Ubuvumbuli 8:9 - IBAYIBOLO 2024

⁹ Ichigaba choka pa vigaba vyosi vitatu icha vipeliwa ivyabumi munyanja, chikafwa, sona ichigaba choka pa vigaba vitatu ivya mabwato amakulu nkani vikananganika.

Ulufingo Ulupya

⁹ Ichigaba choka pa vigaba vyosi vitatu icha vipeliwa ivyabumi munyanja, chikafwa, sona ichigaba choka pa vigaba vitatu ivya mabwato amakulu nkani vikananganika.

Ubuvumbuli 8:9 Iomraidhean Croise

Masalimo 48:7

Ukabanangannya ngati mabwato agha ku Talishishi, ghagho ghakumongoliwa ni mpepo iyakubufumilo bwizuba.

Ukufuma 7:21

Iswi zyosi mulusoko lula zikafwa, ulusoko lula lukanunka akabibi nkani, umwakuti aba Ijiputi bakapotwa pakung'wela amizi ghache. Ibanda likaba posi na posi mu Ijiputi.

Yesaya 2:16

Akwiza pakughanangannya amabwato ghosi amakulu agha mu Talishishi nukughadwibizya, sona na mabwato ghosi agha kuboneka akiza.

Yesaya 23:1

Agha gho mazyu aghabulaghuzi ghagho ghakunena nizya kaya akakulu nkani aka Tile: Wee bwato ubukulu nkani ubwa Talishishi lilagha! Pachifukwa ichakuti akaya aka Tile kananganika, sona kasyala kate ni nyumba pamo iloboko. Amazyu ghaba gha abantu aba muchisu icha Sayipulasi.

Zekaliya 13:8

U Mwene akuti, “Muchisu chosi ivigaba vibili ivyavigaba vitatu, ivya bantu vikwiza pakughoghiwa, loli ichigaba choka ichavigaba vitatu chikwiza pakuba nubumi.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Ubuvumbuli 12:4

Nu musinda wache, inyivwila yila yikawesa ichigaba choka pa vigaba vitatu ivya ntondwa nukuzisumbila pachisu ichapasi. Inyivwila yila yikima pamaso pa mukolo yuyo akaba papipi pakusayiwa, umwakuti yilye umwana uwa mukolo yula, bo apapiwa bulo.

Ubuvumbuli 16:3

Po uwantumi uwabubili akakupulila vivyo vikaba mulubako lwache panyanja. Amizi ghakanduka libanda, ghagho ghakaba ngati lyo libanda ilya muntu umufwe, sona ivipeliwa ivyabumi vyosi munyanja mula vikafwa.

Ubuvumbuli 8:10

Po uwantumi uwabutatu akalizya ipati lyache. Ulutondwa ulukulu, lulo lukakagha ngati cho chikoka lukawila pachigaba choka icha vigaba vitatu ivya soko napa mbwibwi izya mizi.

Ubuvumbuli 8:12

Uwantumi uwafolo akalizya ipati lyache. Po ichigaba choka icha izuba nu mwezi ni ntondwa pa vigaba vitatu vikananganika, umwakuti ukulama kwabo ichigaba choka pa vigaba vitatu chikaleka pakulama. Kutakabako ulukozyo muchigaba choka pa vigaba vitatu ivya musanya, sona ni chigaba choka pa vigaba vitatu ivya busiku.

Ubuvumbuli 8:7

Uwantumi uwakwanda akalizya ipati lyache, po kukiza amabwe agha vula numoto uwakonganikilana poka ni banda nukuvisumbila pachisu ichapasi. Ichigaba choka pa vigaba vitatu ivya chisu ichapasi chikapya, sona isote lyosi iteta likapya.

Ubuvumbuli 9:15

Abantumi folo bala bakabayanizya zila akabalilo kalakala, ni siku lilalila nu mwezi ghulaghula sona nu mwaka ghulaghula. Ilelo bakasatuliwa ukuti baghoghe ichigaba choka pa vigaba vitatu ivya bantu bosi.

Ubuvumbuli 9:18

Ichigaba choka pa vigaba vitatu ivya bantu chikaghoghiwa ni viwaya vitatu: Umoto ni lyosi, sona nu sulufule vivyo vikafumagha mumalomo agha falasi zila.