Ubuvumbuli 8:10 - IBAYIBOLO 2024

¹⁰ Po uwantumi uwabutatu akalizya ipati lyache. Ulutondwa ulukulu, lulo lukakagha ngati cho chikoka lukawila pachigaba choka icha vigaba vitatu ivya soko napa mbwibwi izya mizi.

Ulufingo Ulupya

¹⁰ Po uwantumi uwabutatu akalizya ipati lyache. Ulutondwa ulukulu, lulo lukakagha ngati cho chikoka lukawila pachigaba choka icha vigaba vitatu ivya soko na pa mbwibwi izya mizi.

Ubuvumbuli 8:10 Iomraidhean Croise

2 Imbili 32:3

akaghabuzikizya amakambala ghache, na basongo aba basilikali bache nizya kwighalila imbwibwi izya mizi kuzi ukwa kaya akakulu nkani, po bakamwavwa.

Yesaya 12:3

Nulusekelo mukwiza pakusembamo amizi muchiziba icha bupoki.

Yesaya 14:12

Wawa ukufuma kumwanya, wee lutondwa ulwa pandabindabi, we mwana uwa kubuche! Wasumbiwa pachisu ichapasi, wewe ukaziwisya pasi inko!

Zekaliya 13:8

U Mwene akuti, “Muchisu chosi ivigaba vibili ivyavigaba vitatu, ivya bantu vikwiza pakughoghiwa, loli ichigaba choka ichavigaba vitatu chikwiza pakuba nubumi.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Matayi 25:1

“Pakabalilo kalakala Ubumwene ubwa Kumwanya bukwiza pakuyana bulo na balindu bamo teni, babo bakasenda inyale zyabo nukubuka pakulindilila umwenesendwa.

Luka 10:18

U Yesu akabamula akati, “Nkennya u Satana akuwa ngati ko kamesya ukufuma kumwanya.

Yuda 1:13

Bayanite bulo na mayigha aghakoghofya agha panyanja ghagho ghakufumya itatafulu ilya mbibi zyabo. Bayanite bulo ni ntondwa zizyo zikwendakwenda bulo. U Chala abasungiye ubuzilo ubwa chisi ichakoghofya nkani icha bwila na bwila.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 12:4

Nu musinda wache, inyivwila yila yikawesa ichigaba choka pa vigaba vitatu ivya ntondwa nukuzisumbila pachisu ichapasi. Inyivwila yila yikima pamaso pa mukolo yuyo akaba papipi pakusayiwa, umwakuti yilye umwana uwa mukolo yula, bo apapiwa bulo.

Ubuvumbuli 14:7

Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu ichapasi ni nyanja sona ni mbwibwi izya mizi!”

Ubuvumbuli 16:4

Uwantumi uwabutatu akakupulila vivyo vikaba mulubako lwache musoko na mu mbwibwi izya mizi. Po amizi ghala ghakanduka libanda.

Ubuvumbuli 6:13

Intondwa izya kumwanya zikalaghala pachisu ichapasi ukuyana namumo amakuyu amabisi ghakulaghalila mwikwi, bo impepo iyamaka yikuliyingannya.

Ubuvumbuli 8:7

Uwantumi uwakwanda akalizya ipati lyache, po kukiza amabwe agha vula numoto uwakonganikilana poka ni banda nukuvisumbila pachisu ichapasi. Ichigaba choka pa vigaba vitatu ivya chisu ichapasi chikapya, sona isote lyosi iteta likapya.

Ubuvumbuli 9:1

Palapala uwantumi uwafayivi akalizya ipati lyache. Po nkennya lutondwa ulwa kumwanya lulo lukawila pachisu ichapasi. Lukapeghiwa inyighulilo iyakwighulila muchibanka ichibizu nkani.

Ubuvumbuli 9:15

Abantumi folo bala bakabayanizya zila akabalilo kalakala, ni siku lilalila nu mwezi ghulaghula sona nu mwaka ghulaghula. Ilelo bakasatuliwa ukuti baghoghe ichigaba choka pa vigaba vitatu ivya bantu bosi.

Ubuvumbuli 9:18

Ichigaba choka pa vigaba vitatu ivya bantu chikaghoghiwa ni viwaya vitatu: Umoto ni lyosi, sona nu sulufule vivyo vikafumagha mumalomo agha falasi zila.

Abalongi 15:11

Po abantu 3,000 aba mu Yuda bakabuka kumpako iya mu Etamu nukumulalusya u Samusoni ukuti, “Nkimba utakuzyaghannya ukuti aba Filisiti bo babo bakutulaghila? Nkimba choni chicho watubombela bunubu?” U Samusoni akamula akati, “Ane nababombela ukuyana na zizyo bakambombela.”