Ubuvumbuli 9:3 - IBAYIBOLO 2024

³ Umakanta akafuma mu lyosi lilalila nukwiza muchisu ichapasi, po akapeghiwa ulubolela lulo lukayana nulwa nkonya.

Ulufingo Ulupya

³ Ukanta akafuma mu lyosi lilalila nukwiza muchisu ichapasi, po akapeghiwa ulubolela lulo lukayana nulwa nkonya.

Ubuvumbuli 9:3 Iomraidhean Croise

1 Abamwene 12:11

Utata wane akabanyamulizyanga ikoli ing'wamu, loli ane nkwiza pakumupela ukuti abanje mung'wamu nkani ukuchilapo. Utata wane akabasyempa ni ndisa, loli ane nkwiza pakubalumizya na bankonya.’ ”

2 Imbili 10:11

Utata wane akabanyamulizya ikoli ing'wamu, loli ane nkwiza pakumupela ukuti abanje mung'wamu nkani ukuchilapo. Utata wane akabasyempa ni ndisa, loli ane nkwiza pakubalumizya na bankonya.’ ”

2 Imbili 10:14

Loli akivwila zizyo abalumendo abantanka yache bakamubuzya ukuti, “Utata wane akabanyamulizizya ikoli ing'wamu nkani, loli ane nkwiza pakulipela ikoli lila pakuba ling'wamu nkani ukuchilapo. Utata wane akabasyempa ni ndisa, loli ane nkwiza pakubalumizya na bankonya.”

Yesaya 33:4

Po ivyakufyula vikabunganikiwa ngati we kanta, ngati bwinji ubwa kanta momumo abantu bakunyelela pavyakufyula.

Ezekiyeli 2:6

Sona nawe we mwana uwa muntu utakabanyilaye, utakanyilaye, napapo abantolovu namivwa vikuzyunguliye sona ukwikala pakasi pabankonya. Utakanyilaye zizyo bakunena pamo bakukoghofya, napapo abamunyumba iyakusambuka.

Yoweli 1:4

Chicho impazi inandi zyachileka, impazi inkulu nkani zyalyacho, chicho impazi inkulu nkani zyachileka, umakanta umunandi alyacho. Chicho umakanta umunandi achileka, umakanta umukulu alyacho.

Yoweli 2:25

“Nkwiza pakubanyosezya papo, pamaka ghosi ghagho umakanta anangannyanga, umakanta umukulu nkani sona nu kanta umunandi, impazi izinji izyakunangannya, sona nu pyela. Banaba bo basilikali babo nkabatuma ukuti babavwe.

Nahumu 3:15

Kulakula umoto ghukwiza pakubalungulizya. Mukwiza pakughoghiwa kubwite, sona mukwiza pakuzimila ngati mumo umakanta akulyela ivibyalwa. Mupapanaye ngati we kanta sona mubalaye ngati mpazi!

Nahumu 3:17

Abalindilili binyu bali ngati mpazi, amakambala ghinyu ghali ngati we kanta, babo bamamatiye kulubumba pisiku ikatazu. Loli bo izuba lyafuma bakubuluka, po atalipo nayumoyumo yuyo akumanya kuko babuka.

Luka 10:19

Teghelezya, nabapa ubulaghili ubwakuti mungakanya injoka na bankonya nukupota amaka agha mulwani yula, po nachimochimo chicho chikwiza pakubavulazya.

Ukukumbusya Amalamulo 8:15

U Mwene akabalongolela munkolongo inkulu nkani ni yakoghofya yila, mumo mutakaba amizi, sona mukaba injoka izya bwanga na bankonya. Akabapa amizi aghakufuma mwilyalabwe.

Ubuvumbuli 9:5

Umakanta yula atakitikiziwa ukuti abaghoghe abantu banaba, loli kwene pakubayivya amezi fayivi. Ububavu bwache bukayana bulo nu bubavu ubwa nkonya.

Ubuvumbuli 9:7

Umakanta uyu akabonekagha ngati zyo falasi zizyo baziyanizye pakubuka kubwite. Pamitu yabo pakaba ichintu chimo chicho chikabonekagha ngati yo mpumpu iya golide, sona ivyeni vyabo vikaba ngati vyeni ivya bantu.

Abalongi 7:12

Aba Midiyani, naba Amaleki, poka na bantu abanji bosi abakubufumilo bwizuba bakazenga ivisakasa vyabo mwikombe. Abantu banaba bakasata bulo ngati we kanta, sona ingamila zyabo zikaba sita kubelengiwa ngati musesenga uwa mulubazu ulwanyanja.