Ubwandilo 1:1 - IBAYIBOLO 2024

¹ Ukwandila ko kubwandilo u Chala akapela kumwanya ni chisu ichapasi.

Ubwandilo 1:1 Iomraidhean Croise

2 Abamwene 19:15

U Hezekiya akiputa kwa Mwene akati, “Wee Mwene u Chala uwa Izilayeli wewe ukwikala pabakelubi, wewe Chala wemwene mpela pabumwene bosi ubwa pachisu ichapasi. Ukapela ichisu ichakumwanya ni chapasi.

1 Imbili 16:26

Pakuti abachala abanji bosi aba inko vifwani bulo, loli u Mwene weyuyo akapela kumwanya.

2 Imbili 2:11

U mwene u Hilamu uwa ku Tile akamwamula u Solomoni pakumutumila ukalata uwakuti, “U Mwene abaghanite abantu bache. Ichi cho chifukwa akusalite ukuti ubanje we mwene wabo.”

Nehemiya 9:6

Awe we Mwene mpela. Ukapela kumwanya sona na kumwanya nkani ni ntondwa zyosi ni chisu ichapasi poka na vyosi vivyo vili mulamula ni nyanja poka na vyosi vivyo vili mulamula. Awe ukavipa ubumi ivintu vyosi, sona vyosi ivya kumwanya vikukwiputa.

Yobu 26:13

Nu muyi wache kumwanya kukaba bulo swee; inyobe yache yikalasa injoka yiyo yikachimbilagha.

Yobu 38:4

“Nkimba ukaba ko kwiyi bo nkwala ulwalo ulwachisu ichapasi? Mbuzye nanti uzimenye.

Yobu 9:8

Weyuyo mwene akala kumwanya, sona akukanya panyuma iya nyivwila.

Masalimo 102:25

Pakwanda ukala ulwalo lwachisu ichapasi, sona kumwanya yo mbombo izya nyobe zyako.

Masalimo 104:24

Wee Mwene, wabomba ivintu ivyinji nkani. Na mahala ghako ukavipela ivintu vyosi, ichisu ichapasi chizuye ni vipeliwa vyako.

Masalimo 104:30

Nanti wavitumila umuyi wako, vikupeliwa, sona ichisu ichapasi ukuchipela chipyachipya akabonekele kache.

Masalimo 115:15

U Mwene abasaye, yuyo we Mupeli uwakumwanya ni chisu ichapasi.

Masalimo 121:2

Ubwavwilizi bwane bukufuma kwa Mwene, yuyo we Mupeli uwakumwanya ni chisu ichapasi.

Masalimo 124:8

Ubwavwilizi bwitu bukufuma kwa Mwene, yuyo we mupeli uwakumwanya ni chisu ichapasi.

Masalimo 134:3

U Mwene yuyo Mupeli uwakumwanya ni chisu ichapasi, abasaye bo ali mu Ziyoni.

Masalimo 136:5

Na mahala ghache akapela kumwanya. Ulughano lwache lwa bwila na bwila.

Masalimo 146:6

umupeli uwakumwanya ni chisu ichapasi, poka ni nyanja na vyosi vivyo vili mulamula u Mwene musubiliwa bwila na bwila.

Masalimo 33:6

U Mwene akanena bulo amazyu, po ivyakumwanya vikapeliwa. Intondwa, umwezi ni zuba bo afuta bulo umuyi.

Masalimo 33:9

Pakuti bo anena bulo, ichisu ichapasi chikapeliwa, sona bo alamula bulo, ichisu ichapasi chikikalana.

Masalimo 8:3

Nanti nkwennya kumwanya, kuko ukakupela ni nyobe zyako, nu mwezi ni ntondwa vivyo uvibikite mubuzilo bwache.

Masalimo 8:4

Nkimba umuntu wewenu ukuti umukumbukaye? Umwana uwa muntu wewenu ukuti umusungaye akiza?

Masalimo 90:2

Bo amaghamba ghatapapiwe, pamo bo utachipelite ichisu ichapasi, awe we Chala bwila na bwila.

Masalimo 96:5

Pakuti abachala abanji bosi aba inko vifwani bulo, loli u Mwene weyuyo akapela kumwanya.

Ukufuma 20:11

“Pakuti mumasiku sikisi u Mwene akapela kumwanya ni chisu ichapasi, poka ni nyanja, sona na vyosi vivyo vili mulamula, loli nkatuzya pisiku ilyaseveni. Ichi cho chifukwa ane ne Mwene nkalisaya Isiku Ilyakutuzya pakuba lizelu.

