Ubuvumbuli 7:12 - IBAYIBOLO 2024

¹² Bakanena bakati, “Ameni! Amapalo nu muchizi nu buchindamu, na mahala nu bulaghili, sona na maka vya Chala witu bwila na bwila! Ameni!”

Ulufingo Ulupya

¹² Bakanena bakati, “Ameni! Amapalo, nu muchizi, nu buchindamu, na mahala, nu bulaghili, sona na maka vya Chala witu bwila na bwila! Ameni!”

Ubuvumbuli 7:12 Iomraidhean Croise

Nehemiya 12:46

Ukwandila pakabalilo aka Devedi nu Asafu, pakabako abalongozi aba bimbi sona bakimbagha inyimbo izya mapalo ni zyakumupalizya u Chala.

Nehemiya 12:8

Aba Levi bakaba bo aba: U Yeshuwa nu Binuyi nu Kadimiyeli nu Shelebiya nu Yuda sona nu Mataniya poka na bamwabo babo bakalongozyanga inyimbo izyakupalizikizya.

Masalimo 100:4

Injila pamilyango yache, bo mukupalizya, sona mwinjilaye mulubinjilo lwache na mapalo. Mumupalizyanje, sona mulipalaye itabwa lyache.

Masalimo 106:48

U Mwene u Chala uwa Izilayeli apaliwanje bwila na bwila. Po abantu bosi batinji, “Ameni!” U Mwene apaliwanje.

Masalimo 107:22

Babikaye ichakwiyipa ichakupalizikizya, nukwimba inyimbo izya lusekelo.

Masalimo 116:17

Nkwiza pakubika ichakwiyipa ichakupalizikizya kukwako, sona nkwiza pakulyitizya itabwa ilya Mwene.

Masalimo 147:7

Mumwimbilaye u Mwene ninyimbo izyakupalizikizya, sona lizya ichinanda pakumwimbila u Chala witu.

Masalimo 41:13

U Mwene u Chala uwa ba Izilayeli, apaliwanje pakabalilo aka bwila na bwila. Ameni! Ameni!

Masalimo 50:14

Bikagha ivyakwiyipa ivyakupalizikizya kwa Chala, sona kwanilisya ichilapo chinyu ku Wakumwanya Nkani.

Masalimo 72:19

Itabwa lyache lichindamu, lipaliwanje bwila na bwila, sona ichisu chosi ichapasi chizulaye nu buchindamu bwache. Ameni nu Ameni.

Masalimo 89:52

U Mwene apaliwanje bwila na bwila. Ameni! Ameni!

Masalimo 95:2

Zagha tufikaye pamaso papache ukuti tumupalizye, sona pakumwimbila inyimbo izyakupalizikizya.

Yesaya 51:3

Naloli u Mwene akwiza pakumusangalusya u Ziyoni, sona akwiza pakuba nawe ni chililizi, pachifukwa ichakuti aba chisami. Akwiza pakukapela pakuba nkolongo ngati iya Edeni, sona nukukapela pakuba ngati mughunda uwa Mwene. Ukusekela poka nukwimba inyimbo, kukwiza pakwaghiwa mulamula, kokuti ivyakwiyipa ivyakupalizya nukwivwika ukwa nyimbo izyakupalizikizya.

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Yona 2:9

Loli ane nkwiza pakukwimbila inyimbo izya mapalo, nkwiza pakubika ichakwiyipa kukwako, sona nkwiza pakuvibomba ivintu vivyo nkafingana nawe. Pakuti ubupoki bwane bukufuma kwa Mwene.”

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Aba Loma 11:36

Pakuti ivintu vyosi vikapeliwa nawe, sona vili nubumi ukwendela mumwache, sona ni chifukwa icha yuyo. Kwa Chala kubanje ubuchindamu ubwa bwila na bwila! Ameni.

1 Aba Kolinti 14:16

Bo mukumupalizya u Chala nu muzimu winyu, nkimba umuntu yuyo ali poka namwe, anganena bulibuli ukuti, “Ameni,” pachifukwa icha nyiputo zyinyu zizyo mukumupalizya u Chala, bo atakumanya na chicho mukunena?

2 Aba Kolinti 4:15

Zyosi zinizi zili bunubu pachifukwa icha mwemwe, umwakuti abantu na bantu bakwiza pakumanya namumo ichisa icha Chala chibeleye, po bakwiza pakumupalizya u Chala, sona nukumuchindika.

Aba Kolosi 2:7

Mwisimike na magululuzi ghinyu mumwache, mukulaye mulwitiko ukuyana namumo mukamanyiziliwa, sona mubanje bantu abakupalizya nkani.

Aba Kolosi 3:17

Chosi chicho mukubomba, manyi mukanenele, manyi mumbombo, mubombelaye mwitabwa ilya Mwene u Yesu, bo mukumupalizya u Chala u Tata ukwendela mumwache.

Yuda 1:25

U Chala mwene weyuyo Mupoki witu ukwendela mwa Yesu Kilisitu u Mwene witu. Apokelaye ubuchindamu nu bumwene, na maka nu bulaghili ukwanda ilelo mupaka bwila na bwila! Ameni.

Ubuvumbuli 1:18

Ane ne mumi. Nkafwa, loli ilelo ne mumi bwila na bwila. Indi ni nyighulilo izya bufwe, sona ni nyighulilo izya buzilo ubwa bantu abafwe.

Ubuvumbuli 19:4

Abasongo 24 ni vipeliwa ivyabumi folo vikawa pasi nukumwiputa u Chala, yuyo akikala pachitengo icha bumwene bakati, “Ameni! U Chala apaliwanje!”