Ubwandilo 1:16 - IBAYIBOLO 2024

¹⁶ U Chala akapela inkozyo inkulu nkani zibili: Akapela izuba ukuti lilamaye pamusanya, sona nu mwezi ukuti ghulamaye pabusiku. Akapela sona intondwa.

Ubwandilo 1:16 Iomraidhean Croise

Ubwandilo 1:15

Inkozyo zinizi zikwiza pakulamagha kumwanya pakuchipa ichisu ichapasi ulukozyo.” Po naloli ichi chikabombiwa.

Yobu 31:26

nanti nkanyonywa ukulama ukwa izuba pamo umwezi bo ukwenda mubuchindamu bwache,

Yobu 38:7

Bo intondwa izya kubuche zikwimbila poka sona bo abantumi bosi bakukolomoka mubuhobosu?

Masalimo 148:3

Wee lizuba nu mwezi, mumupalaye, mwee ntondwa mwe mukulama, namwe mumupalaye.

Masalimo 148:5

Vyosi vilipalaye itabwa ilya Mwene, pakuti bo alamula bulo, vyosi vikapeliwa.

Masalimo 19:6

Likufuma kubumalilo boka ubwa kumwanya nukuzyungulila mupaka kubumalilo ubunji. Sona chitalipo nachimochimo ichintu chicho chikuvwama ubutukizu bwache.

Masalimo 74:16

Umusanya wako sona bope ubusiku bwako, po ukabika umwezi ni zuba mubuzilo bwache.

Masalimo 8:3

Nanti nkwennya kumwanya, kuko ukakupela ni nyobe zyako, nu mwezi ni ntondwa vivyo uvibikite mubuzilo bwache.

Yesaya 13:10

Intondwa izya kumwanya ni vibunga vyabo vitakwiza pakulama. Izuba lilyo likulama likwiza pakuba muchisi, ghope umwezi ghutakwiza pakulama.

Yesaya 24:23

Umwezi ghukwiza pakwima, lyope izuba litakwiza pakulama, pakuti u Mwene Uwamaka Ghosi akwiza pakulaghila, pighamba ilya Ziyoni na mu Yelusalemu, po pantazi pa basongo pakwiza ukuboneka ubuchindamu.

Yesaya 40:26

Inusya amaso ghako nukwennya kumwanya, Nkimba wewenu yuyo akavipela vyosi vinivi? Weyuyo akulongozya ivilundilo ngati vyabasilikali, nukuvyita amatabwa vyosi, pachifukwa ichamaka ghache amakulu nkani, sona chitalipo nachimo chicho chikusobelapo.

Yesaya 45:7

Nkupela ulokozyo ni chisi, nkwiza nulusayo sona nintamyo. Ane ne Mwene nkubomba zyosi zinizi.

Yelemiya 31:35

U Mwene Uwamaka Ghosi akuti, “Nkulamula izuba ukuti lilamaye pamusanya, nkulamula u mwezi ni ntondwa ukuti vilamaye pabusiku, sona nkuyilamula inyanja, umwakuti amayigha ghapongomokaye.

Habakuku 3:11

Izuba nu mwezi vikimilila bulo mumwanya, bo vyennya ukubuluka ukwa tulasilo twako, sona nukulama ukwa kumesya ukwa mpalala zyako.

Matayi 24:29

“Nanti intamyo izya masiku ghanagho zyachila bulo, izuba likwiza pakuba muchisi, umwezi ghute ghukalame nalumo, intondwa zikwiza pakuwa ukufuma kumwanya, sona ivintu ivya maka kumwanya vikwiza pakuyingana.

Matayi 27:45

Pakasi pamusanya ichisi chikawa muchisu chosi mupaka fili koloko pachamabwila.

1 Aba Kolinti 15:41

Izuba lili nukulama ukwache nu kwache, ghope umwezi ghuli nukulama ukunji, sona intondwa zyope zili nukulama ukunji; sona pope pakasi pa ntondwa pali ukulama ukwakulekanalekana.

Ukukumbusya Amalamulo 4:19

Nanti mwinusya amaso ghinyu kumwanya nukulyennya izuba nu mwezi ni ntondwa kokuti ivintu vyosi ivyamaka ivya kumwanya mutakadebiwanje pakuvifughamilila nukuvyiputa. Pakuti u Mwene u Chala winyu abapa abantu aba inko izinji izya muchisu ichapasi ivintu vinivi ukuti vibavwanje.

Ubuvumbuli 21:23

Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.