Ubuvumbuli 6:11 - IBAYIBOLO 2024

¹¹ Po umuntu wesi akapeghiwa inkazo inswepu, sona bakabuziwa ukuti batuzye panandi bulo mupaka ubwinji ubwa bambombo abanji nu bwinji ubwa bakamu babo bukwane, babo bope baghoghiwanje ngati bo babo.

Ulufingo Ulupya

¹¹ Po umuntu wesi akapeghiwa inkazo inswepu, sona bakabuziwa ukuti batuzye panandi bulo mupaka ubwinji ubwa bambombo abanji, nu bwinji ubwa bakamu babo bukwane, babo bope baghoghiwanje ngati bo babo.

Ubuvumbuli 6:11 Iomraidhean Croise

Daniyeli 12:13

“Loli awe Daniyeli, bukagha bulo mupaka pabumalilo. Ukwiza pakufwa, sona pabumalilo ukwiza pakuzyuka ukuti upeghiwe umuvwalo wako.”

Matayi 10:21

“Abantu bakwiza pakubabika abawamwabo ukuti baghoghiwe, sona na bawise bope bakwiza pakubabombela bunubu abana babo. Abana bakwiza pakubasambukila abapapi babo ukuti baghoghiwe.

Luka 15:22

Loli uwise akabitizya abambombo nukubabuzya ukuti, ‘Lubilolubilo, kasende inkazo inyiza nkani nukumuvwika. Mumuvwike impete mu kafingwi, sona mumuvwike inkwato kunyayo zyache.

Yohani 16:2

Bakwiza pakubepusya munyumba izyakwiputilamo, sona akabalilo kakwiza kako umuntu wesi yuyo akubaghogha akwiza pakwinong'ona ukuti pakubomba bunubu, akumubombela u Chala.

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

2 Aba Tesalonika 1:7

sona akwiza pakubapa ubutuzyo amwe mwe mukuyimba, poka naswe bulo. Akwiza pakubomba zinizi bo u Mwene u Yesu avumbuliwa kumwanya numoto uwakwaka, poka na bantumi bache abamaka.

2 Timoti 4:7

Nalwa ubwite ubwiza, namalizya inyangalo iyakuchimbila, sona nasungilila ulwitiko.

Aba Hebeli 11:40

pakuti u Chala akatuyanizya ichintu ichizapo nkani, umwakuti abantu bosi bala batakabe bakufikapo ukusita aswe.

Aba Hebeli 12:23

Mwiza kulusekelo lulo abana abakatote aba Chala, bakukomana, babo amatabwa ghagho ghasimbiwe kumwanya. Mwiza kwa Chala yuyo mulongi uwa bantu bosi, sona mwiza ku mizimu iya bantu abagholosu, yiyo u Chala akayipela pakuba yakufikapo.

Aba Hebeli 4:10

Pakuti umuntu wesi yuyo akwinjila mubutuzyo ubwa Chala ubu, wepe bulo akutuzya imbombo zyache ukuyana namumo u Chala akatuzikizya imbombo zyache izya bupeli.

Ubuvumbuli 10:6

Po akalapa mwitabwa ilya Chala yuyo akubangako bwila na bwila, yuyo akapela kumwanya ni chisu ichapasi, ni nyanja, sona na vyosi vivyo vili mumo. Uwantumi yula akati, “Kutakwiza pakuba sona ukukaba!

Ubuvumbuli 13:15

Ichinyamana ichabubili chikitikiziwa pakuchifutila umuyi ichifwani icha chinyamana ichakwanda chila, umwakuti ichifwani chila chinene nukubaghogha abantu babo batakuchiputa.

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.