Ubuvumbuli 7:9 - IBAYIBOLO 2024

⁹ Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.

Ulufingo Ulupya

⁹ Pisinda pazinizi inkenelezya, po inkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.

Ubuvumbuli 7:9 Iomraidhean Croise

Ubwandilo 13:16

Nkwiza pakukupa abaluko abinji nkani umwakuti atalipo nayumoyumo yuyo angababelenga. Nanti umuntu angabelenga ulufumbi ulwa muchisu ichapasi, kokuti angababelenga abaluko lwako.

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

Masalimo 2:8

Undabe wennye, nkwiza pakukupa inko pakuba mpyana yako, sona ichisu chosi ichapasi chikwiza pakuba chako.

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Masalimo 76:4

Wee Chala, awe we muchindamu, sona we muzelu ukughachila amaghamba ghagho ghizuye ni vinyamana ivya muzi.

Masalimo 77:2

Bo indi muntamyo nkamulondelezya u Mwene, pabusiku intakalita pakukwezya inyobe zyane ghope umoyo wane ghutakalonda pakusangalusiwa.

Masalimo 98:3

Alukumbuka ulughano lwache, sona abalanjizya aba Izilayeli ubusubiliwa bwache. Po abantu bosi aba kubumalilo ubwa chisu ichapasi babwennya ubupoki ubwa Chala witu.

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Ezekiyeli 47:5

Akapima sona amamita 500, loli pakabalilo aka lukaba lusoko, lulo intangaloboka, pachifukwa ichakuti amizi ghakizula nkani sona ghakaba mibizu nkani.

Daniyeli 4:1

Ane ne mwene u Nebukadineza. Nkubasimbila abantu bosi naba inko zyosi nuluko losi sona na baneno zyosi, babo bakwikala muchisu ichapasi. Mwaghona!

Daniyeli 6:25

Po u mwene u Daliyasi akabasimbila abantu bosi, naba inko zyosi, nuluko losi sona na baneno zyosi muchisu chosi akati, “Mwaghona mwebosi!

Hoseya 1:10

“Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Aba Levi 23:40

Pisiku ilyakwanda musende ivikomwa ivyiza nkani ni samba izya mabale sona na mafyomi nukusekela pamaso pa Mwene, u Chala winyu amasiku seveni.

Zekaliya 10:8

Nkwiza pakubafyunizya abantu bane nukubabungannya. Naloliloli nkwiza pakubatabula, po bakwiza pakuba binji nkani pamaso papane.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Luka 12:1

Mukabalilo kalakala bo abantu amasabuzani na masabuzani bakabungana poka, umwakuti bakakanyanagha, u Yesu akanena tasi na bamanyili bache akati, “Muchebaye ni chilungo icha ba Falisayi, chicho chikung'anamula ubuzimbuli bwabo.

Luka 21:36

Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Yohani 12:13

Po bakasenda isamba izya mabale nukubuka pakumupokela. Bakakolomoka bakati, “U Chala apaliwanje! Musayiwa yuyo akwizila mwitabwa ilya Mwene! U Chala amusaye u Mwene uwa ba Izilayeli!”

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

Aba Efeso 6:13

Polelo vwala ivilwilo ivya Chala, umwakuti mwimaye nkani pisiku lilyo mukwiza pakukomana ni vintu ivibibi, sona bo mwamala pakubomba vyosi ukuti mwimaye.

Aba Hebeli 11:12

Po mwa Abulahamu, umuntu weka uyu yuyo akaba ngati afuye, mukapapiwa abaluko abinji nkani ngati zyo ntondwa izya kumwanya, sona na basita ukubelengiwa ngati gho musesenga uwa mulubazu ulwa nyanja.

Aba Hebeli 12:22

Loli mwiza kwighamba ilya Ziyoni nakaya akakulu nkani aka Chala Umumi, u Yelusalemu uwakumwanya, poka ni chilundilo icha bantumi amasabuzani na masabuzani.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 22:3

Nachimochimo chicho chighuniwe nu Chala chingaghiwa mukaya mulamula. Ichitengo icha bumwene icha Chala nicha Mwana uwa ng'ozi chikwiza pakuba mukaya mulamula, sona ababombi bache bakwiza pakumwiputa.

Ubuvumbuli 3:18

Polelo nkukubuzya ukuti ughule kukwane ugolide yuyo asyaniwe numoto, ukuti ubanje we mukabi. Ughule sona amenda amaswepu, uvwale ukuti ufise inkule yako nkozyasoni. Ughule umulembo, upake mumaso ghako, umwakuti ungennya.

Ubuvumbuli 4:4

Ichitengo icha bumwene chila chikazyunguliliwa ni vitengo ivinji 24, sona babo bakikalagha pa vitengo vila bakaba abasongo 24. Bakavwala amenda amaswepu ni mpumpu izya golide kumitu yabo.

Ubuvumbuli 5:11

Nkenelezya sona nukwivwa izyu ilya bantumi aba kumwanya, abasita ukubelengiwa. Bakimilila umwakuzyungulila ichitengo icha bumwene chila ni vipeliwa ivyabumi folo, sona na basongo bala.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.

Ubuvumbuli 6:11

Po umuntu wesi akapeghiwa inkazo inswepu, sona bakabuziwa ukuti batuzye panandi bulo mupaka ubwinji ubwa bambombo abanji nu bwinji ubwa bakamu babo bukwane, babo bope baghoghiwanje ngati bo babo.

Ubuvumbuli 7:8

Abantu abaluko ulwa Zebuloni, babo bakadindiwa ni chidindo bakabapo 12,000. Abantu abaluko ulwa Yosefu, babo bakadindiwa ni chidindo 12,000. Abantu abaluko ulwa Benjamini, babo bakadindiwa ni chidindo bakabapo 12,000.