Ubuvumbuli 6:8 - IBAYIBOLO 2024

⁸ Nkenelezya nukuyennya ifalasi imbufu. Uwakukwelapo akaba we bufwe, sona ichisu icha bantu abafwe chikamukonkagha mwisinda. Bakapeghiwa ubulaghili pachigaba choka icha vigaba folo ivya chisu ichapasi ukuti baghoghe nupanga, nizala, ni chiwaya, sona ni vinyamana ivikali ivya muchisu ichapasi.

Ulufingo Ulupya

⁸ Inkenelezya nukuyennya ifalasi imbufu. Uwakukwelapo akaba we ubufwe, sona ichisu icha bantu abafwe chikamukonkagha mwisinda. Bakapeghiwa ubulaghili pachigaba choka icha vigaba folo ivya chisu ichapasi ukuti baghoghe nu panga, ni zala, ni chiwaya, sona ni vinyamana ivikali ivya muchisu ichapasi.

Ubuvumbuli 6:8 Iomraidhean Croise

Ivyili 5:5

Inyayo zyache zikubuka kubufwe, izila yiyo akwendamo yikubuka kuchisu icha bafwe.

Yesaya 25:8

Akwiza pakuyimila imfwa bwila na bwila. U Mwene Uwamaka Ghosi akwiza pakubasyumula amasozi, nukubefya isoni abantu bache pachisu chosi ichapasi. U Mwene anena.

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Yelemiya 16:16

U Mwene akuti, “Loli ilelo nkwiza pakubatumila abaloba iswi abinji nkani, babo bakwiza pakubaloba abantu banaba. Pisinda pache nkwiza pakubatumila ababingi abinji nkani, po bakwiza pakubabinga mumaghamba ghosi na mutughamba tosi sona na mumpako izya mabwe.

Yelemiya 16:4

“Bakwiza pakufwa nu bubine ubupalapala nkani. Batakwiza pakubalila pamo pakubasyila loli bakwiza pakuba ngati vinyazu vivyo vili pachisu. Bakwiza pakufwa nu bwite sona nizala. Imivimba yabo yikwiza pakuba chakulya icha viyuni ni vinyamana.”

Yelemiya 24:10

Nkwiza pakubatumila ubwite, nizala sona ni chiwaya mupaka bosi bananganike muchisu chicho nkabapa abene poka na banyenya babo.’ ”

Yelemiya 29:17

U Mwene Uwamaka Ghosi akuti, “Nkwiza pakubatumila ubwite, nizala sona ni chiwaya, nkwiza pakubapela ngati vikomwa ivya makuyu vivyo vibolite sona umuntu atangalya napo panandi.

Yelemiya 43:11

Akwiza pakukanangannya akaya aka Ijiputi nukubapelela intamyo izya bufwe babo bubabaghiye nukubinjizya mubuzya abantu babo ubuzya bubabaghiye sona ukufwila kubwite babo babaghiye ukufwila kubwite.

Ezekiyeli 29:5

Nkwiza pakukuleka munkolongo, awe poka niswi zyosi izya mutusoko twako. Ukwiza pakuwila pabuzelu bulo, patakwiza pakubapo nayumo umuntu uwa kukuseba, sona utakwiza pakusyiliwa. Nkwiza pakukubika pakuba chakulya icha vinyamana ni viyuni.

Ezekiyeli 5:12

Ichigaba ichabutatu icha bantu bakwiza pakufwa ni chiwaya pamo nizala, ichigaba ichabutatu bakwiza pakufwila kubwite kuzi ukwa kaya kinyu akakulu nkani, sona ichigaba ichabutatu nkwiza pakubanyampannya kosi na kosi, nukubachimbizya nupanga.

Hoseya 13:14

Nkwiza pakubatabula kumaka aghipumpa, sona nkwiza pakubasatula kubufwe. Wee bufwe wee, nkimba iviwaya vyako vili ko kwiyi? Wee lipumpa wee, nkimba ukunangannya kwako kuli ko kwiyi? Ntakwiza pakuba ni chililizi nachimochimo.

Habakuku 2:5

Momumo, uvinyo akumuzimbula umuntu, akwituvya sona atakuba nu mutende. Pachifukwa ichakuti mupafu ngati mapumpa, napapo atakwikuta nalumo ngati bo bufwe, akwibunganikila mwene abantu aba inko zyosi, nukubasenda abantu abanji pakuba bakayidi.

Zekaliya 6:3

iyabutatu yikaba ni falasi iswepu, po iyafolo yikaba ni falasi iyamabalamabala, loli zyosi zikaba zyamaka nkani.

Matayi 11:23

Nawe Kapelinahumu! Nkimba ukwinong'ona ukuti ukwiza pakukweziwa mupaka kumwanya? Awe, loli ukwiza pakusumbiwa kubuzilo ubwa bantu abafwe! Ivyika vivyo vibombiwe kukwako, nanti vibombiwe mukaya aka Sodomu, ngali akaya kalakala kaliko nilelo?

Matayi 24:7

Ichisu chikwiza pakulwana ni chinji, ubumwene bukwiza pakulwana nu bunji. Kukwiza pakuba izala nu tusenyenta posi na posi.

1 Aba Kolinti 15:55

Wee bufwe wee, nkimba ubupoti bwako buli ko kwiyi? Wee bufwe wee, luli ko kwiyi ulubolela lwako?”

Ubuvumbuli 1:18

Ane ne mumi. Nkafwa, loli ilelo ne mumi bwila na bwila. Indi ni nyighulilo izya bufwe, sona ni nyighulilo izya buzilo ubwa bantu abafwe.

Ubuvumbuli 12:4

Nu musinda wache, inyivwila yila yikawesa ichigaba choka pa vigaba vitatu ivya ntondwa nukuzisumbila pachisu ichapasi. Inyivwila yila yikima pamaso pa mukolo yuyo akaba papipi pakusayiwa, umwakuti yilye umwana uwa mukolo yula, bo apapiwa bulo.

Ubuvumbuli 9:15

Abantumi folo bala bakabayanizya zila akabalilo kalakala, ni siku lilalila nu mwezi ghulaghula sona nu mwaka ghulaghula. Ilelo bakasatuliwa ukuti baghoghe ichigaba choka pa vigaba vitatu ivya bantu bosi.

Ubuvumbuli 9:18

Ichigaba choka pa vigaba vitatu ivya bantu chikaghoghiwa ni viwaya vitatu: Umoto ni lyosi, sona nu sulufule vivyo vikafumagha mumalomo agha falasi zila.