Ubuvumbuli 6:13 - IBAYIBOLO 2024

¹³ Intondwa izya kumwanya zikalaghala pachisu ichapasi ukuyana namumo amakuyu amabisi ghakulaghalila mwikwi, bo impepo iyamaka yikuliyingannya.

Ulufingo Ulupya

¹³ Intondwa izya kumwanya zikalaghala pachisu ichapasi ukuyana na mumo amakuyu amabisi ghakulaghalila mwikwi, bo impepo iyamaka yikuliyingannya.

Ubuvumbuli 6:13 Iomraidhean Croise

Yobu 15:33

Akwiza pakuba ngati lutabo lwamampesya, lulo bayabitemo ivikomwa vyache bo zitatonite. Akwiza pakuba ngati likwi ilya musyunguti, lilyo ubwezya bwache bwalaghala.

Yesaya 13:10

Intondwa izya kumwanya ni vibunga vyabo vitakwiza pakulama. Izuba lilyo likulama likwiza pakuba muchisi, ghope umwezi ghutakwiza pakulama.

Yesaya 33:9

Ichisu chikulila sona chikunanganika, umusitu uwa Lebanoni ghukufoka, u Shaloni ali ngati we Alaba, ichisu icha Bashani ni cha Kalimeli vikulaghazya amani ghabo.

Yesaya 34:4

Izuba nu mwezi sona ni ntondwa vikwiza pakusunguluka, kumwanya kukwiza pakunnyengiwa ngati libuku, intondwa zyosi izya kumwanya zikwiza pakulaghala, ngati mani agha mampesya, ngati mumo amani ghakulaghalila kwikwi ilya chikuyu.

Yesaya 7:2

Bo abamunyumba iya Devedi bivwa ukuti ichisu icha Siliya bivwanite ni chisu icha Efulayimu, u mwene poka na bantu bache ubogha bukabalema sona bakatetemagha ngati mumo amakwi agha mumusitu ghakuyinganiziwa ni mpepo.

Ezekiyeli 32:7

Bo nakuzimizya, nkwiza pakwighalila kumwanya nukuzifisya intondwa, Nkwiza pakulivwinka izuba ni bingu, sona u mwezi ghutakwiza pakulama.

Daniyeli 4:14

Akakolomoka akati, dumula ikwi nukuzipalanta isamba zyache. Ughapalante amani ghache, sona ivikomwa vyache uvinyampannye. Vileke ivinyamana vichimbilayemo mukazundila kache, sona vyope iviyuni vichimbilayemo musamba zyache.

Daniyeli 8:10

Ulupembe lula lukakula nkani, umwakuti lukapalamasyanga utubukatila ni ntondwa na basilikali aba kumwanya, po lukabasumbila pasi abasilikali bamo aba kumwanya nukubakanyankila.

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Nahumu 3:12

Amalinga ghako ghosi ghali ngati makwi agha makuyu, ghagho ghali ni vikomwa ivyakwanda pakutona. Bo ghayinganiziwa, ivikomwa vikuwila mumulomo uwa yuyo akuvilya.

Matayi 24:29

“Nanti intamyo izya masiku ghanagho zyachila bulo, izuba likwiza pakuba muchisi, umwezi ghute ghukalame nalumo, intondwa zikwiza pakuwa ukufuma kumwanya, sona ivintu ivya maka kumwanya vikwiza pakuyingana.

Maliko 13:25

intondwa zikwiza pakuwa kumwanya, sona ivintu ivya maka kumwanya vikwiza pakuyingana.

Luka 21:25

“Kukwiza pakuboneka ivintu iviyeni kwizuba na kumwezi, sona na kuntondwa. Pachisu ichapasi, abantu aba inko zyosi bakwiza pakutetema nukuvulungana, bo bennya ukuyingana ukwa nyanja na mayigha.

Ubuvumbuli 9:1

Palapala uwantumi uwafayivi akalizya ipati lyache. Po nkennya lutondwa ulwa kumwanya lulo lukawila pachisu ichapasi. Lukapeghiwa inyighulilo iyakwighulila muchibanka ichibizu nkani.