Ubuvumbuli 8:1 - IBAYIBOLO 2024

¹ Bo u Mwana uwa ng'ozi amamatula ichimatilo icha seveni, kumwanya kukaba myee ukwa maminiti 30.

Ulufingo Ulupya

¹ Bo u Mwana uwa ng'ozi amamatula ichimatilo icha seveni, kumwanya kukaba myee kwa maminiti 30.

Ubuvumbuli 8:1 Iomraidhean Croise

Yobu 4:16

Impepo yila yikima, loli ntakayaghannya akiza. Impepo yilayila yikimilila kuntazi kwane, po nkivwa izyu ilyamaka likuti:

Masalimo 37:7

Banga bulo myee pamaso pa Mwene, sona umulindililaye yuyo nu bufisalyoyo. Utakapasyanje nanti abanji ivintu vikubendela akiza, sona nanti bakubomba imbombo zyabo imbibi.

Masalimo 62:1

Umoyo wane ghukuba bulo myee, pakumulindilila u Chala wane, pakuti weyuyo akumpoka.

Habakuku 2:20

Loli u Mwene ali Munyumba yache izelu, leka ichisu chosi ichapasi chibe myee pamaso papache.

Zekaliya 2:13

Mwe bantu mwebosi, mubanje bulo myee pamaso pa Mwene, pakuti avundumuka ku buzilo bwache ubuzelu bubo akwikalako.

Matayi 27:66

Po bakabuka nukwighalila ipumpa pakumata mulubazu mwibwe nukubikapo abalindilili.

Ubuvumbuli 5:1

Nkennya ibuku munyobe indilo iya yuyo akwikala pachitengo icha bumwene. Ibuku lila likaba nu busimbe kumbazu zyosi zibili, sona likamatiwa ni vimatilo seveni.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.

Ubuvumbuli 6:1

Po nkennya u Mwana uwa ng'ozi akumamatula ichimatilo choka muvimatilo seveni vila nukwivwa ichipeliwa ichabumi choka muvipeliwa ivyabumi folo chikunena nizyu lilyo likivwika ngati kupaya ukwa vula ukuti, “Zagha.”

Ubuvumbuli 6:12

Bo u Mwana uwa ng'ozi amamatula ichimatilo ichasikisi, pakaba akasenyenta akakulu. Izuba likaba lifitu ngati gho mwenda umufitu, umwezi ghosi ghukachesama ngati lyo libanda.

Ubuvumbuli 6:3

Bo u Mwana uwa ng'ozi amamatula ichimatilo ichabubili, nkivwa ichipeliwa ichabumi ichabubili chikuti, “Zagha!”

Ubuvumbuli 6:5

Bo u Mwana uwa ng'ozi amamatula ichimatilo ichabutatu, nkivwa ichipeliwa ichabumi ichabutatu, chikuti, “Zagha!” Nkenelezya nukuyennya ifalasi infitu. Uwakukwelapo akalema ichakupimila munyobe zyache.

Ubuvumbuli 6:7

Bo u Mwana uwa ng'ozi amamatula ichimatilo ichafolo, nkivwa ichipeliwa ichabumi ichafolo chikuti, “Zagha.”

Ubuvumbuli 6:9

Bo u Mwana uwa ng'ozi amamatula ichimatilo ichafayivi, nkennya imizimu iya bantu muntende mwa chighemo, babo bakaghoghiwa pachifukwa icha mazyu agha Chala, sona nu lusimikizyo lwabo ulwamaka.