Ubuvumbuli 6:4 - IBAYIBOLO 2024

⁴ Po ifalasi iyinji inchesamu yikaboneka. Uwakukwelapo akapeghiwa amaka aghakulwila ubwite pachisu ichapasi, umwakuti abantu baghoghanaye benebene, sona akapeghiwa upanga umukulu nkani.

Ulufingo Ulupya

⁴ Po ifalasi iyinji inchesamu yikaboneka. Uwakukwelapo akapeghiwa amaka aghakulwila inkondo pachisu ichapasi, umwakuti abantu baghoghanaye benebene, sona akapeghiwa upanga umukulu nkani.

Ubuvumbuli 6:4 Iomraidhean Croise

Masalimo 17:13

Wee Mwene vundumuka, ubapotaye nukubawisya pasi, sona bombezya upanga wako umpokaye munyobe izya bantu ababibi.

Daniyeli 5:19

Akaba mukulu nkani umwakuti, naba inko zyosi, nuluko losi sona na baneno zyosi bakamunyilagha nkani nukutetema pamaso papache. Nanti akalondagha pakumughogha umuntu yumo, naloli akamughogha. Nanti akalondagha pakumuleka mumi umuntu yumo, naloli akamulekagha mumi. Nanti akalondagha pakumukwezya umuntu yumo, naloli akamukwezyanga. Nanti akalondagha pakumukozya isoni umuntu yumo, naloli akamukozyanga isoni.

Zekaliya 1:8

Pabusiku nkennya ichisetuka, pakaba uwakwendezya ifalasi inchesamu. Akimililagha pakasi pa makwi ghamo agha ntumbusya mwikombe. Po kwisinda kwache kukaba abakwendezya ifalasi inchesamu, ni yamabala sona ni swepu.

Zekaliya 6:2

Ingolo iyakwanda yikaba ni falasi inchesamu, iyabubili yikaba ni falasi ifitu,

Matayi 10:34

“Nkimba mukwinong'ona ukuti niza pakubika umutende pachisu ichapasi? Awe, intakizila pakubika umutende, loli bwite.

Matayi 24:6

Mukwiza pakwivwa nizya bwite papipi na kubutali, loli mutakanyilaye. Ivintu vinivi vibaghiye pakubombiwa, loli kute kokuti ubumalilo bwafika.

Yohani 19:11

U Yesu akamwamula akati, “Uli nu bulaghili papane pakuti we Chala yuyo akakupa ubulaghili bunubu. Po umuntu yuyo akambika munyobe zyinyu anangite nkani.”

Ubuvumbuli 12:3

Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.

Ubuvumbuli 13:10

Umuntu wesi yuyo abaghiye pakuba muzya naloli akwiza pakuba muzya. Umuntu wesi yuyo abaghiye pakuboliwa nupanga, akwiza pakuboliwa naloli nupanga. Po panapa pakulonda ukuti abantu aba Chala babanje bakujimba nukuba bamaka mulwitiko.

Ubuvumbuli 17:3

Po u Muzimu Umuzelu akansendela munkolongo. Kulakula nkamwennya umukolo ikaye pachinyamana ichichesamu, chicho chikaba ni mitu seveni, sona ni mpembe teni, zizyo zikaba na matabwa posi na posi aghakumusamula u Chala.

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.