Ubuvumbuli 9:4 - IBAYIBOLO 2024

⁴ Akabuziwa ukuti atakanangannye isote pamo amakwi, pamo kosi akamelwa. Loli akitikiziwa ukuti anangannye abantu bene babo bate ni chidindo icha Chala pa vyeni vyabo.

Ulufingo Ulupya

⁴ Akabuziwa ukuti atakanangannye isote pamo amakwi, pamo kosi akamelwa. Loli akitikiziwa ukuti anangannye abantu bene babo bate ni chidindo icha Chala pa vyeni vyabo.

Ubuvumbuli 9:4 Iomraidhean Croise

Yobu 1:10

Nkimba te pachifukwa ichakuti ukumuzighilila yuyo poka na bamunyumba yache sona ni vintu vyache vyosi vivyo ali navyo? Awe umusayite nkani pazyosi zizyo akubomba, umwakuti ing'ozi ni ng'ombe zyache zinyamite pachisu chosi ichapasi.

Yobu 1:12

Po u Mwene akamubuzya u Satana akati, “Chiza bulo, vyosi vivyo ali navyo navibika munyobe zyako, loli utakamupalamasyanje.” Po u Satana akepapo pamaso pa Mwene.

Yobu 2:6

U Mwene akamubuzya u Satana akati, “Chiza bulo, ungamuyivya ukuyana namumo ukulondela, loli umulekele ubumi bwache.”

Masalimo 76:10

Naloli ubukali bwako pabantu bukukupanga amapalo, po abantu babo bapona ku bukali bwako bakwiza pakukuchindika.

Ukufuma 12:23

Bo u Mwene akudumusannya muchisu pakughogha aba Ijiputi, akwiza pakulyennya ibanda mulubazu na pamwanya pamulyango. Po akwiza pakudumusannyapo bulo, sona atakwiza pakumwitikizya uwantumi uwa bufwe pakwinjila munyumba zinyu nukubaghogha.

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Ezekiyeli 9:6

Mubaghoghe abaghosi na balumendo na balindu na bakolo sona na bana loli utakamupalamasye yuyo ali ni chimanyilo. Anda pabuzilo bwane ubuzelu.” Po bakanda na baghosi babo bakaba pantazi pa Nyumba iya Chala.

Matayi 24:24

Pakuti abantu abinji abamyasi bakwiza pakuboneka nukuti bo bapoki abasaliwa, pamo balaghuzi. Bakwiza pakupela ivyika ni viswigho ukuti nanti chingabombiwa babazimbule na basaliwa aba Chala bulo.

Aba Efeso 4:30

Mutakamupelelaye ichitima u Muzimu Umuzelu uwa Chala, pakuti weyuyo chikole chache mumwinyu ichakuti mwe bantu bache, sona ni chakuti Isiku likwiza, lilyo u Chala akwiza pakubasatula.

Ubuvumbuli 14:1

Pisinda pache nkenelezya nukwennya u Mwana uwa ng'ozi imite pighamba ilya Ziyoni. Palapala akaba poka na bantu 144,000, babo pa vyeni vyabo pakasimbiwapo itabwa lyache, ni tabwa ilya wise.

Ubuvumbuli 6:6

Po nkivwa ngati lyo lizyu likunena mukasi muvipeliwa ivyabumi folo likuti, “Akampepe koka bulo aka vilombe, gho malipilo agha muntu pisiku lyoka, sona utumpepe tutatu bulo utwa malezi, gho malipilo agha muntu pisiku lyoka, loli utakanangannye amafuta gha syunguti nu vinyo!”

Ubuvumbuli 7:1

Pisinda pazinizi nkennya abantumi aba kumwanya folo bimiliye pankuto folo izya chisu ichapasi. Bakalema impepo folo umwakuti kutakabeko nayimoyimo impepo iyakukuka muchisu ichapasi pamo panyanja pamo pikwi lyosi.

Ubuvumbuli 8:7

Uwantumi uwakwanda akalizya ipati lyache, po kukiza amabwe agha vula numoto uwakonganikilana poka ni banda nukuvisumbila pachisu ichapasi. Ichigaba choka pa vigaba vitatu ivya chisu ichapasi chikapya, sona isote lyosi iteta likapya.