Ubuvumbuli 8:11 - IBAYIBOLO 2024

¹¹ Itabwa ilya lutondwa lulalula likaba we “Kubaba.” Ichigaba choka icha vigaba vitatu ivya mizi chikababagha, sona abantu abinji bakafwa, bo bang'wela amizi ghalaghala pakuti ghakababagha nkani.

Ulufingo Ulupya

¹¹ Itabwa ilya lutondwa lulalula likaba we “Kubaba.” Ichigaba choka icha vigaba vitatu ivya mizi chikababagha, sona abantu abinji bakafwa, bo bang'wela amizi ghalaghala pakuti ghakababagha nkani.

Ubuvumbuli 8:11 Iomraidhean Croise

Ukufuma 15:23

Bo bafika pa Mala, bakapotwa pakung'wela amizi pabuzilo bulabula pachifukwa ichakuti amizi ghala ghakubabagha. Ichi cho chifukwa ubuzilo bula bukwitiziwanga ukuti Mala.

Ivyili 5:4

Loli pabumalilo pache akubaba ngati zyo mpilipili, sona ngati wepanga yuyo akwete kosi na kosi.

Yelemiya 23:15

Polelo, pakunena nizya balaghuzi banaba, u Mwene Uwamaka Ghosi akuti, “Nkwiza pakubalyesya ivyakulya ivibabe, sona bakwiza pakung'wela amizi agha bwanga, pachifukwa ichakuti ukwendela mu balaghuzi aba mu Yelusalemu imbeyu imbibi yapesiwa muchisu chosi.”

Yelemiya 9:15

Polelo, u Mwene Uwamaka Ghosi, u Chala uwa Izilayeli akuti, “Ennya, nkwiza pakubalyesya abantu banaba ichakulya ichibabe sona nukubang'wesya amizi agha bwanga.

Nkuto 3:19

Nkughakumbuka amayimba ghane nu kwendakwenda kwane kosi, sona ni vyakubaba vivyo nkang'wela nintamyo zyane.

Nkuto 3:5

Anzyunguliye nintamyo kosi na kosi sona ni vintu ivipalapala.

Amosi 5:7

Mwabwandula ubwanaloli pakuba bubavu, nukubusumbila ubugholosu palufumbi.

Amosi 6:12

Nkimba ifalasi zikuchimbila mumabwe? Nkimba umuntu angalima mulamula ni nkambaku? Loli ubwanaloli mwabupela pakuba chimelwa ichakughogha, vyope ivikomwa ivya bugholosu mwavipela pakuba vyakubaba,

Zekaliya 13:8

U Mwene akuti, “Muchisu chosi ivigaba vibili ivyavigaba vitatu, ivya bantu vikwiza pakughoghiwa, loli ichigaba choka ichavigaba vitatu chikwiza pakuba nubumi.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Ukukumbusya Amalamulo 29:18

Mwenelezye ukuti atakabepo nayumoyumo umwanavuli pamo umukolo pamo inyumba pamo uluko kokuti amwe mwebosi mwe mwimiliye pano ilelo mwapaghukako kwa Mwene u Chala witu nukubiputa abachala aba inko izinji. Mwenelezye nkani ukuti katakabepo nakamokamo akagululuzi pakasi papinyu kako kangela ivikomwa ivyakubaba nivimelwa ivyakughogha.

Aba Hebeli 12:15

Mubanje maso ukuti atakabepo nayumo umuntu yuyo akwiza pakupotwa pakupokela ichisa icha Chala. Patakabepo nachimo ichimelwa ichakubaba, chicho chingamela pakasi papitu nukubapelela abantu abinji intamyo nukubaba kwache.

Ubuvumbuli 12:4

Nu musinda wache, inyivwila yila yikawesa ichigaba choka pa vigaba vitatu ivya ntondwa nukuzisumbila pachisu ichapasi. Inyivwila yila yikima pamaso pa mukolo yuyo akaba papipi pakusayiwa, umwakuti yilye umwana uwa mukolo yula, bo apapiwa bulo.

Ubuvumbuli 8:7

Uwantumi uwakwanda akalizya ipati lyache, po kukiza amabwe agha vula numoto uwakonganikilana poka ni banda nukuvisumbila pachisu ichapasi. Ichigaba choka pa vigaba vitatu ivya chisu ichapasi chikapya, sona isote lyosi iteta likapya.

Ubuvumbuli 9:15

Abantumi folo bala bakabayanizya zila akabalilo kalakala, ni siku lilalila nu mwezi ghulaghula sona nu mwaka ghulaghula. Ilelo bakasatuliwa ukuti baghoghe ichigaba choka pa vigaba vitatu ivya bantu bosi.

Ubuvumbuli 9:18

Ichigaba choka pa vigaba vitatu ivya bantu chikaghoghiwa ni viwaya vitatu: Umoto ni lyosi, sona nu sulufule vivyo vikafumagha mumalomo agha falasi zila.

Luti 1:20

U Nabomi akababuzya akati, “Mutakanyitizyanje ukuti Nabomi, loli mutinji Mala, pakuti Uwamaka Ghosi anjivya nkani.