Ubuvumbuli 7:3 - IBAYIBOLO 2024

³ Uwantumi yula akati, “Utakanangaye ichisu ichapasi, pamo inyanja, pamo amakwi mupaka papo twabadinda ni chidindo pa vyeni ababombi aba Chala witu.”

Ulufingo Ulupya

³ Uwantumi yula akati, “Utakanangaye ichisu chapasi, pamo inyanja, pamo amakwi mupaka papo twabadinda ni chidindo pa vyeni ababombi aba Chala witu.”

Ubuvumbuli 7:3 Iomraidhean Croise

Ukufuma 12:13

Ibanda pamilyango yinyu likwiza pakuba chimanyilo icha nyumba zyinyu zizyo mukwikalamo. Bo nennya bulo ibanda, nkwiza pakudumusannya, sona ichiwaya ichakughogha chitakwiza pakubapalamasya, bo nkubafunda aba Ijiputi.

Ukufuma 12:23

Bo u Mwene akudumusannya muchisu pakughogha aba Ijiputi, akwiza pakulyennya ibanda mulubazu na pamwanya pamulyango. Po akwiza pakudumusannyapo bulo, sona atakwiza pakumwitikizya uwantumi uwa bufwe pakwinjila munyumba zinyu nukubaghogha.

Yesaya 27:8

U Mwene akubafunda abantu bache pakubinjizya mubuzya, akubefyamo ni mpepo iyakoghofya iyakubufumilo bwizuba.

Yesaya 54:17

Chitakwiza pakubapo ichilwilo ichakubavulazya, ukwiza pakubapota bosi babo bakususannya nawe. Chinichi mpyana iya babombi aba Mwene, sona nkwiza pakubapa ubupoti.” Momumo u Mwene akunenela.

Yesaya 6:13

Napapo ichigaba icha bantu 10 chingalekiwa muchisu, pope bulo chikwiza pakuba chisami. Ngati mumo ibanga nu mupandapanda ghakuleka ichisinko bo ghadumuliwa. Ichisinko chila yo mbeyu izelu muchisu.”

Yesaya 65:8

Izi zyo zizyo u Mwene akunena akuti, “Ngati mumo u vinyo akwaghiwa, mukankose aka mampesya abantu bakuti, ‘Mutakamunangannye, pakuti muchili muli ubwiza mumo,’ po nkwiza pakubomba mubuzilo ubwa babombi bane, ntakwiza pakughanangannya ghosi.

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Ezekiyeli 9:6

Mubaghoghe abaghosi na balumendo na balindu na bakolo sona na bana loli utakamupalamasye yuyo ali ni chimanyilo. Anda pabuzilo bwane ubuzelu.” Po bakanda na baghosi babo bakaba pantazi pa Nyumba iya Chala.

Daniyeli 3:17

Nanti twasumbiwa mumoto, u Chala yuyo tukumubombela angatupoka ku moto uwa muvuno, sona na munyobe zyako.

Daniyeli 3:26

Panapo na panapo u mwene u Nebukadineza akapalamila kumulyango ku moto uwa muvuno ghula nukwitizya ukuti, “Mwe babombi aba Chala uwakumwanya nkani, Shadiliki nu Meshaki nu Abedinego, epamo! Zagha kuno!” U Shadilaki nu Meshaki nu Abedinego bakepamo mu muvuno ghula.

Daniyeli 6:16

Po u mwene akalamula ukuti bamusende u Daniyeli nukumusumbila muchiliba icha nkalamu chila. U mwene yula akamubuzya u Daniyeli akati, “U Chala wako yuyo ukumwiputa akupokaye!”

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Malaki 3:18

Mukwiza pakwennya sona ukulekana pakasi pabagholosu na babibi, na pakasi pababo bakumubombela u Chala na babo batakumbombela.”

Matayi 24:22

Loli u Chala akisyako kale ubwinji ubwa masiku ghala; nanti atakisyanga nayumo umuntu yuyo angapona. U Chala isizyeko amasiku ghala pachifukwa icha bantu bache abasaliwa.

Matayi 24:31

Ipati likwiza pakwivwika, po akwiza pakubatuma abantumi bache kunkuto zyosi folo izya chisu ichapasi nukubungannya abantu bache abasaliwa ukwandila ko kubumalilo ubwa chisu ichapasi mupaka kubumalilo ubunji.

Yohani 12:26

Umuntu wesi yuyo akulonda pakumbombela, ankonkaye, umwakuti kuko indiko, ko kuko nu mubombi wane bulo abanjeko. U Tata wane akwiza pakumuchindika umuntu wesi yuyo akumbombela.

Yohani 3:33

Loli umuntu wesi yuyo akulupokela ulusimikizyo lwache akusimikizya ukuti u Chala wanaloli.

Aba Loma 6:22

Loli pakuti ilelo mwasatuliwa kumbibi, po mwaba mwe bazya aba Chala. Chicho mwakabapo bumi ubuzelu, sona bumalilo bwache, bo bumi ubwa bwila na bwila.

Ubuvumbuli 13:16

Ichinyamana ichi chikabafyenga abantu bosi, abanandi na bantu abasongo na bantu abakabi na bantu abapina na bazya na bantu ababuke ukuti badindiwe ichidindo panyobe indilo pamo pa vyeni vyabo.

Ubuvumbuli 13:17

Chikabomba bunubu ukuti patakabepo nayumo umuntu uwakughula pamo uwakughulizya, nanti ate ni chidindo, kokuti itabwa ilya chinyamana ichakwanda chila, pamo inambala iya litabwa lyache.

Ubuvumbuli 14:1

Pisinda pache nkenelezya nukwennya u Mwana uwa ng'ozi imite pighamba ilya Ziyoni. Palapala akaba poka na bantu 144,000, babo pa vyeni vyabo pakasimbiwapo itabwa lyache, ni tabwa ilya wise.

Ubuvumbuli 14:9

Po uwantumi uwabutatu akakonkapo nukunena nizyu ilya pamwanya ukuti, “Umuntu wesi yuyo akuchiputa ichinyamana ni chifwani chache nukwitika ukuti adindiwe ichidindo chache pacheni pamo panyobe,

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.

Ubuvumbuli 22:4

Bakwiza pakwennya icheni chache, sona itabwa lyache likwiza pakusimbiwa pa vyeni vyabo.

Ubuvumbuli 6:6

Po nkivwa ngati lyo lizyu likunena mukasi muvipeliwa ivyabumi folo likuti, “Akampepe koka bulo aka vilombe, gho malipilo agha muntu pisiku lyoka, sona utumpepe tutatu bulo utwa malezi, gho malipilo agha muntu pisiku lyoka, loli utakanangannye amafuta gha syunguti nu vinyo!”

Ubuvumbuli 7:1

Pisinda pazinizi nkennya abantumi aba kumwanya folo bimiliye pankuto folo izya chisu ichapasi. Bakalema impepo folo umwakuti kutakabeko nayimoyimo impepo iyakukuka muchisu ichapasi pamo panyanja pamo pikwi lyosi.

Ubuvumbuli 7:2

Po nkennya sona uwantumi uwakumwanya uyunji akukwela kubufumilo bwizuba ali ni chidindo icha Chala umumi. Akabitizya abantumi folo bala nizyu ilya pamwanya nkani, babo u Chala akabapa amaka aghakunanganizizya ichisu ichapasi ni nyanja.

Ubuvumbuli 9:4

Akabuziwa ukuti atakanangannye isote pamo amakwi, pamo kosi akamelwa. Loli akitikiziwa ukuti anangannye abantu bene babo bate ni chidindo icha Chala pa vyeni vyabo.