Ubuvumbuli 8:3 - IBAYIBOLO 2024

³ Uwantumi uyunji yuyo akaba ni chakufukizizya utwakununkila icha golide, akiza nukwimilila pachighemo. Akapeghiwa utwakufukizya utwakununkila utwinji utwakonjelezya inyiputo izya bantu bosi aba Chala, sona umwakuti iyipe pachighemo icha golide chicho chikaba pantazi pachitengo icha bumwene.

Ulufingo Ulupya

³ Uwantumi uyunji yuyo akaba ni chakufukizizya utwakununkila icha golide, akiza nukwimilila pachighemo. Akapeghiwa utwakufukizya utwakununkila utwinji utwakonjelezya inyiputo izya bantu bosi aba Chala, sona umwakuti iyipe pachighemo icha golide chicho chikaba pantazi pachitengo icha bumwene.

Ubuvumbuli 8:3 Iomraidhean Croise

1 Abamwene 7:50

na mabeseni agha golide umwenecho ni vyakuyanizizya inyale ni mbale izyakunyafilila ibanda ni sonta sona nu twakufukizizya utwakununkila ni vilemelo ivya golide ivya pamilyango iya chipinda icha mukasi ni Chipinda Ichizelu nkani sona ni milyango iya chipinda ichikulu nkani icha Nyumba iya Chala.

Masalimo 141:2

Inyiputo zyane zibanje ngati twakufukizya utwakununkila pamaso papako. Ukukwezya inyobe zyane mumwanya, kubanje ngati cho chakwiyipa icha pachamabwila.

Ukufuma 40:26

Akabikamo ichighemo icha golide mu Chisakasa kuntazi ukwa mwenda uwakuzighila ghula,

Yesaya 6:6

Po weka uwa baselafi akambulukila, yuyo akanyamula izimwa ilyakwaka nichakupalila umoto munyobe zyache, lilyo akasenda pachighemo

Ezekiyeli 41:22

Pakaba ichighemo mumwanya chikaba imita lyoka nu hafu, mububaba imita lyoka, munkuto zyache. Pasi na mumbazu zyache vikaba vyamatabwa. Po umuntu akambuzya akati, “Ili lyo litebulo lilyo lili pamaso pa Mwene.”

Amosi 9:1

Nkamwennya u Mwene imiliye papipi ni chighemo, po akati, “Koma pamwanya pa mpanda umwakuti akasonje kaneng'ene, kawisizye pamitu iya bantu bosi babo bapona nkwiza pakubaghogha nupanga. Atakwiza pakubapo nayumoyumo uwakuchimbila, pamo uwakupona.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Ukubelengiwa 4:11

Pachighemo icha golide batengepo umwenda uwa buluu nukuchivwinka na makwela agha mbuzi, sona basomeke amakwi aghakunyamulila.

Ukubelengiwa 7:62

Akabika sona ibeseni lyoka ilya golide ilyakung'wama amagalamu 110, inyizule nu twakufukizya utwakununkila,

Luka 1:10

bo ichilundilo icha bantu chikwiputa kuzi pakabalilo kako ivyakununkila vikochiwanga.

Aba Loma 8:34

Po wewenu akwiza pakunena ukuti bali ninongwa? Ate we Kilisitu u Yesu awe, yuyo akafwa, nkaninkani yuyo akazyuka kubufwe nukuba nubumi, sona ali kunyobe indilo iya Chala. Akutwiputila aswe kwa Chala!

Aba Hebeli 7:25

Ichi cho chifukwa amenye pakubapoka abantu bosi babo bakwiza kwa Chala ukwendela mumwache. Pakuti umwene mumi bwila na bwila pakubalambilizikizya kwa Chala.

Aba Hebeli 9:4

Muchipinda chinichi mukaba ichighemo icha golide ichakufukizizyapo ivyakununkila. Mukaba sona Ibokosi ilya Lufingo, ibokosi lyosi kuzi na mukasi bulo likamatiwa nu golide. Mubokosi mulamula mukaba isonta, mumo mukaba umana ni ndisa iya Aloni yiyo yikalemba amani. Mukaba sona amabwe amapapate mabili papo pakasimbiwapo amalamulo.

Ubuvumbuli 10:1

Pisinda pache nkamwennya uwantumi uyunji uwamaka akwika kumwanya. Akavwinkiwa mwibingu, sona kumutu wache kukaba umupingopingo uwa vula. Icheni chache chikaba ngati lyo lizuba, sona ivinama vyache vikaba ngati zyo mpanda izya moto.

Ubuvumbuli 14:18

Uwantumi uwamwabo yuyo akaba we songo uwa moto akiza ukufuma ku chighemo. Akakolomoka nkani ku wantumi yuyo akaba ni sengo yiyo yikwete nkani akati, “Bombezya isengo yako pakuyaba amampesya mumughunda uwa mampesya muchisu ichapasi pakuti amampesya ghatona.”

Ubuvumbuli 5:8

Bo apokela ibuku lila, ivipeliwa ivyabumi folo vila na basongo 24 bala bakawa pasi pamaso pa Mwana uwa ng'ozi. Wesi akalema ipango, ni mbako izya golide zyizuye nu twakufukizya utwakununkila, zizyo nyiputo izya bantu abazelu aba Chala.

Ubuvumbuli 6:9

Bo u Mwana uwa ng'ozi amamatula ichimatilo ichafayivi, nkennya imizimu iya bantu muntende mwa chighemo, babo bakaghoghiwa pachifukwa icha mazyu agha Chala, sona nu lusimikizyo lwabo ulwamaka.

Ubuvumbuli 7:2

Po nkennya sona uwantumi uwakumwanya uyunji akukwela kubufumilo bwizuba ali ni chidindo icha Chala umumi. Akabitizya abantumi folo bala nizyu ilya pamwanya nkani, babo u Chala akabapa amaka aghakunanganizizya ichisu ichapasi ni nyanja.

Ubuvumbuli 8:4

Ilyosi ilya utwakufukizya utwakununkila tuto tukaba munyobe izya wantumi yuyo akimilila pamaso pa Chala likakwela kumwanya poka ni nyiputo izya bantu aba Chala.

Ubuvumbuli 8:5

Po uwantumi yula akasenda ichakufukizizya utwakununkila tula nukuchizuzya numoto uwa pachighemo nukuchisumbila pachisu ichapasi. Pakabalilo kalakala kukaba amabingu, ni vyongo nu tumesya, sona na kasenyenta.

Ubuvumbuli 9:13

Po uwantumi wasikisi akalizya ipati lyache. Po nkivwa izyu kunkuto folo izya chighemo icha golide, chicho chikaba pamaso pa Chala.