akamula akati, “Ane ne mu Hebeli sona nkumwiputa u Mwene u Chala uwakumwanya, yuyo akapela inyanja ni chisu ichapasi.”

2 Pitala 3:5

Abene bakuluvya bulo madinko ukuti kale u Chala akapela kumwanya ni chisu ichapasi na mazyu ghache. Ichisu ichapasi chikapangiwa ukufuma ku mizi, sona na mizi.

Ubuvumbuli 10:6

Po akalapa mwitabwa ilya Chala yuyo akubangako bwila na bwila, yuyo akapela kumwanya ni chisu ichapasi, ni nyanja, sona na vyosi vivyo vili mumo. Uwantumi yula akati, “Kutakwiza pakuba sona ukukaba!