Ubuvumbuli 5:13 - IBAYIBOLO 2024

¹³ Po nkivwa ivya bumi ivya kumwanya, nivya muchisu ichapasi, nivya kusi kuchisu, nivya munyanja, sona ni vipeliwa vyosi ivya bumi vikwimba vikuti, “Uwakwikala pachitengo icha bumwene nu Mwana uwa ng'ozi, apokele amapalo nu buchindamu, sona na maka bwila na bwila!”

Ulufingo Ulupya

¹³ Po nkivwa ivya bumi ivya kumwanya, nivya muchisu ichapasi, nivya kusi kuchisu, nivya munyanja, sona ni vipeliwa vyosi ivya bumi vikwimba vikuti, “Uwakwikala pachitengo icha bumwene nu Mwana uwa ng'ozi, apokele amapalo nu buchindamu, sona na maka bwila na bwila!”

Ubuvumbuli 5:13 Iomraidhean Croise

1 Imbili 29:11

Awe we Mwene we mukulu nkani, sona we wamaka nu wabuchindamu sona we mupoti. Pakuti ivintu vyosi ivya kumwanya ni vya pachisu ichapasi vyosi vyako. Wee Mwene, wemwenecho uwa vintu vyosi ivya pachisu ichapasi.

Yesaya 24:14

Bakakwezya amazyu ghabo bo bakukolomoka umwakusekela, ukufuma kubwinjillilo bwizuba bakufumusya nizya buchindamu ubwa Mwene.

Yesaya 42:10

Mumwimbilaye u Mwene ulwimbo ulupya, amwe mwe mukufuma kubumalilo ubwa chisu mumupalaye, amwe mwe mukubuka pasi panyanja navyosi vivyo vilimumo, amwe mwe tusungo na mwebosi mwe mukwikala mumo mumwimbilaye.

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Luka 2:14

“Ubuchindamu kwa Chala uwakumwanya nkani, umutende pachisu ichapasi pakasi pabantu babo u Chala akuhoboka nkani nabo!”

Yohani 1:29

Ilyandabi, u Yohani akamwennya u Yesu akwiza kukwache, po akati, “Ennya, u Mwana uwa ng'ozi uwa Chala, yuyo akwefya imbibi izya bantu aba muchisu ichapasi.

Aba Loma 11:36

Pakuti ivintu vyosi vikapeliwa nawe, sona vili nubumi ukwendela mumwache, sona ni chifukwa icha yuyo. Kwa Chala kubanje ubuchindamu ubwa bwila na bwila! Ameni.

Aba Loma 16:27

Kwa Chala mwene, yuyo we Chala uwamahala ghosi, kubanje ubuchindamu bwila na bwila ukwendela mwa Yesu Kilisitu! Ameni.

Aba Loma 9:5

Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.

Aba Efeso 3:21

U Chala apokele umuchizi ughu muvipanga, sona na mwa Kilisitu u Yesu ku nkulilo zyosi, bwila na bwila! Ameni.

Aba Filipi 2:10

umwakuti ivipeliwa vyosi, ivya kumwanya na pachisu ichapasi, sona na kusi kuchisu ichapasi vifughame pakulichindika itabwa ilya Yesu.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

1 Timoti 4:16

Wiyenelezye akiza wemwenecho nubumi bwako, sona ni chimanyisyo chako. Endelela pakubomba ivintu vinivi, pakuti pakubomba bunubu, u Chala akwiza pakukupoka, sona na bantu babo bakuteghelezya amazyu ghako.

1 Pitala 4:11

Umuntu wesi yuyo akulumbilila, alumbililaye amazyu agha Chala. Umuntu wesi yuyo akubabombela abanji, abombaye na maka ghagho u Chala akamupa, umwakuti u Chala apaliwanje muvintu vyosi, ukwendela mwa Yesu Kilisitu. Ubuchindamu na maka vibanje kwa Chala bwila na bwila. Ameni.

1 Pitala 5:11

Kukwache kubanje amaka bwila na bwila! Ameni.

Yuda 1:25

U Chala mwene weyuyo Mupoki witu ukwendela mwa Yesu Kilisitu u Mwene witu. Apokelaye ubuchindamu nu bumwene, na maka nu bulaghili ukwanda ilelo mupaka bwila na bwila! Ameni.

Ubuvumbuli 1:6

Akatupela aswe pakuba luko ulwa bumwene, nukuba baputi ukuti tumubombelaye Uwise u Chala. Ubuchindamu na maka vya Yesu Kilisitu bwila na bwila. Ameni!

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 5:1

Nkennya ibuku munyobe indilo iya yuyo akwikala pachitengo icha bumwene. Ibuku lila likaba nu busimbe kumbazu zyosi zibili, sona likamatiwa ni vimatilo seveni.

Ubuvumbuli 5:12

Bakimba umwakukolomoka bakati, “U Mwana uwa ng'ozi yuyo akaboliwa apokelaye ubulaghili nu bukabi, na mahala, na maka nu muchizi, nu buchindamu, sona na mapalo!”

Ubuvumbuli 5:3

Loli atakabapo nayumo umuntu kumwanya pamo pachisu ichapasi, pamo kusi kuchisu yuyo angighula ibuku lila nukwennya mukasi.

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.

Ubuvumbuli 6:16

Bakaghitizya amaghamba na mabwe bakati, “Mutuwile, mutufise pamaso pa yuyo ikaye pachitengo icha bumwene, mutufise ku bukali ubwa Mwana uwa ng'ozi.