Ubuvumbuli 7:14 - IBAYIBOLO 2024

¹⁴ Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.

Ulufingo Ulupya

¹⁴ Inkamwamula inkati , “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.

Ubuvumbuli 7:14 Iomraidhean Croise

Yobu 11:16

Naloli ukwiza pakughaluvya amayimba ghako, ukwiza pakughakumbukagha ngati mizi ghagho ghenda kale.

Ukufuma 37:3

Akalipangila impete folo izya golide izyakunyamulila, nukuzipinyilila kuvinama vyache folo, impete zibili kulubazu loka, sona zibili kulubazu ulunji.

Yesaya 1:18

Po u Mwene akuti, “Zagha tunenezannye. Napapo imbibi zyinyu zingaba chee ngati libanda, zikwiza pakuba swee ngati we kabefu. Napapo zingaba nchesamu loli zikwiza pakuswepa ngati busapa.

Daniyeli 11:35

Abantu bamo abamahala bakwiza pakwipunula umwakuti baswefiwanje, pakuti ukuswefiwa kukubapela ukuti batakabe ni chilema nachimochimo mupaka pakabalilo akabumalilo, pakuti kakwiza pakukwana akabalilo kako u Chala akasala.

Daniyeli 12:1

Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Daniyeli 7:16

Nkapalamila ku muntu uwa bamo yuyo akimilila palapala ukuti ambuzye na chicho ivintu vinivi vikusanusya. “Po umuntu yula akambuzya ubusanuzyi ubwa vintu vinivi akati,

Zekaliya 13:1

U Mwene Uwamaka Ghosi akuti, “Pisiku lilalila imbwibwi yikwiza pakubighukila abamunyumba iya Devedi, sona na bantu babo bakwikala mu Yelusalemu, ukuti yibaswefye kumbibi zyabo naku bunyazu bwabo.

Matayi 24:21

Pakuti intamyo izya masiku ghala zikwiza pakuba mpalapala nkani ukuchila zyosi zizyo zikabapo na kale, ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Maliko 13:19

Pakuti intamyo izya masiku ghala zikwiza pakuba mpalapala nkani ukuchila zyosi zizyo ichisu ichapasi chikomanitepo nazyo ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Yohani 16:33

Nababuzya zinizi ukuti mubanje nu mutende pakuba poka nane. Ichisu ichapasi chikwiza pakubavwima, loli mujimbe nkani umoyo pakuti nachipota kale ichisu ichapasi!”

Imbombo 14:22

Bakabakazya abamanyili bala, sona bakababuzya ukuti bendelele pakuba nu lwitiko mwa Kilisitu. Bakamanyisya bakati, “Tubaghiye twende muntamyo inyinji ukuti twinjile mu Bumwene ubwa Chala.”

Aba Loma 5:3

Loli ukuchilapo pazinizi, zagha tusekelaye sona pachifukwa icha mayimba ghitu pakuti tuzimenye ukuti amayimba ghakumumanyisya umuntu pakuba mufisalyoyo,

1 Aba Kolinti 6:11

Umu momumo bamo mumwinyu mukabela, loli mukaswefiwa nukupaghuliwa, sona mwaneniwa ukuti mute ninongwa nayimoyimo pamaso pa Chala mwitabwa ilya Mwene u Yesu Kilisitu, sona nukwendela mu Muzimu uwa Chala witu.

2 Aba Tesalonika 1:4

Ichi cho chifukwa aswe tukwituvya nizya amwe muvipanga ivya Chala. Tukwituvya nizya bufisalyoyo bwinyu, sona nu lwitiko lwinyu mukuvwimiwa na mumayimba ghinyu ghosi ghagho mukukomana nagho.

Aba Hebeli 13:12

Ichi cho chifukwa u Yesu wepe akafwila kuzi ukwa kaya akakulu nkani, umwakuti aswefye imbibi izya bantu ni banda ilyache ni lyache.

Aba Hebeli 9:14

Po ibanda ilya Kilisitu, yuyo ukwendela mu Muzimu uwa bwila na bwila, akiyipa mwene ukuti chibanje chakwiyipa ichakufikapo kwa Chala likwiza pakuswefya umabyebye witu pambombo izyabulo, umwakuti tungamubombela u Chala umumi.

1 Pitala 1:19

Loli mukasatuliwa ni banda ilyamutengo ilya Kilisitu, yuyo mwana uwa ng'ozi umusita chilema nachimochimo pamo ububibi bumo.

1 Yohani 1:7

Loli nanti tukwenda mu lukozyo, ukuyana namumo abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 12:11

Abakamu bitu bakamupota ni banda ilya Mwana uwa ng'ozi sona nu lusimikizyo lwache lulo bakalumbililagha. Abene bakiyipa ubumi bwabo mupaka kubufwe.

Ubuvumbuli 15:2

Po nkennya chicho chikaboneka ngati yo nyanja iya galasi yonganikiye numoto. Nkennya sona abantu babo bakachipota ichinyamana ni chifwani chache, sona ni nambala iya litabwa lyache. Bakimagha papipi ni nyanja iya galasi, bo balemite munyobe amalonji ghagho u Chala akabapa.

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 2:9

“Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.

Ubuvumbuli 22:14

“Basayiwa abantu babo bakuchapa inkazo zyabo umwakuti babanje nu bulaghili ubwakulyela ivikomwa ivya mwikwi ilya bumi nukwinjila mukaya akakulu nkani ukwendela pamilyango.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.