Ubwandilo 1:11 - IBAYIBOLO 2024

¹¹ Po u Chala akati, “Ichisu ichapasi chimezyanje ivibyalwa vyosi ivyakulekanalekana, vivyo vikwela ivikomwa ivya seke zizyo zili nu bwezya ubwakulekanalekana.” Po naloli ichi chikabombiwa.

Ubwandilo 1:11 Iomraidhean Croise

Ubwandilo 1:12

Ichisu ichapasi chikamezya ivibyalwa vyosi ivyakulekanalekana, po u Chala akennya ukuti ichi chikaba chiza bulo.

Ubwandilo 1:29

Po u Chala akati, “Ennya, nkubapa ivibyalwa vyosi ivyakulekanalekana na makwi ghagho ghakwela ivikomwa ukuti mulyanje.

Ubwandilo 2:16

U Mwene u Chala akamubuzya umuntu yula akati, “Ungalya ivikomwa ivya mumakwi ghosi agha mumughunda ughu.

Ubwandilo 2:5

pachisu ichapasi patakabapo nachimo ichibyalwa. Imbeyu zikaba zichili zitamelite, pakuti u Mwene u Chala akaba achili atatumite nayimo ivula, sona patakabapo nayumo umuntu uwakuti angalima ichisu chilachila.

Ubwandilo 2:9

U Mwene u Chala akamezya amakwi amiza aghakulekanalekana nukupa ivikomwa ivyiza. Pakasikasi pa mughunda ghulaghula pakaba ikwi ilyakupa ubumi, sona nikwi ilyakumanyila ubwiza nu bubibi.

Yobu 28:5

Ivyakulya vikufuma mwitope, loli kuntende kuchisu kukupunta, ngati mabwe aghakocha numoto.

Masalimo 1:3

Umuntu yunuyu ayanite bulo nikwi ilya mulubazu ulwalusoko, lilyo likwela ivikomwa pakabalilo kache, amani ghache ghatakufoka. Vyosi vivyo akubomba vikumwendela akiza.

Masalimo 147:8

Kumwanya akukuvwinka na mabingu, nukutimizya ivula pachisu ichapasi, sona akumezya isote mumaghamba.

Yesaya 61:11

Pakuti ngati mumo itope likumezezya imbeyu, sona ngati mumo umughunda, ghukukuzizya imbeyu, zizyo babyalitemo, momumo u Mwene Uwamaka Ghosi, wepe akwiza pakubombela nu bugholosu, namapalo pamaso pa inko zyosi.

Yelemiya 17:8

Akwiza pakuba ngati likwi lilyo libyaliwe mulubazu ulwa lusoko lilyo amagululuzi ghache ghakutabila kulusoko. Litakunyilapo nu butukizu, akabalilo kosi amani ghache mateta. Litakupasyapo nululanga, sona litakupotwa pakwela ivikomwa.”

Matayi 3:10

Intemo yiyaniziwe kale pakudumula amakwi pasi pamagululuzi. Ikwi lyosi lilyo litakwela ivikomwa ivyiza likwiza pakudumuliwa nukusumbiwa pamoto.

Matayi 6:30

Nanti u Chala angaghavwika amasote, ghagho ghaliko ilelo nukughasumbila pamoto indabi, nkimba atangabavwika amwe. Mwe bantu aba lwitiko ulunandi amwe?

Maliko 4:28

Itope ilyene likumezya imbeyu nukwelezya, chikwanda tasi ichipembezannya, pisinda pache akamutu, pabumalilo akankoso kako kakwizula ni seke.

1 Aba Kolinti 15:38

Loli u Chala akuyipa akabonekele kako ighanite, imbeyu yosi akuyipa akabonekele kache, kako kakuyiyana.

Aba Hebeli 6:7

U Chala akulisaya itope lyosi lilyo likupokela ivula yiyo yikutima pipipipi nukwelezya imbeyu zizyo zikwavwa abantu babo bakuzilima.

Yakobo 3:12

Mwee bakamu bane, nkimba ikwi ilya ikuyu lingela isyunguti, pamo ulutabo ulwa mampesya lungela ivikomwa ivya makuyu? Nkimba imbwibwi iya mizi aghambeya yingafumya amizi amiza?