Ubuvumbuli 7:17 - IBAYIBOLO 2024

¹⁷ Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”

Ulufingo Ulupya

¹⁷ Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”

Ubuvumbuli 7:17 Iomraidhean Croise

Masalimo 22:26

Abapina bakwiza pakulyanga nukwikuta, sona babo bakumulondelezya u Mwene bakwiza pakumupala ukuti, “Amoyo ghinyu ghabanjeko bwila na bwila.”

Masalimo 23:5

Ukunjanizizya ivyakulya bo abalwani bakwennya. Wampokela ngati ne muyeni pakumpakazya na mafuta, sona ulubako lwane lukufuluka.

Masalimo 28:9

Ubapokaye abantu bako nukuyisaya impyana yako. Ubanje we mudimi wabo, sona ubasungililaye bwila na bwila.

Yesaya 12:3

Nulusekelo mukwiza pakusembamo amizi muchiziba icha bupoki.

Yesaya 25:6

Pighamba linili po papo u Mwene Uwamaka Ghosi, akwiza pakuyannya ichakulya icha palusekelo ulwa inko zyosi, ulusekelo ulwa vinyo sona ni nyama inonu.

Yesaya 25:8

Akwiza pakuyimila imfwa bwila na bwila. U Mwene Uwamaka Ghosi akwiza pakubasyumula amasozi, nukubefya isoni abantu bache pachisu chosi ichapasi. U Mwene anena.

Yesaya 30:19

Mwee bantu aba mu Ziyoni, mwe mukwikala mu Yelusalemu, mutakwiza pakulila sona. Naloli u Mwene akwiza pakuba ni chisa namwe pakwivwa ukulila kwinyu ukuti abavwe! Bo ivwa bulo umwalubilolubilo akwiza pakubamula.

Yesaya 30:25

Pisiku lilalila ilya kughoghiwa ukukulu nkani, bo ivitembe vikuwa, utusoko utwa mizi tukwiza pakwendagha pamwanya pighamba lyosi napatughamba tosi.

Yesaya 35:10

Abapokiwa aba Mwene bakwiza pakunyokela, bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yesaya 49:9

akababuzya abakayidi akati, ‘Fuma’ akababuzya sona babo bali muchisi akati, ‘Banga myee!’ Bakwiza pakulyanga ivyakulya mulubazu ulwa musebo, nukulyagha isote iteta, pakaghamba papo patakumela isote.

Yesaya 51:11

Abapokiwa aba Mwene bakwiza pakunyokela. Bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 60:20

Izuba litakwiza pakwinjila, sona nu mwezi ghope ghutakwiza pakumala pakuti u Mwene weyuyo, akwiza pakuba lukozyo lwako ulwa bwila na bwila, sona amasiku ghako agha vitima ghakwiza pakumala.

Yesaya 65:19

Nkwiza pakusekela nu Yelusalemu, sona nukuhoboka na bantu bane, ichongo icha kufwifwitila ni chakulila, vitakwiza pakwivwikamo nalumo.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 31:9

Bakwiza pakunyokela kukwabo bo bakulila, bakwiza pakwiputagha bo bakunyokela. Nkwiza pakubalongolezezya kutusoko utwa mizi. Batakwiza pakwipunulamo mumusebo umutenganu, pachifukwa ichakuti ne wise uwa ba Izilayeli, sona u Efulayimu we katote wane.”

Ezekiyeli 34:23

Nkwiza pakuzipa umudimi weka, umubombi wane u Devedi, sona akwiza pakuzisungilila nukuba mudimi wabo.

Mika 5:4

Akwiza pakwiyula nkani nukudima ivitekwa vyache na maka agha Mwene, sona nu buchindamu ubwa litabwa ilya Mwene u Chala wache. Sona bakwiza pakwikala umwakufwasa, po ubukulu bwache bukwiza pakufika kubumalilo ubwa chisu ichapasi.

Mika 7:14

Wee Mwene, badime abantu bako ni ndisa yako, umudimo uwampyana yako, ghugho ghukwikala wene mumusitu. Ghuleke ghulyanje apakudimilapo, ghuleke ghulyanje mu Bashani, na mu Giliyadi ngati mo mumasiku aghakale.

Matayi 2:6

‘Wee Betelehemu, muchigaba icha Yudeya ute we munandi uwabumalilo pakasi patwaya tosi utwa mu Yudeya. Mumwako mukwiza pakufumamo umulongozi, yuyo akwiza pakubalongozya abantu bane aba Izilayeli.’ ”

Matayi 5:4

Basayiwa babo bakulila akabalilo aka, pakuti u Chala akwiza pakubapumizya;

Yohani 10:11

“Ane ne mudimi umwiza. Umudimi umwiza ipiye mwene pakubutagha ubumi bwache pachifukwa icha ng'ozi zyache.

Yohani 10:14

Ane ne Mudimi umwiza. Inzimenye ing'ozi zyane, sona zyope ing'ozi zyane zimenye

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yohani 4:11

Umukolo akati, “Wee Mwene, ichakusembela ute nacho, sona ichiziba chibilite. Nkimba ungaghagha kwiyi amizi amapela bumi?

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

1 Pitala 5:2

ukuti: Mudimaye umudimo uwa ng'ozi zizyo u Chala akubapa. Mughusungilile umwakusita kufyengiwa, ukuyana namumo u Chala akulondela ukuti mubombelaye. Mutakabombaye imbombo yinyu nu moyo uwakunyonywa indalama, loli mubombaye nu moyo uwakunyonywa pakubomba.

Ubuvumbuli 14:4

Abantu banaba bo babo batakinyazyapo na bakolo. Abantu banaba bayanite bulo na balindu babo batabamenye nalumo abanavuli. Bakumukonka u Mwana uwa ng'ozi yula kosi kuko akubuka. Abantu banaba bakapokiwa pakasi pabantu bosi, sona bakaba bakwanda pakubikiwa kwa Chala na ku Mwana uwa ng'ozi.

Ubuvumbuli 21:22

Intakayennyamo ni Nyumba iya Chala mukaya kala pakuti Inyumba iya Chala we Mwene u Chala Uwamaka Ghosi nu Mwana uwa ng'ozi.

Ubuvumbuli 21:23

Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.

Ubuvumbuli 21:4

Akwiza pakusyumula amasozi ghosi mumaso ghabo. Ubufwe butakwiza pakubako nalumo, sona kutakwiza pakubako ivitima pamo ukulila pamo ububavu. Ivintu ivyakale vyazyebeluka.”

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.