Ukufuma 31:18

Bo u Mwene amala pakunena nu Mozesi pighamba ilya Sinayi, akamupa amabwe amapapate mabili, papo u Chala umwenecho akasimbapo amalamulo ni nyobe yache.

Ivyili 16:4

Chosi chicho u Mwene achipelite chili nu bumalilo bwache, po ubumalilo ubwa muntu umubibi ko kunanganika.

Ivyili 3:19

Na mahala u Mwene akala ulwalo ulwa chisu ichapasi, nukwivwisya ivintu akachikazya ichisu icha kumwanya.

Umulumbilili 12:1

Umukumbukaye Umupeli mumasiku ghako agha bulumendo bwako, bo amasiku agha ntamyo ghatafikite, sona bo ghatapalamiye amaka ghagho ukwiza pakunena ukuti, “Intakwilagha ubumi.”

Yesaya 37:16

“Wee Mwene Uwamaka Ghosi, u Chala uwa Izilayeli wewe ukwikala pabakelubi, wewe Chala we mwene mpela pabumwene bosi ubwa pachisu ichapasi. Ukapela ichisu ichakumwanya ni chapasi.

Yesaya 40:21

Nkimba mutazimenye? Nkimba mutivuye? Fwandi batakubuzizyepo ukwanda po pabwandilo? Nkimba mutakivwa ukwanda papo ichisu chikapeliwanga?

Yesaya 40:26

Inusya amaso ghako nukwennya kumwanya, Nkimba wewenu yuyo akavipela vyosi vinivi? Weyuyo akulongozya ivilundilo ngati vyabasilikali, nukuvyita amatabwa vyosi, pachifukwa ichamaka ghache amakulu nkani, sona chitalipo nachimo chicho chikusobelapo.

Yesaya 40:28

Nkimba mutazimenye? Nkimba mutivuye? U Mwene we Chala uwa bwila na bwila, umupeli uwa bumalilo ubwa chisu. Atakulita pamo ukudedebala, atalipo nayumo yuyo angaghamanya amahala ghache.

Yesaya 42:5

U Chala u Mwene akapela ichisu ichakumwanya nukuvikuzula, akapela ichisu ichapasi navyosi vivyo vikufuma mumo, akubapa umuyi abantu bache, sona akubapa ubumi babo bakwendapo.

Yesaya 44:24

U Mwene, yuyo akabamata mulwanda, nukubatabula akuti, “Ane ne Mwene, yuyo apelite ivintu vyosi, yuyo mwene akachikuzula ichisu ichakumwanya, yuyo akachizungulula ichisu ichapasi,

Yesaya 45:18

Izi zyo zizyo u Mwene akunena, yuyo akapela ichisu icha kumwanya, we Chala. Weyuyo akachipela atakachipela ukuti, mutakabanjemo nakamokamo, loli akachipela ukuti chibanje chakwikalamo abantu. U Mwene akuti, “Ane ne Mwene atalipo uyunji.”

Yesaya 51:13

Loli wamuluvya u Mwene umupeli wako, yuyo akachikuzula ichisu icha kumwanya, nukwala ulwalo ulwa pachisu ichapasi, ukwendelela pakunyila akabalilo kosi pachifukwa icha bukali ubwa bayinvyi. Nkimba wewenu yuyo akulonda pakunangannya? Nkimba kuli kwiyi ukukalala ukwa muyinvyi?

Yesaya 51:16

Naghabika amazyu ghane mumulomo wako, nukukufisa nu muzyezye uwa nyobe yane. Ane nkabika ichisu icha kumwanya mubuzilo bwache, nkala ulwalo ulwa ichisu ichapasi, yuyo akumubuzya u Ziyoni ukuti, “Mwe bantu bane.”

Yesaya 65:17

“Ennya, nkwiza pakupela, ichisu ichakumwanya ichipya ni chapasi ichipya. Ivintu ivyakale vitakwiza pakukumbukiwamo, pamo ukwiza munyinong'ono.

Yelemiya 10:12

U Chala akapela ichisu ichapasi na maka ghache, na mahala ghache akapela ichisu chosi ichapasi mubumanyi bwache akachikuzula ichisu icha kumwanya.

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Yelemiya 51:15

U Mwene akapela ichisu ichapasi na maka ghache, na mahala ghache akapela ichisu chosi ichapasi mubumanyi bwache akachikuzula ichisu icha kumwanya.

