Ubuvumbuli 6:12 - IBAYIBOLO 2024

¹² Bo u Mwana uwa ng'ozi amamatula ichimatilo ichasikisi, pakaba akasenyenta akakulu. Izuba likaba lifitu ngati gho mwenda umufitu, umwezi ghosi ghukachesama ngati lyo libanda.

Ulufingo Ulupya

¹² Bo u Mwana uwa ng'ozi amamatula ichimatilo icha sikisi, pakaba akasenyenta akakula. Izuba likaba lifitu ngati gho mwenda umufitu, umwezi ghosi ghukachesama ngati lyo libanda.

Ubuvumbuli 6:12 Iomraidhean Croise

Yesaya 24:23

Umwezi ghukwiza pakwima, lyope izuba litakwiza pakulama, pakuti u Mwene Uwamaka Ghosi akwiza pakulaghila, pighamba ilya Ziyoni na mu Yelusalemu, po pantazi pa basongo pakwiza ukuboneka ubuchindamu.

Yesaya 29:6

u Mwene Uwamaka Ghosi akwiza pakukwizila, nukupaya na kasenyenta sona ni chongo ichikulu nkani, nukankungu nu kabefu sona ni ndimi izya moto uwakulungulizya.

Yesaya 34:4

Izuba nu mwezi sona ni ntondwa vikwiza pakusunguluka, kumwanya kukwiza pakunnyengiwa ngati libuku, intondwa zyosi izya kumwanya zikwiza pakulaghala, ngati mani agha mampesya, ngati mumo amani ghakulaghalila kwikwi ilya chikuyu.

Yesaya 50:3

Nkuvwika kumwanya ni chisi, nukughapela amasaka pakuba chakuvwala pachifukwa icha chitima.”

Yoweli 2:10

Ichisu chikuyingana pantazi papabo, kope kumwanya kukutetema. Izuba nu mwezi vyaba bulo fii, sona zyope intondwa zitakulama nalumo.

Yoweli 3:15

Izuba nu mwezi vikwiza pakuba bulo fii, zyope intondwa zitakwiza pakulama na lumo.

Amosi 1:1

Agha gho mazyu ghagho u Amosi yuyo akaba yumo uwa badimi aba mukaya aka Tekowa. U Amosi akennya ichisetuka nizya Izilayeli bo ghachilipo amaka mabili bo akasenyenta katafikite. Pakabalilo kalakala u Uziya akalaghilagha mu Yuda, sona u Yelobowamu umwana uwa Yehowashi akalaghilagha mu Izilayeli.

Amosi 8:9

Po u Mwene Uwamaka Ghosi akuti, “Pisiku linilyo nkwiza pakulyinjizya izuba pakasi pachamabwila, sona ichisu chikwiza pakuba muchisi pamusanya,

Zekaliya 14:5

Mukwiza pakupona pachifukwa icha likombe lilyo lili pakasi pamaghamba mabili, pakuti likwiza pakufika mupaka ku Azeli. Mukwiza pakuchimbila ngati mumo mukachimbilila akasenyenta, bo u mwene Uziya akulaghila mu Yuda. Po u Mwene u Chala wane akwiza pakwiza poka na bantu bache bosi abazelu.

Matayi 11:21

“Chighune kukwako Kolazini! Chighune kukwako Betisayida! Nanti ivyika vivyo vibombiwe mumwinyu, vyabombiwe mutwaya utwa Tile nu Sidoni, ngali abantu mulamula bavwalite kale amasaka nukwikupulila itoyi mumubili ukulanjizya ukuti naloli bapinduka nukuzileka imbibi zyabo!

Matayi 24:29

“Nanti intamyo izya masiku ghanagho zyachila bulo, izuba likwiza pakuba muchisi, umwezi ghute ghukalame nalumo, intondwa zikwiza pakuwa ukufuma kumwanya, sona ivintu ivya maka kumwanya vikwiza pakuyingana.

Matayi 24:7

Ichisu chikwiza pakulwana ni chinji, ubumwene bukwiza pakulwana nu bunji. Kukwiza pakuba izala nu tusenyenta posi na posi.

Matayi 27:45

Pakasi pamusanya ichisi chikawa muchisu chosi mupaka fili koloko pachamabwila.

Matayi 27:54

Bo usongo uwa basilikali poka na basilikali babo bakamulindililagha u Yesu, bennya akasenyenta na vyosi vivyo vikabombiwa, bakanyila nkani nukuti, “Naloli uyu akaba Mwana uwa Chala!”

Matayi 28:2

Umwalubilolubilo kukaba akasenyenta akakali nkani pakuti uwantumi uwa Mwene akika kumwanya. Akabunguluzya ibwe lila nukwikalapo.

Maliko 15:33

Pakasi pamusanya ichisi chikawa muchisu chosi, mupaka fili koloko pachamabwila.

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.

Ubuvumbuli 16:18

Po kukabako utumesya, ukujilimisya nukupaya ukwa vula, sona na kasenyenta akakoghofya. Kutakabako akasenyenta ngati ko aka ukwandila pakabalilo kako abantu bakapeliwanga. Aka kakaba kasenyenta akabibi patosi.

Ubuvumbuli 16:8

Uwantumi wafolo akakupulila vivyo vikaba mulubako lwache pizuba, po izuba likapeghiwa amaka aghakubochela abantu numoto.

Ubuvumbuli 8:12

Uwantumi uwafolo akalizya ipati lyache. Po ichigaba choka icha izuba nu mwezi ni ntondwa pa vigaba vitatu vikananganika, umwakuti ukulama kwabo ichigaba choka pa vigaba vitatu chikaleka pakulama. Kutakabako ulukozyo muchigaba choka pa vigaba vitatu ivya musanya, sona ni chigaba choka pa vigaba vitatu ivya busiku.

Ubuvumbuli 8:5

Po uwantumi yula akasenda ichakufukizizya utwakununkila tula nukuchizuzya numoto uwa pachighemo nukuchisumbila pachisu ichapasi. Pakabalilo kalakala kukaba amabingu, ni vyongo nu tumesya, sona na kasenyenta.