Ubuvumbuli 6:9 - IBAYIBOLO 2024

⁹ Bo u Mwana uwa ng'ozi amamatula ichimatilo ichafayivi, nkennya imizimu iya bantu muntende mwa chighemo, babo bakaghoghiwa pachifukwa icha mazyu agha Chala, sona nu lusimikizyo lwabo ulwamaka.

Ulufingo Ulupya

⁹ Bo u Mwana uwa ng'ozi amamatula ichimatilo ichafayivi, inkennya imizimu iya bantu muntende mwa chighemo, babo bakaghoghiwa pachifukwa icha mazyu agha Chala, sona nu lusimikizyo lwabo ulwamaka.

Ubuvumbuli 6:9 Iomraidhean Croise

Ubwandilo 4:10

Po u Mwene akamulalusya sona u Kayini akati, “Nkimba choni chicho wabomba ichintu ichakoghofya ichi? Ibanda ilya muzuna wako likundilila mwitope.

Ukufuma 29:12

Usendeko ibanda ilya nkambaku yila nukulipaka pampembe izya chighemo pakubombezya akafingwi kako. Ukupule ibanda lyosi ilyakusyala pabwikalilo ubwa chighemo.

Aba Levi 4:7

Po apake ibanda limo pampembe izya chighemo ichakufukizizyapo utwakununkila pamaso pa Mwene tuto umunusi wache ghukumuhobosya u Mwene. Ibanda ilyakusyala lila alipungulile muntende umwa chighemo ichakochelapo ichakwiyipa ichakocha, chicho chili mu Chisakasa pamaso pa Mwene.

Yohani 16:2

Bakwiza pakubepusya munyumba izyakwiputilamo, sona akabalilo kakwiza kako umuntu wesi yuyo akubaghogha akwiza pakwinong'ona ukuti pakubomba bunubu, akumubombela u Chala.

2 Aba Kolinti 5:8

Aswe twizuye nu bujivu nkani, sona tungighana nkani ukuti ngali twepamo mumubili witu ughu nukwikala nu Mwene kukaya kache.

Aba Filipi 1:23

Nkuwesiwa kumbazu zyosi zibili. Kulubazu loka nkulonda nkani ukuti ngali nabuka pakwikala poka nu Kilisitu, chicho chintu chapamwanya nkani.

Aba Filipi 2:17

Loli napapo ibanda lyane likwiza pakukupuliwa pachakwiyipa chicho ulwitiko lwinyu lukupa kwa Chala. Polelo nkuhoboka nkani, sona nkusekela poka namwe.

2 Timoti 1:8

Po utakabanje ni soni pakumubikila ubwakaboni u Mwene witu. Sona utakabanje ni soni pachifukwa icha nene, ne indi mujele pachifukwa icha yuyo. Loli sendapo ichigaba mumayimba pachifukwa icha Mazyu Amiza, ukwendela mumaka agha Chala.

2 Timoti 4:6

Loli ane, akabalilo kane kakwanite kale akakuti impunguliwe ukuti chibanje chakwiyipa ichakung'wela; akabalilo kane akakubukila kakwana.

Aba Hebeli 12:23

Mwiza kulusekelo lulo abana abakatote aba Chala, bakukomana, babo amatabwa ghagho ghasimbiwe kumwanya. Mwiza kwa Chala yuyo mulongi uwa bantu bosi, sona mwiza ku mizimu iya bantu abagholosu, yiyo u Chala akayipela pakuba yakufikapo.

Ubuvumbuli 1:2

U Yohani akulingannya ivintu vyosi vivyo akavyennya nizya mazyu agha Chala, sona nu buvumbuli bosi bubo u Yesu Kilisitu akavumbula.

Ubuvumbuli 1:9

Ane ne Yohani umukamu winyu, nkugabana namwe amayimba nu bumwene, sona nu bufisalyoyo mwa Yesu. Nkabikiwa pa kasungo aka Patimo pachifukwa ichakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 14:18

Uwantumi uwamwabo yuyo akaba we songo uwa moto akiza ukufuma ku chighemo. Akakolomoka nkani ku wantumi yuyo akaba ni sengo yiyo yikwete nkani akati, “Bombezya isengo yako pakuyaba amampesya mumughunda uwa mampesya muchisu ichapasi pakuti amampesya ghatona.”

Ubuvumbuli 16:7

Po nkivwa izyu pachighemo likuti, “Mwene Chala Uwamaka Ghosi! Ubulongi bwako bwanaloli, sona bugholosu!”

Ubuvumbuli 19:10

Panapa nkawa munyayo zyache ukuti imwipute. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumwiputaye u Chala! Pakuti ubwanaloli ubwa bulaghuzi lo lusimikizyo nizya Yesu.”

Ubuvumbuli 2:13

“Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.

Ubuvumbuli 8:3

Uwantumi uyunji yuyo akaba ni chakufukizizya utwakununkila icha golide, akiza nukwimilila pachighemo. Akapeghiwa utwakufukizya utwakununkila utwinji utwakonjelezya inyiputo izya bantu bosi aba Chala, sona umwakuti iyipe pachighemo icha golide chicho chikaba pantazi pachitengo icha bumwene.

Ubuvumbuli 9:13

Po uwantumi wasikisi akalizya ipati lyache. Po nkivwa izyu kunkuto folo izya chighemo icha golide, chicho chikaba pamaso pa Chala.