Ubuvumbuli 4:7 - IBAYIBOLO 2024

⁷ Ichabumi ichakwanda chikabonekagha ngati yo nkalamu, ichabubili chikabonekagha ngati yo nkambaku, ichabutatu chikaba ni cheni icha muntu, sona ichafolo chikabonekagha ngati lyo lizwanga lilyo likubuluka.

Ulufingo Ulupya

⁷ Ichabumi ichakwanda chikabonekagha ngati yo nkalamu, ichabubili chikabonekagha ngati yo nkambaku, ichabutatu chikaba ni cheni icha muntu, sona icha folo chikabonekagha ngati lyo lizwanga lilyo likupululuka.

Ubuvumbuli 4:7 Iomraidhean Croise

Ubwandilo 49:9

Wee Yuda, uli ngati mwana uwa nkalamu, wabwelako pakulema inyama, sona wanyokela kumpanga yako. U Yuda ayanite bulo ni nkalamu inkolo, yiyo yiyanizye pakunyela. Nkimba wewenu mujivu yuyo angayivulungannya?

2 Samuweli 1:23

“U Sabuli nu Yonatani mubumi bwabo bakaghaniwa, sona bakaba bakuboneka akiza. Bakaba poka bo bachili bumi, sona bakaba poka bo bafuye. Bakaba bantu balubilo nkani ukughachila amazwanga. Bakaba bamaka nkani ukuzichila inkalamu.

Ivyili 28:2

Nanti ichisu chasambuka, abalongozi bakuba binji, loli umuntu uwakwivwisya ivintu nu wamahala akupela umutende.

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Ezekiyeli 1:10

Ivyeni vyabo vikabonekagha ngati ulu: Vyosi folo vikaba ni cheni icha muntu, sona kundilo chikaba ni cheni icha nkalamu, kumongo chikaba ni cheni icha ng'ombe, po kunyuma chikaba ni cheni icha lizwanga.

Ezekiyeli 1:8

Muntende muvipapande vyabo mumbazu folo vikaba ni nyobe izya muntu. Vyosi folo vikaba nivyeni ni vipapande,

Ezekiyeli 10:14

Ukelubi weka akaba nivyeni folo, icheni choka chikaba cha kelubi, ichabubili chikaba ni cheni icha muntu, ichabutatu chikaba ni cheni icha nkalamu, ichafolo chikaba ni cheni icha lizwanga.

Ezekiyeli 10:21

Ukelubi wesi akaba nivyeni folo, ni vipapande folo, kuntende kuvipapande vyabo kukabonekagha ngati nyobe izya muntu.

Daniyeli 7:4

“Ichinyamana ichakwanda chikaboneka ngati yo nkalamu, sona chikaba ni vipapande ngati vya lizwanga. Nkachenelezya mupaka ivipapande vyache vikazepuka, sona chikanyamuziwa nukwimilila ni vinama folo ngati muntu. Po chikapeghiwa inyinong'ono izya muntu.

Obadiya 1:4

Napapo ukubuluka ngati lizwanga, nukuluka ichivulumbo chako, pakasi pantondwa pope bulo nkwiza pakukwisya.” U Mwene anena.

Ukubelengiwa 23:24

Uluko ulwa Izilayeli lukunyamuka ngati nkalamu inkolo, lukunyamuka ngati nkalamu inyanavuli, yiyo yitakughona mupaka yileme ichinyamana chimo nukuchilya, yiyo yikungw'ela ibanda ilya chinyamana chicho yaghogha.”

Ukubelengiwa 24:9

Mukwiza pakuba ngati nkalamu, inkalamu inkolo, nkimba wewenu angachela pakukulamusya? Musayiwa umuntu yuyo akubasaya, mughuniwa umuntu yuyo akubaghuna.”

1 Aba Kolinti 14:20

Mwee bakamu bane, mutakinong'onaye ngati mwe bana abanandi. Bo mwakomana ni vintu ivibibi mubanje ngati mwe bana abanandi, loli munyinong'ono zyinyu mubanje ngati mwe basongo.

Ukukumbusya Amalamulo 28:49

U Mwene akwiza pakulwitizya uluko ulwakufuma kumpaka iya chisu ichapasi, uluko lulo ineno yabo mutayimenye. Uluko lunulu lukwiza pakubizila ngati lyo lizwanga.

Ubuvumbuli 4:6

Pantazi pachitengo icha bumwene pakaboneka ulubinjilo lulo lukaba ngati yo nyanja iya galasi, yiyo yikanyezimilagha ngati lyo libwe ilya kilisitali. Pakasikasi, ukuzyungulila ichitengo icha bumwene, kulubazu losi pakaba ivipeliwa ivyabumi folo. Vikaba na maso kosi na kosi, kuntazi na kwisinda bulo.

Ubuvumbuli 6:3

Bo u Mwana uwa ng'ozi amamatula ichimatilo ichabubili, nkivwa ichipeliwa ichabumi ichabubili chikuti, “Zagha!”

Ubuvumbuli 6:5

Bo u Mwana uwa ng'ozi amamatula ichimatilo ichabutatu, nkivwa ichipeliwa ichabumi ichabutatu, chikuti, “Zagha!” Nkenelezya nukuyennya ifalasi infitu. Uwakukwelapo akalema ichakupimila munyobe zyache.

Ubuvumbuli 6:7

Bo u Mwana uwa ng'ozi amamatula ichimatilo ichafolo, nkivwa ichipeliwa ichabumi ichafolo chikuti, “Zagha.”