Ubwandilo 1:10 - IBAYIBOLO 2024

¹⁰ U Chala akachita ichisu ichumizu chila ukuti, “Ichisu ichapasi.” Po amizi ghagho ghakabungana pabuzilo boka akaghita ukuti, “Nyanja.” U Chala akennya ukuti ichi chikaba chiza bulo.

Ubwandilo 1:10 Iomraidhean Croise

Ubwandilo 1:4

U Chala akennya ukuti ulukozyo lula lukaba lwiza. Po akalulesannya ulukozyo lula ni chisi.

Masalimo 104:31

Ubuchindamu ubwa Mwene bubanjeko bwila na bwila, sona u Mwene ahobokaye ni mbombo zyache.

Masalimo 146:6

umupeli uwakumwanya ni chisu ichapasi, poka ni nyanja na vyosi vivyo vili mulamula u Mwene musubiliwa bwila na bwila.

Masalimo 33:7

Akaghabungannya amizi agha munyanja nukughabika impaka, sona amizi amibizu akighalila munyumba izyakusungilamo ivintu.

Masalimo 95:5

Inyanja yache, pakuti weyuyo akayipela, sona inyobe zyache zyo zizyo zikachimata ichisu ichapasi.

Yona 1:9

U Yona akamula akati, “Ane ne mu Hebeli sona nkumwiputa u Mwene u Chala uwakumwanya, yuyo akapela inyanja ni chisu ichapasi.”

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.