Ubuvumbuli 9:14 - IBAYIBOLO 2024

¹⁴ Izyu lilalila likamubuzya uwantumi uwasikisi yula likati, “Basatule abantumi folo bala babo bapinyiwe pa lusoko ulukulu ulwa Yufuleti!”

Ulufingo Ulupya

¹⁴ Izyu lilalila likamubuzya uwantumi uwasikisi yula likati, “Basatule abantumi folo bala babo bapinyiwe pa lusoko ulukulu ulwa Yufuleti!”

Ubuvumbuli 9:14 Iomraidhean Croise

Ubwandilo 15:18

Pisiku lilalila, u Mwene akafinga ulufingo nu Abulamu akati, “Nkwiza pakubapa abaluko lwako ichisu chinichi, ukwandila ko kumpaka iya chisu icha Ijiputi mupaka kulusoko ulukulu nkani ulwa Yufuleti.

Ubwandilo 2:14

Ulusoko ulwabutatu we Tigilisi, lukwenda kubufumilo bwizuba ubwa chisu icha Asiliya, po ulusoko ulwafolo we Yufuleti.

2 Samuweli 8:3

U Devedi akamupota sona u Hadadezeli umwana uwa Lehobu, yuyo akaba we mwene uwamu Zoba, bo u Hadadezeli akubuka mulubazu ulwa lusoko ulwa Yufuleti pakubwikazya ubumwene bwache.

Yelemiya 51:63

Bo wamala pakubabelengela abantu ibuku ili, ulipinyilile nibwe nukulisumbila mulusoko ulwa Yufuleti.

Ukukumbusya Amalamulo 1:7

Losi ulu nyamuka ubulendo bwinyu. Bukagha kuchisu icha mumaghamba icha ba Amoli sona na kuchigaba ichipalamani nicha Alaba na mumaghamba, na muntende mumaghamba kubwinjililo bwizuba na ku Negebu poka na mulubazu ulwanyanja mupaka kuchisu icha ba Kenani na ku Lebanoni nukumalila kulusoko ulukulu ulwa Yufuleti.

Yoshwa 1:4

Impaka zyinyu zikwiza pakwandila munkolongo kuntende mupaka ku Lebanoni kumitu, ukwandila ko kulusoko ulukulu ulwa Yufuleti kubufumilo bwizuba, kokuti ichisu chosi icha ba Hiti, mupaka ku Nyanja iya Medeteleniya kubwinjililo bwizuba.

Ubuvumbuli 16:12

Uwantumi wasikisi akakupulila vivyo vikaba mulubako lwache mulusoko ulwa Yufuleti. Ulusoko lukapwa pakubayanizizya izila abamwene abakubufumilo bwizuba.

Ubuvumbuli 7:1

Pisinda pazinizi nkennya abantumi aba kumwanya folo bimiliye pankuto folo izya chisu ichapasi. Bakalema impepo folo umwakuti kutakabeko nayimoyimo impepo iyakukuka muchisu ichapasi pamo panyanja pamo pikwi lyosi.

Ubuvumbuli 7:2

Po nkennya sona uwantumi uwakumwanya uyunji akukwela kubufumilo bwizuba ali ni chidindo icha Chala umumi. Akabitizya abantumi folo bala nizyu ilya pamwanya nkani, babo u Chala akabapa amaka aghakunanganizizya ichisu ichapasi ni nyanja.

Ubuvumbuli 8:2

Po nkennya abantumi aba kumwanya seveni bimite pamaso pa Chala, sona bapeghiwe amapati seveni.

Ubuvumbuli 8:6

Abantumi seveni bala babo bakaba na mapati munyobe zyabo, bakiyannya ukuti balizye amapati ghala.

Ubuvumbuli 9:15

Abantumi folo bala bakabayanizya zila akabalilo kalakala, ni siku lilalila nu mwezi ghulaghula sona nu mwaka ghulaghula. Ilelo bakasatuliwa ukuti baghoghe ichigaba choka pa vigaba vitatu ivya bantu bosi.