Ubuvumbuli 7:2 - IBAYIBOLO 2024

² Po nkennya sona uwantumi uwakumwanya uyunji akukwela kubufumilo bwizuba ali ni chidindo icha Chala umumi. Akabitizya abantumi folo bala nizyu ilya pamwanya nkani, babo u Chala akabapa amaka aghakunanganizizya ichisu ichapasi ni nyanja.

Ulufingo Ulupya

² Po inkennya sona uwantumi uwa kumwanya uyunji akukwela kubufumilo ubwizuba ali ni chidindo icha Chala umumi. Akabitizya abantumi folo bala nizyu ilya pamwanya nkani, babo u Chala akabapa amaka aghakunanganizizya ichisu chapasi ni nyanja.

Ubuvumbuli 7:2 Iomraidhean Croise

2 Abamwene 19:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache uwamu Asiliya abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

Inyimbo izya Solomoni 8:6

Umbikaye mumoyo wako ngati cho chidindo, sona ngati chidindo panyobe yako. Pakuti ulughano lwamaka ngati bo bufwe, sona ubuzuba bukalite umoyo ngati gho mapumpa. Ulughano lukwaka ngati moto sona luli ngati ndimi izya moto.

Yesaya 41:2

“Nkimba wewenu yuyo akiza nu mupoti uwa kubufumilo bwizuba, akapotagha mosi mumo akendagha? Akuzibika inko izya bantu munyobe zyache, po abamwene bakabakanyila pasi ni nyayo zyache, nupanga wache akabakoma ngati lufumbi, po ubwele bwache bukabanyampannya ngati lyelelo

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Malaki 3:1

U Mwene Uwamaka Ghosi akuti, “Ennya, nkwiza pakuyituma intumi yane kuntazi kukwane ukuti yinjanizizye izila. Po umwakuchenusya bulo u Mwene yuyo mukumulonda akwiza mu Nyumba yache. Intumi iya lufingo yiyo muyisambite yikwiza.” U Mwene Uwamaka Ghosi anena.

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Matayi 16:16

U Simoni Pitala akamula akati, “Awe we Kilisitu, u Mwana uwa Chala umumi.”

Matayi 26:63

Loli u Yesu akaba myee. Umuputi usongo akamubuzya sona akati, “Nkukulamula mwitabwa ilya Chala umumi ukuti ulape nanti we Kilisitu, u Mwana uwa Chala.”

Yohani 6:27

Mutakabombaye imbombo ukuti mubanje ni chakulya chicho chikunanganika, loli bombela ichakulya chicho chikupa ubumi ubwa bwila na bwila. Ichi chakulya chicho u Mwana uwa Muntu akwiza pakubapa pakuti u Chala Uwise weyuyo abikitepo papache ichimanyilo ichakusimikizya.”

2 Aba Kolinti 1:22

nukutubika chimanyilo ichakulanjizya ukuti twe bantu bache. Akatupa u Muzimu Umuzelu mumoyo ghitu pakuba chikole icha vintu vyosi vivyo atusungiye.

Aba Efeso 1:13

Namwe bulo mukaba bantu aba Chala, bo mwivwa amazyu aghanaloli, ghagho gho Mazyu Amiza aghabupoki bwinyu. Amwe mukasubila mwa Kilisitu, sona u Chala akabika ichidindo papinyu ukulanjizya ukuti mwe bantu abache na bache pakubapa u Muzimu Umuzelu, yuyo akabalayizya.

Aba Efeso 4:30

Mutakamupelelaye ichitima u Muzimu Umuzelu uwa Chala, pakuti weyuyo chikole chache mumwinyu ichakuti mwe bantu bache, sona ni chakuti Isiku likwiza, lilyo u Chala akwiza pakubasatula.

Ukukumbusya Amalamulo 5:26

Nkimba alipo umuntu yuyo akendelela pakuba nubumi, bo amwivwa u Chala umumi akunena mumoto?

1 Aba Tesalonika 1:9

Pakuti abene bakunena nizya mumo mukatupokelela akiza, sona namumo mukavileghukila ivifwani nukumubombela u Chala umumi, sona nu wanaloli.

2 Timoti 2:19

Loli pope bulo ulwalo ulukafu, lulo u Chala azenga lutanganeng'ena napo panandi, sona papo pasimbiwe amazyu agha, “U Mwene abamenye abantu babo bache,” sona, “Umuntu wesi yuyo akwitika nu mulomo wache ukuti wa Mwene, apindukaye nukuzileka imbibi zyache.”

Aba Hebeli 12:22

Loli mwiza kwighamba ilya Ziyoni nakaya akakulu nkani aka Chala Umumi, u Yelusalemu uwakumwanya, poka ni chilundilo icha bantumi amasabuzani na masabuzani.

Ubuvumbuli 1:3

Musayiwa umuntu yuyo akubelenga ibuku ili, sona basayiwa abantu babo bakwivwisya amazyu aghabulaghuzi nukukonka zizyo zisimbiwe mwibuku linili. Pakuti akabalilo akakubonekela zyosi zinizi kali papipi.

Ubuvumbuli 10:1

Pisinda pache nkamwennya uwantumi uyunji uwamaka akwika kumwanya. Akavwinkiwa mwibingu, sona kumutu wache kukaba umupingopingo uwa vula. Icheni chache chikaba ngati lyo lizuba, sona ivinama vyache vikaba ngati zyo mpanda izya moto.

Ubuvumbuli 10:4

Bo ivula yapaya, nkaba papipi pakusimba. Loli nkivwa izyu kumwanya likuti, “Utakavumbulaye zizyo ukupaya ukwa vula kwanena, sona utakazisimbe!”

Ubuvumbuli 16:12

Uwantumi wasikisi akakupulila vivyo vikaba mulubako lwache mulusoko ulwa Yufuleti. Ulusoko lukapwa pakubayanizizya izila abamwene abakubufumilo bwizuba.

Ubuvumbuli 5:2

Nkennya sona uwantumi uwamaka, akulalusya umwakukolomoka ukuti, “Nkimba wewenu abaghiye pakwighula ibuku ilyakunnyengiwa nukumamatula ivimatilo?”

Ubuvumbuli 8:3

Uwantumi uyunji yuyo akaba ni chakufukizizya utwakununkila icha golide, akiza nukwimilila pachighemo. Akapeghiwa utwakufukizya utwakununkila utwinji utwakonjelezya inyiputo izya bantu bosi aba Chala, sona umwakuti iyipe pachighemo icha golide chicho chikaba pantazi pachitengo icha bumwene.

Ubuvumbuli 9:14

Izyu lilalila likamubuzya uwantumi uwasikisi yula likati, “Basatule abantumi folo bala babo bapinyiwe pa lusoko ulukulu ulwa Yufuleti!”

Ubuvumbuli 9:4

Akabuziwa ukuti atakanangannye isote pamo amakwi, pamo kosi akamelwa. Loli akitikiziwa ukuti anangannye abantu bene babo bate ni chidindo icha Chala pa vyeni vyabo.

1 Samuweli 17:26

U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.