Ubwandilo 1:28 - IBAYIBOLO 2024

²⁸ U Chala akabasaya nukubabuzya ukuti, “Mupapanaye nukubala, sona mwizuzye ichisu ichapasi nukuchilaghila. Nkubapa ubulaghili pa iswi, ni viyuni, sona napa vinyamana vyosi ivyakwavula.”

Ubwandilo 1:28 Iomraidhean Croise

Ubwandilo 1:22

U Chala akavisaya vyosi pakunena ukuti, “Munyamane nukwizula mumizi agha munyanja inkulu, sona vyope iviyuni vinyamane muchisu ichapasi.”

Ubwandilo 17:16

Nkwiza pakumusaya, sona akwiza pakukupapila umwana umulumendo. Nkwiza pakumusaya umwakuti akwiza pakuba we mayi uwa baluko abinji. Pakasi pa baluko lwache bakwiza pakufumamo abamwene.”

Ubwandilo 17:20

Pakunena nizya Ishimayeli, nkwiza pakumusaya nukumupa abana abinji, sona na baluko abinji. Akwiza pakuba we tata uwa bamwene 12, sona abaluko lwache bakwiza pakuba luko ulukulu nkani.

Ubwandilo 24:60

Bakamusaya u Labeka ukuti, “Wee muyemba witu, u Chala akusaye ukuti ubanje we nyina uwa bantu amasabuzani na masabuzani. Abaluko lwako babapotaye abalwani babo.”

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 33:5

Bo u Esabu akutalankannya, akennya abakolo babili poka na bana. Po akabalalusya akati, “Nkimba abantu banaba bawenu?” U Yakobo akamwamula akati, “Banaba bo bana babo u Chala muchisa chache ampiye.”

Ubwandilo 49:25

U Chala uwa ghuso weyuyo akwiza pakwavwa. U Chala Uwamaka Ghosi weyuyo akwiza pakukusaya. Ni visayo ivya kumwanya, sona na mizi agha kubwibwituka pachisu ichapasi, ulusayo ulwa bana ni ng'ombe

Ubwandilo 5:2

Akapela umwanavuli nu mukolo, akabasaya nukubita ukuti “Bantu.”

Ubwandilo 6:1

Bo abantu banda pakubala nkani muchisu ichapasi, bakapapa abana abalindu.

Ubwandilo 8:17

Fumya kuzi vyosi ivyabumi vivyo ukaba navyo mulamula: Iviyuni, ni vinyamana ni vinyamana vyosi ivyakwavula, umwakuti vinyame nukusata pachisu chosi ichapasi.”

Ubwandilo 9:1

U Chala akamusaya u Nowa poka na bana bache nukunena ukuti, “Mupapanaye umwakuti muchizuzye ichisu ichapasi.

Ubwandilo 9:7

“Mupapanaye, umwakuti muchizuzye ichisu chosi ichapasi.”

1 Imbili 26:5

wasikisi akaba we Amiyeli, uwaseveni akaba we Isakala, sona uwa eyiti akaba we Pebuletayi. Pakuti u Chala akamusaya Obedi Edomu.

1 Imbili 4:10

U Yabezi akamulilila u Chala uwa Izilayeli akati, “Wee Chala, unsaye sona kuzya impaka izya chisu chane! Nalamba ubanje nane sona umpoke kuntamyo umwakuti indeke pakwivwa ububavu.” Po u Chala akamupa zizyo akalaba.

Yobu 39:11

Nkimba ungeghamila kukwache chifukwa ichakuti amaka ghache makulu? Nkimba ungamulekela imbombo zyako impalapala?

Yobu 42:12

U Mwene Akabusaya ubumi ubwa Yobu ubwa pisinda ukuchila ubwa pabwandilo. Akaba ning'ozi 14,000, ni ngamila 6,000 ni nkambaku izyakulima 1,000, ni mpunda 1,000.

Masalimo 107:38

U Mwene akabasaya, po abantu bala bakabala nkani, U Mwene atakefyako ubwinji ubwa vitekwa vyabo.

Masalimo 115:16

Kumwanya kwa Mwene, loli ichisu ichapasi abapiye abantu.

Masalimo 69:34

Kumwanya ni chisu ichapasi, ni nyanja sona na vyosi vivyo vili mumo, vimupalaye.

Masalimo 8:6

Ukamubika pakuba mulaghili uwa mbombo zyosi izya nyobe zyako, nukuvibika vyosi vinivi kusi kunyayo zyache.

Masalimo 8:7

Ivintu vyache ngati vyo ivi: Ing'ozi ni ng'ombe sona ni vinyamana vyosi ivya munkolongo.

Yesaya 45:18

Izi zyo zizyo u Mwene akunena, yuyo akapela ichisu icha kumwanya, we Chala. Weyuyo akachipela atakachipela ukuti, mutakabanjemo nakamokamo, loli akachipela ukuti chibanje chakwikalamo abantu. U Mwene akuti, “Ane ne Mwene atalipo uyunji.”

Aba Levi 26:9

Nkwiza pakubasaya nukubapa abana abinji, umwakuti munyame. Nkwiza pakukwanilisya ulufingo lwane lulo nkafingana namwe.

1 Timoti 4:3

Abantu banaba bakubakanizya abantu pakusendana, sona nukubalamula ukuti batakalyanje ivyakulya vimo. Loli u Chala akavipela ivyakulya vilavila ukuti vilyewanje na bantu babo bakusubila, sona bantu babo babumenye ubwanaloli, bo bapalizya kwa Chala.