Ubwandilo 1:2 - IBAYIBOLO 2024

² Ichisu ichapasi chitakaba na kabonekele akenecho, sona chitakaba na kantu nakamokamo. Ichisi chikaba panyanja inkulu, sona u Muzimu uwa Chala akabulukabulukagha pamwanya pamizi ghalaghala.

Ubwandilo 1:2 Iomraidhean Croise

Yobu 26:14

Naloli utu to tunandi bulo utwa mbombo zyache; po tukwivwa panandi bulo izyache! Nkimba wewenu yuyo angakwaghannya ukujilimisya ukwa maka ghache?”

Yobu 26:7

Kumwanya kumitu akakuzulilako papo patakabapo ichintu nachimochimo. Akachipayika ichisu ichapasi papo patakabapo akantu nakamokamo.

Yobu 38:9

Bo nkuyivwinka inyanja na mabingu nukuyinyembetela ni chisi ichakoghofya,

Yobu 41:32

Mumo yenda mukuba umuzeli uwa mizi agha kumekuka; yumo anginong'ona ukuti inyanja yaba nivwi.

Masalimo 104:30

Nanti wavitumila umuyi wako, vikupeliwa, sona ichisu ichapasi ukuchipela chipyachipya akabonekele kache.

Masalimo 104:6

Ukachivwinka ni nyanja inyibizu ngati po nkazo, amizi ghakasengama pamwanya pamaghamba.

Masalimo 136:6

Akachikuzulila ichisu ichapasi pamizi. Ulughano lwache lwa bwila na bwila.

Masalimo 148:7

Mumupalaye u Mwene, ukufuma pachisu ichapasi, namwe mwe vipeliwa ivikulu nkani ivya munyanja, sona ni nyanja zyosi inyibizu nkani,

Masalimo 33:6

U Mwene akanena bulo amazyu, po ivyakumwanya vikapeliwa. Intondwa, umwezi ni zuba bo afuta bulo umuyi.

Ivyili 8:24

Ane nkapeliwa bo ni nyanja zichili pakupeliwa bo ni mbwibwi zichili pakuba na mizi.

Yesaya 31:5

Ngati mumo utuyuni tukubulukila mumwanya, momumo u Mwene Uwamaka Ghosi, akwiza pakumuvighilila u Yelusalemu, akwiza pakumuvighilila nukumupoka, akwiza pakumusungilila nukumutabula.”

Yesaya 45:18

Izi zyo zizyo u Mwene akunena, yuyo akapela ichisu icha kumwanya, we Chala. Weyuyo akachipela atakachipela ukuti, mutakabanjemo nakamokamo, loli akachipela ukuti chibanje chakwikalamo abantu. U Mwene akuti, “Ane ne Mwene atalipo uyunji.”

Yelemiya 4:23

Nkenelezya pachisu ichapasi, chitakaba na kantu nakamokamo, sona nkennya kumwanya nkagha ukuti ulukozyo lutaliko.

Nahumu 2:10

Akaya aka Ninive kananganika, kaba chisami sona abantu bepamo, amoyo ghabo ghasunguluka, ivimpevu vyabo vyawa ubwazi, amabili ghabo ghakutetema, ivyeni vyosi vili nichitima.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Ukukumbusya Amalamulo 32:11

Ngati lizwanga lilyo likumanyisya abana bache ukubuluka, lilyo likubuluka pamwanya pa bana bache nukukuzula ivipapande vyache, ukuti libaleme abana bala, nukubanyamula abana bala pavipapande vyache.