Ubuvumbuli 7:13 - IBAYIBOLO 2024

¹³ Weka uwa basongo bala akandalusya akati, “Nkimba bantu boni banaba, babo bavwalite inkazo inswepu, sona bafuma kwiyi?”

Ulufingo Ulupya

¹³ Weka uwa basongo bala akandalusya akati, “Nkimba bantu boni banaba, babo bavwalite inkazo inswepu, sona bafuma kwiyi?”

Ubuvumbuli 7:13 Iomraidhean Croise

Ubwandilo 16:8

nukumulalusya u Hagala ukuti, “Wee Hagala, uwambombo uwa Salayi, nkimba wafuma kwiyi sona ukubuka kwiyi?” U Hagala akamula akati, “Nkumuchimbila u mwene wane u Salayi.”

Daniyeli 7:16

Nkapalamila ku muntu uwa bamo yuyo akimilila palapala ukuti ambuzye na chicho ivintu vinivi vikusanusya. “Po umuntu yula akambuzya ubusanuzyi ubwa vintu vinivi akati,

Yohani 7:28

Bo u Yesu akumanyisya mu Nyumba iya Chala, akanena na mazyu agha pamwanya akati, “Naloli mumenye, sona mumenyeko na kuko infumite. Ane intizite nu bulaghili ubwane nu bwane. Loli yuyo akantuma wanaloli. Amwe mutamumenye

Imbombo 3:12

Bo u Pitala abennya abantu, akababuzya akati, “Mwee ba Izilayeli, nkimba choni chicho mukuswigha na zinizi, sona choni chicho mukutwenelezya? Nkimba mukwinong'ona ukuti sweswe twamwendezya umuntu uyu na maka ghitu pamo pachifukwa ichakuti tukumwiputa nkani u Chala?

Ubuvumbuli 3:4

Loli uli na bantu abanandi bulo mu Salidisi, babo batanyazizye amenda ghabo. Abantu banaba bakwiza pakwenda poka nane, bo bavwalite amenda amaswepu pakuti babaghiye.

Ubuvumbuli 4:10

abasongo 24 bala bakuwa pamaso pa yuyo akwikala pachitengo icha bumwene nukumwiputa, yuyo mumi bwila na bwila. Bakusumbila pasi impumpu zyabo pantazi pachitengo icha bumwene nukuti,

Ubuvumbuli 4:4

Ichitengo icha bumwene chila chikazyunguliliwa ni vitengo ivinji 24, sona babo bakikalagha pa vitengo vila bakaba abasongo 24. Bakavwala amenda amaswepu ni mpumpu izya golide kumitu yabo.

Ubuvumbuli 5:11

Nkenelezya sona nukwivwa izyu ilya bantumi aba kumwanya, abasita ukubelengiwa. Bakimilila umwakuzyungulila ichitengo icha bumwene chila ni vipeliwa ivyabumi folo, sona na basongo bala.

Ubuvumbuli 5:5

Po weka uwa basongo bala akambuzya akati, “Utakalilaye, pakuti Inkalamu iya luko ulwa Yuda, uwaluko uwamaka uwa Devedi apota, sona weyuyo angighula ibuku lila nukumamatula ivimatilo seveni vila.”

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.

Abalongi 13:6

Umukolo yula akamupangila umulume vyosi akati, “Umubombi uwa Chala akanyizila, sona icheni chache chikoghofyanga nkani ngati cheni icha wantumi uwa Chala. Ane intakamulalusya kuko afuma, sona wepe atakitambula mwene.