Zekaliya 12:1

Agha gho mazyu aghabulaghuzi agha Mwene ghagho ghakunena nizya Izilayeli. U Mwene yuyo akapela ichisu ichakumwanya, weyuyo akala ulwalo ulwa chisu ichapasi, sona weyuyo akaghupela umuzimu ghugho ghuli mumuntu akuti,

Matayi 11:25

Pakabalilo kalakala u Yesu akati, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi.

Maliko 13:19

Pakuti intamyo izya masiku ghala zikwiza pakuba mpalapala nkani ukuchila zyosi zizyo ichisu ichapasi chikomanitepo nazyo ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Imbombo 14:15

“Mwebaya mwee, choni chicho mukubomba zinizi? Aswe twe bantu bulo ngati mwemwe! Tuli pano pakulumbilila kukwinyu Amazyu Amiza, ukuti muvileke ivintu ivibibi nukumukonka u Chala umumi, yuyo akapela kumwanya, ni chisu ichapasi, ni nyanja, sona na vyosi vivyo vili mulamula.

Imbombo 17:24

U Chala yuyo akapela ichisu na vyosi vivyo vili mumo, we Mwene uwakumwanya ni chisu ichapasi, sona atakwikala munyumba izyakwiputilamo, zizyo zizengiwe ni nyobe izya bantu.

Imbombo 4:24

Bo bivwa zinizi, bosi bakaba poka munyiputo kwa Chala nukuti, “Wee Mwene Uwamaka Ghosi ukapela kumwanya ni chisu ichapasi ni nyanja sona na vyosi vivyo vili mulamula!

Aba Loma 11:36

Pakuti ivintu vyosi vikapeliwa nawe, sona vili nubumi ukwendela mumwache, sona ni chifukwa icha yuyo. Kwa Chala kubanje ubuchindamu ubwa bwila na bwila! Ameni.

1 Aba Kolinti 8:6

loli aswe u Chala alipo weka mpela, we Tata, yuyo mupeli uwa vintu vyosi, sona weyuyo naswe twenizyeko amaso. Alipo u Mwene weka mpela, u Yesu Kilisitu, yuyo ukwendela mumwache ivintu vyosi vikapeliwa, sona ukwendela mumwache aswe tuli nubumi.

Aba Efeso 3:9

sona nukuti imbalingannye akiza abantu bosi nizya kubusyefu zinizi, zizyo ku nkulilo inyinji zyafisiwe mwa Chala, yuyo akapela ivintu vyosi,

Aba Hebeli 1:10

U Chala akanena sona akati, “Wee Mwene, awe wewe ukala ulwalo ulwa chisu ichapasi pabwandilo, sona kumwanya zyo mbombo izya nyobe zyako.

Aba Hebeli 1:2

Loli mumasiku aghabumalilo agha anena namwe ukwendela mu Mwana wache, yuyo akamwimika ukuti apyane ivintu vyosi, sona akapela ichisu ichapasi ukwendela mumwache.

Aba Hebeli 11:3

Lo lwitiko lulo lukutupela aswe ukwivwisya ukuti ichisu chosi chikapeliwa nizyu ilya Chala, sona nukuti ivintu vivyo vikuboneka na maso vikapeliwa kuvintu vivyo vitakuboneka na maso.

Aba Hebeli 3:4

Pakuti inyumba zyosi zikuzengiwa nu muntu, loli u Chala we muzengi uwa vintu vyosi.

2 Pitala 3:5

Abene bakuluvya bulo madinko ukuti kale u Chala akapela kumwanya ni chisu ichapasi na mazyu ghache. Ichisu ichapasi chikapangiwa ukufuma ku mizi, sona na mizi.

1 Yohani 1:1

Tukubasimbila amwe nizya yuyo akwitiziwa ukuti we Mazyu amapela bumi, yuyo akabako ukwandila ko kubwandilo. Tukamwivwa sona tukamwennya na maso ghitu. Naloli twamwennya nukumupalamasya ni nyobe zyitu.

Ubuvumbuli 10:6

Po akalapa mwitabwa ilya Chala yuyo akubangako bwila na bwila, yuyo akapela kumwanya ni chisu ichapasi, ni nyanja, sona na vyosi vivyo vili mumo. Uwantumi yula akati, “Kutakwiza pakuba sona ukukaba!

Ubuvumbuli 14:7

Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu ichapasi ni nyanja sona ni mbwibwi izya mizi!”

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 22:13

Ane ne Alefa nu Omega. Ane ne Wakwanda nu Wakumalila. Ane ne Bwandilo nu Bumalilo.

Ubuvumbuli 3:14

“Uwantumi uwa muchipanga icha mu Labodikiya umusimbile uti, “Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha:

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”